# Pak Khu công nghiệp Phú Mỹ I, huyện Tân Thành, tỉnh Bà Rịa - Vũng Tàu, Akaok negar Trương Tấn Sang hu mbaok ngak lễ peih pakak Dự án peih prong bruk ngak tabiak di Công ty Thép Vina Kyoei. Akaok negar jia lac Công ty Vina Kyoei ngan vai trò nan lac đối tác pambuak bruk ngak mbang prong dalam, meda patui veik peih ngak siam jang ngan haong dự án bahrau hu peih pakak; taphia di nan samar ba dự án peih prong vaktu 3 tame ngak; ngak jeng sa talei dự án công nghiệp - dịch vụ pambuak pagam bal raya Hồ Chí Minh haong Bà Rịa - Vũng Tàu.  

# Di sang Quốc hội, Phaok akaok Quốc hội Uông Chu Lưu hu taduan raok kapul lambaok ka urang hu angan je dalam bhap bini urang bangsa takik dok di tỉnh Quảng Nam, dalam mbang Kapul tabiak nao rivang ban ine Hà Nội. Urak ni, 8,2% urang di tỉnh Quảng Nam  lac urang bangsa takik. Urak ni dalam tỉnh hu 385 urang hu angan je, dalam nan bangsa Cơ Tu hu 193 urang, Xê đăng 80 urang, Giẻ-Triêng 69 urang. Boh sang kan kathaot di bhum urang bangsa takik song bhum ceik di tỉnh tui kuhria yaok thun lac là 5,26% (meng 59% thun 2011 giảm dok 43 % dalam thun 2014). 

# Ủy ban bhap bani Bal raya Hồ chí Minh bahrau pataom iek veik 3 thun peih ngak danak dak pambuak pagam Gilang pariak – Doanh nghiệp. labaih 145 ribau tỷ đồng nan lac yaom jien brei ka jaik 6 ribau 300 doanh nghiệp hu mesre tapa 3 thun peih ngak danak dak Pambuak pagam Gilang pariak sapng bal raya. Ong Nguyễn Hoàng Minh, Phaok akaok gilang pariak Karja Việt Nam-dhal bal raya Hồ Chí Minh brei thau: Khaol dahlak oh padeih veik pak ini bo patui veik pambuak bruk brei mesre, ngan haong dom quận huyện, khaol dahlak meda pambuak mbang ka 2, ka 3. Thun ini, khaol dahlak hu pambuak pagam gilang pariak – urang nong, ini lac jalan ngak bahrau siam gheih. Meng ini tal puac thun, khaol dahlak meda căn cứ tame Nghị định 55 di Raja-ei patui veik pambuak ka urang nong mesre, palagaih ka gah ngak nong, palei pala nao njauk jalan Thành ủy ba tabiak.

# Tỉnh Bình Dương hu padang  rilo kapul nyaom nao rivang song tangi sua brei pandap ka dom boh sang dalam sarak karja, urang hu buh pren yava ka CM di 9 huyện, thị ban sit dalam tỉnh. Di yaok huyện thị ban sit, urang pan akaok tỉnh palei pala hu nao rivang tangi sua song brei pandap ka 5 urang dalam sarka karja, boh sang hu buh pren yava ka CM yaok pok pandap hu yaom 500 ribau đồng song 1 triệu 500 ribau đồng jien mbaok.

# Kapul urang nong tỉnh Đồng Nai bahrau brei thau, kuhria rah tapa yaok thun hu labaih 140 ribau baoh sang urang nong mboh tangin tame phong trào urang nong pakacah gauk ngak mbang naih jioy, dalam nan hu jaik 80 ribau baoh sang mek hu angan ngak mbang pablei salih naih jioy. Phong trào hu pren pambak khang abih di nyu lac pak dom xã palei pala bahrau ngan haong ralo kareih camin hadah hadai.  

# Dom danak dak thủy điện mbiah song sit di  tỉnh Kon Tum oh ka hu buh jien tabiak padang ngak thiết bị quan trắc tui quy địn. Tong abih dom danak dak ni peih ngak quan trắc meng jalan trực quan. Dom danak dak dalam tuk vak peih ngak, po đầu tư eng drei pasiam veik gar glong di binek (yau thủy điện Đăk Sơ Sa, Đăk Rơ Sa 2) piah tagok dung tích binek ia. Abih di nyu nan lac rilo danak dak thủy điện po đầu tư oh ka padang jalan khik caga bruk ia ndik ia sua pathua khan ka bruk  siam mekre di binek dok suai lavik.

# Dalam tỉnh Đắk Nông urak ini hu 935 trang trại ngan haong taong abih mblang taneh pala dak ngak mbang labaih 6.670 ha saong pachreih dui jaik 13.000 urang ngak. Jien mek tame kuhria rah tapa yaok trang trại hu labaih 1 tỷ đồng sa thun. Dalam tổng số trang trại angaok nan, hu 877 trang trại pala drak saong saong tổng hợp, 58 trang trại raong glang. Tui taneh riya langik tasik di yaok labik saong  điều kiện urang ngak di yaok labik; quy mô, số lượng trang trại pak dom huyện patagok karei di gauk. Kuhria rah tapa yaok huyện dalam tỉnh patagok 114 trang trại.  

 Khaw tin dunya:

# Gah lập pháp Mỹ dok duah thau rilo gilang pariak prong kayua medhi lac pagam tal dom pok jien suan adat hukun dalam mbang tham nhũng di Liên đoàn chaoh blong dunya (FIFA).Dom urang điều tra di Mintri Tư pháp song Vụ Dịch vụ jien ndua di New York, urak ni dok peih bruk pasang iek piah thau ka cambaih laih dom gilang pariak nan hu ngak ginup dom quy tắc ka adat hukun ka bruk rao jien ngan song dom pok jien njauk cáo buộc halei oh.

# Kadung jien Dunya ( IMF) bahrau brei thau meda ba brei ka Ucraina jaik 1,7 tỷ đôla dalam Kadung jien daong dalam puac bilan ini. Urang tabiak panuac di Kadung jien dunya, amuk Ge-ri Rai (Gerry Rice) brei thau ban điều hành IMF dalam mbang nyaom biai harei 31/7 meda ba tbiak bruk giải ngân gói tín dụng ka 2 ka Ucraina, yau lac sa binah piah daong ka nền kinh tế negar ini tabiak truh bruk talah sre kayua mesruh metak tàn phá pak gah miền Đông.

# Sa danak dak roh duah di sang bac ĐH Harvard bahrau hu panuac khan lac tạp chí "Nature" (Mỹ) hu duah mboh dom liên hệ kỳ lạ ka gien di dom urang thổ dân dok duik di bhum taneh glai glo  Amazon (A-ma-dôn), di negar Brazil, , urang bản địa di Australia, New Ghinea song palao Andaman (An-đa-man), di châu Đại Dương.  Tui Giáo sư di truyền học David Reich (Đa-vít Rây-chơ) – chủ nhiệm công trình, dom thổ dân hu dom trùng khớp kỳ lạ di truyền ni lac dom urang Suruí song Kariiana, hu nyai sap Tupí, song dom urang Ge menyai sap Xavante./.