# Patui veik danak dak mbang nyaom ka 9, Quốc hội mbang 13, page harei 25/6 Quốc hội biểu quyết brei tapa Hukum Tài nguyên, môi trường tasik saong pulao kaoh; Hukum Gilang pariak karja (pasiam veik); Nghị quyết ka bruk buh jien padangngak mblang kapal haok dunya Long Thành; Hukum An toàn, vệ sinh lao động; Hukum pilih ruah urang ka Quốc hội saong pilih ruah urang ka Hội đồng bhap bani.

# Di Phủ Chủ tịch, Phó phaok akaok negar amuk Nguyễn Thị Doan hu taduan raok kapul urang hu mbaok dalam nyaom biai Kinh tế môi trường dalam meta mong saman bharau pamong tal gah KT hijao. Di var taduan raok, phaok akaok negar hu panuac caong lac dalam tukvak anak tal, dom DN dom urang ilamu kham merat roh duah, padang ngak cộng nghệ sx naih gheih, jalan khik ramik patak patom nhiên liệu, oh tathuak ia merak tachuak, ngak tabiak dom janih pandap khik hu pren yava ka menuac urang, siam ka môi trường piah jeng sa DN hajao.

# Thủ tướng Raja-ei bahrau mboh tangin tame Quyết định 22/2015/QĐ-TTg brei thau ka bruk panduan salih đơn vị sự nghiệp công lập daok dalam dom Mentri, jabat samu Mentri, jabat daok dalam raja-ei, Ủy ban bhap bani dom tỉnh, bal dalam Trung ương, kapul nyaom kinh tế, tổng công ty karja jeng công ty cổ phần (iew katut lac đơn vị sự nghiệp công lập).

# Thủ tướng rajaei bahrau mbaoh tangin tabiak harak pok brei huyện Hải Hậu, tỉnh Nam Định mek hu tanut chuẩn palei pala bahrau thun 2015. Hải Hậu lac huyện bhum taneran tapen tasik di gah merong tỉnh Nam Định, hu 32 xã song 3 ban sit. Peih bruk padang ngak palei pala bahrau, huyện Hải Hậu mek hu 10/19 tanut, lac huyện ngak nong song jiak 80% urang ngak nong, ngành nghề patagok suai lavik, jalan mbak nao mai dok rilo kan kandah oh ka pabak hu bruk công nghiệp hoá, hiện đại hoá; jien duah hu di sa menuac urang dok bier ( thun 20111 tui kuhria 11 triệu 500 ribau đồng sa urang.)

       # Thủ tướng raja-ei njauk hatai brei ka Trung ương Kapul urang dahlau diah ngak bol lin Việt Nam peih ngak Nyaom biai pakat negar pataom iek veik 5 thun mbang ka IV bruk "Urang dahlau deih ngak bol lin daong gauk patrun kathaot, ngal mbang kinh tế naih jioy" tukvak 2011-2016 biak biai saong mek hu ralo siam mekre. Thủ tướng Raja-ei jao ka dom Mentri, jabat: Jien padai, Thông tin saong Truyền thông, Lao động, Thương binh saong Xã hội, Quốc phòng, Rayo papar binguk Việt Nam, Rayo papar sap Việt Nam daong palagaih piah peih ngak Nyaom biai saong pathau khan ka bruk "Urang dahlau diah ngak bol lin daong gauk patrun kathaot, ngak mbang kinh tế naih jioy" di kapul nyaom, menuac urang, Kapul urang dahlau diah ngak bol lin Việt Nam.

# Meng akaok thun tal ni, Trung ương Hội Liên hiệp dam dara Việt Nam hu tín chấp song gilang pariak sarak karja hu dong ka yaok ribau dam dara mesraiy jiak 15 ribau tỷ đồng, patagok bruk ngak mbang, padang mbang ngui. Meng ni tal thun 2020, Kapul Liên hiệp dam dara Việt Nam pa tabiak jalan ngak lac, yaok thun hu 50.000 dam dara hu tacei jalan padang mbang ngui, dalam nan njauk dong dahlau ka dam dara palei pala, urang bangsa takik, dam dara jaoh yo. Hội LH dam dara jeng hu pachreih hội viên, dam dara, dom DN dong padang ngak labaih 400 “sang dok bán trú ka adei”, “sang bac siam ka adei” alin brei ka anek saih bhum glong.

