# “Miat miat lac jia tui Đảng”, nan lac angan ieu di Harei pataom pathau khan lưu động tỉnh Thái Nguyên thun 2015 rah tabiak bahrau ini pak bal Sông Công. Harei pataom hu mbaok di labaih 300 urang patahu khan mai meng 9 đơn vị dalam dom huyện, bal sit saong dom jabat, đơn vị dalam tỉnh. Ini lac tukvak piah ka dom urang pathau khan hu taom gaok, bac megru ilamu, paglaong hatai saneng ka urang karja, urang đảng saong bhap bani Thái Nguyên ka dakrai sajarah Đảng Cộng sản Việt Nam, jang yau makna, yaom glaong di nyaom roya Đảng bộ tỉnh mbang ka XIX, pamaong tal Nyaom roya pakat negar mbang ka XII di Đảng. 

# Uy ban bhap bini tỉnh Bình Định bahrau ba 15 urang ilamu ranaih umo halan hatain mai dom xã tame bruk patagok palei pal, bhum ceik tukvak 2013- 2020. Dom urang ilamu ranaih hu parabha ka 15 xã piah pasiam veik đề án di 6 huyện. Meng thun 2011 mbiah tal ni dom urang ilamu ranaih umo di dự án 600 hu rilo rik dong dalam bruk patagok KTXH di dom xã biak kan kandah di tỉnh BĐ, abih di nyu nan lac bhum hu rilo urang bangsa takik.

# Kapul Meta maong dunya (World Vision – Kapul nyaom lingiu rajaei dunya bhian daong uranaih saong dom kapul urang mbuan njauk bala angaok dunya) pambuak haong Kapul patagok Hà Lan saong Ủy ban bhap bnai huyện Hướng Hóa, tỉnh Quảng Trị bahrau peih nyaom biai khởi động dự án “Patagok bruk ngak mbang pala drak ka bhap bani urang bangsa takik huyện Hướng Hóa”. Dự án hu peih ngak meng bilan 6.2015, dui atah dalam 5 thun saong yaom jien abih tih 2,2 triệu USD. Dự án pamaong tal pasiam veik bruk kinh tế ka 1.200 baoh sang kathaot, ralo meng lac bhap bani bangsa PaKô, Vân Kiều di 6 xã nan lac: Hướng Tân, Hướng Phùng, Hướng Linh, Hướng Sơn, Hướng Việt và Hướng Lập.

# Bahrau ni di sang iek ruak meta tỉnh Bà Rịa-Vũng Tàu hu rah tabiak nyaom biai tong yaom song tamat dự án iek glang meta di 2 huyện Tân Thành song  Châu Đức. Hadei di sa thun peih ngak, di 2 huyện hu padang tabiak song ba tame pandar 2 đơn vị meta cộng đồng. Urak ni hu labaih 1200 urang ruak mai iek ruak song đo khúc xạ, dalam nan hu labaih 500 urang ruak hu kaoh camin meta. Langiu di nan, 2 đơn vị thị giác jeng hu pagam song balik iek meta piah đo khám meta brei saoh ka jiak 4000 urang ruak, iek ruak ka labaih 500 urang, ngak thủ thuật , tiểu phẫu, cấp cứu urang ruak song ba tagok sang iek ruak praong labaih 300 urang.

# Gah Y tế Dunya (WHO), Kapul panduan ba rahra Dunya, Viện sốt rét - ký sinh trùng Bal raya Hồ Chí Minh pambuak haong Pasak pacang caga ruak pandiak dom tỉnh Bình Phước bahrau peih nyaom biai pataom iek veik bruk pasang iek ndi biến động pacang caga ruak pandiak dom ngan haong urang di biến động dalam tỉnh. Ginum biai di nyaom biai, dom urang lambaok lac urang jakar ngak gah pacang caga ruak pandiak dom di dom labik roh duah thei jeng ndom lac bhap bani di biến động dalam tỉnh jeng mboh biak phức tạp, abih di nyu lac di bhum atah bayah, labik biak kan kandah, nan ye biak kan khik iek jang yau peih bruk pathau khan, ba bruk iek ruak pandiak dom ka dom urang ini.

# Piah duh ka tuai damuai du lịch bilan hè 2015, Sở ilamu Thể thao song Du lịch tỉnh Lâm Đồng hu tacei jalan ka dom đơn vị padang ngak 17 danak dak nghệ thuật naih gheih ndung bak ilamu Tây Nguyên song ilamu palei pala. Dom danak dak hu peih ngak meng 19 tuk melam harei sut song harei car yaok adit dalam bilan 6 song bilan 7 di sân khấu Rạp 3.4 (Pasak Hòa Bình). 17 danak dak nghệ thuật hu padang ngak tui angan gam song dom bruk chính trị, văn hóa, xã hội di taneh ia, puk palei. Dalam nan hu dom danak dak brei ka uranaih, anit ranam boh sang, dom lagu bilan hè bhum ceik, pok meyaom taneh ia, palei negar, anek menuac Đà Lạt, Lâm Đồng, ilamu bhap bini dom bangsa bản địa Tây Nguyên.

# Pak bal ine Vientiane bahrau rah tabiak bruk mbaoh tangin tame harak kanar hadar bruk ngak hu di Ban tacei pato Đề án Việt - Lào ka yua Viện Khoa học Giáo dục, Mentri Pato megru Việt Nam saong Ban Biên soạn Danak dak pato dua dua sap  Lào - Việt pak sang bac Nguyễn Du, dalam Mentri Pato megru saong padih Lào. Tui harak kanar hadar, Viện Khoa học Giáo dục Việt Nam peih bruk Biên soạn danak dak pato sap Yuan saong bộ tapuk giáo khoa sap Yuan (peih ngak iek)  meng tal 1 tal 12 saong ngak iek bruk pato dua dua sap Yuan - Lào pak sang bac phổ thông Nguyễn Du, bal ine Vientiane. Viện jeng meda padang ngak danak dak pato sap Yuan ka anek saih phổ thông dom sang bac Việt kiều, dalam nan brei thau caong khin njauk mek hu ngan haong urang bac hadei di tamat pakat tiểu học, trung học cơ sở, trung học phổ thông, tui khung năng lực Sap Yuan pandar ka urang negar langiu.

Khaw tin dunya:

# Akaok Mintri jien padai Nê-pan Xa-ran Ma-hát (Ram Sharan Mahat) bahrau brei thau. Dalam nyaom biai dom urang dong pakat dunya rah tabiak di ban ine Cát-man-đu di negar Nê Pan, dom urang dong hu panuac sinya dong abih tih labaih 4 tỷ 400 triệu đôla dong ka Nê Pan pasiam veik hadei di mbang megei boh taneh di bilan 4 meng bloh.

# Hội đồng Bảo an Liên hợp quốc daok pok sap iew dom gah palagaih  ka bruk ba pandap daong tal bhap bani Yê-men, abih di nyu nan lac bhap bani pak dom labik bo pandap pahla kan nao tal hu. Tui sa harak pathau khan bahrau ini kayua Liên hợp quốc ba tabiak, hu jaik 6 triệu urang Yê-men daok dang anak bruk iek lipa saong caong khin hu daong chip pandap mbang menyum jang yau dom janih pandap karei karei. Bruk mesruh metak dui atah jeng ngak ka labaih 2 ribau 600 urang metai. Bruk mesruh jeng daok ngak ka cơ sở hạ tầng di negar ini njauk tayah tayac biak trak.

# Gah peih radeih taxi Pháp bahrau pacang dom jalan tal dom mblang kapan haoh, sang ga song rilo labik công cộng di ban ine Paris piah phản đối dịch vụ taxi Uber, ndom lac Uber meblah lihik tuai damuai di dịch vụ taxi meng kan. Bruk phản đối dịch vụ đặt radeih taxi tapa điện thoại thông minh Uber rah tabiak meng livik mai di Prang, urang peih radeih meng kan ndom lac Uber caik lahik tuai ngak ảnh hưởng tal bruk ngak song jien bilan. Uber hu padang ngak meng thun 2009 di  California (Ca-li-pho-ni-a), Mỹ, lac dịch vụ angaok điện thoại thông minh pagam song tuai damuai tapak song urang peih radeih,  yaom lap jang yaom taxi meng kan./.