# mBan tacei pato Pacang caga bala meng langik tasik saong roh duah urang njauk bala bal Cần Thơ brei thau, dalam 6 bilan akaok thun, dalam bal hu rah tabiak 15 mbang glut jaleih tapen kraong, 8 mbang angin ribuk ngak khat lahik labaih 2,6 tỷ đồng. Ta-eng glut jaleih tapain kraong ngak khar lahik 2,3 tỷ đồng, dalam nan ralo abih pak 2 quận Cái Răng saong huyện Phong Điền ngak pambak tal bruk ngak mbang pala drak di bhap bani. Ong Phạm Văn Quỳnh, Phaok Akaok Ban Tacei pato pacang caga bala meng langik tasik saong daong duah urang njauk bala bal Cần Thơ brei thau:

Băng: Meda lac thun ini glut jaleih rilo, rah tabiak khang saong di sa labik atah. Oh lac di sa labik sit bo nyu jaleih atah tal abih tuyến. Ini lac kadha brei thau dahlau piah tapa nan khaol drei njauk ngak khang jang dalam bruk brei ka mikva urang nong thau dahlau jalan pacang caga  an toàn tapen kraong. 

Patui di ini khaw tin dunya:

# Takik di abih 14 urang metai song 5 urang karei njauk rambuac dalam sa mbang tong bom ô tô di tapen jalan bahrau rah tabiak di ban ine Mô-ga-đi-xu (Mogadishu) di  Xô-ma-li. Mbang tong bom nan yau pamaong tame dom urang ngoại giao mai meng negar dom Tiểu vương quốc Ả Rập Thống nhất. Urang tong bom ngak patuh sruh radeih tuk kapul radeih pajeng dom urang ngoại giao dom Tiểu vương quốc Ả Rập nao tapa đại sứ quán Thổ Nhĩ Kỳ. Phiến quân An Xa-báp (Al-Shabaab), di  Xô-ma-li hu panuac khan lac drei dang tabiak ngak bruk nan.

# Dalam sa bruk ngak bahrau abih pambuak tal bruk loa pang di Gah Tình báo negar Mỹ (NSA) pamaong tame 3 rai pal akaok Pháp, Tổng thống Mỹ Ba-rắc Ô-ba-ma (Barack Obama) bahrau ieu phon iai haong Tổng thống Pháp Phrăng-xoa Ô-lăng (Francois Hollande) piah patrun bruk pandik hatai di negar ini. Dalam mbang họp báo di harei nan, Urang tabiak panuac Nhà Trắng Giót Ơn-nít (Josh Earnest) brei thau, ieu phol biai haong urang dang akaok Pháp, Tổng thống Mỹ brei thau veik bruk brei padeih blaoh dom bruk loa pang oh chấp nhận hu daok pamaong tame dom negar đồng minh./.

# Tổng thư ký NATO Gien Xtô-ten-bớc (Jens Stoltenberg) bahrau hu panuac lac oh khin laik tame bruk pakacah vũ trang bahrau song Nga, saong khan lac dom bruk ngak di Mát-xcơ-va meng bloh nyu ngak ka liên minh quân sự ni patagok pren khang quốc phòng. Panuac di ong Xtô-ten-bớc hu ba tabiak anak mbang ginum biai akaok mintri quốc phòng NATO hu peih tabiak di negar Bỉ dalam tukvak Mỹ bahrau hu panuac khan lac brei ba 250 radeih tăng, radeih bọc thép song khí tài quân sự tal  Đức song 6 negar Đông Âu karei daok jiak tapen Nga./.