# Di Hà Nội, Mentri Lao động Thương binh saong xã hội birau peih tal pato sap Nhật ka 210 ứng viên điều dưỡng saong hộ lý. Ini lac dom ứng viên điều dưỡng saong hộ lý hu palih ruah piah ba tame pato sap Nhật pak Viet Nam dalm 12 bilan. Dalam tuk vak pato pakai, học viên hu brei labik daoh oh abih jien, var mbang huak saong hu daong jien radaih trun tagok. Ung vien điều dưỡng saong hộ lý halei ngak siam bruk nan hu Mentri Lao động, Thương binh saong Xa hoi pambauk saong đơn vị gah Nhật Bản yaih khan ka dom sang iek ruak saong cơ sở iek ruak di Nhat Ban.  

# Dom thun jaik di ini, gah raong glang athur raong di dom puk palei bhum glaong tỉnh Tuyên Quang hu patagok khang. Min, kayua bhap bini kurang phun jien, ilamu ka bruk raong glang, pacang cakak jit ruak nan ye tapon, chất lượng daok biar. Anak bruk ini, dự án daong ngak nông, urang nông saong palei pala tỉnh Tuyên Quang pambuak bruk saong Chi cục thú y tỉnh Tuyên Quang peih dự án raong kabau palimek, camereip ba mai kein laba glaong, rik daong patruh eik patrun kathaot, pagalong rai diuk bhap bini bangsa takik.

# Piah hu rilo pandap mbang hacih tui caong khin, khik caga siam ka prein yawa urang blei Tuk Tet Nguyen đán anek sdak tra Bính Thân 2016, urang nong di tỉnh Nghệ An daok kham raong rilo taphon , paglaong siam mekre bruk tapon athur, manuk ada. Dom harei ini, baoh sang ong Le Van Thanh, daok palei 4, xã Hưng Xá, huyện Hưng Nguyên daok caga pablei 2 drei limo la-oi sik ngak rilo pablei ka mikva mbang Tết dương lịch. Urak ini, sang ong daok 11 drei limo la-oi, piah caga pablei tết nguyên đán.

# Di xã Xốp, huyện Đắk Glei, Sở ilamu, Thể thao saong Du lịch tỉnh Kon Tum saong karja huyện gam saong ralo bhap bini xã barau peih bruk taduan mek bằng xếp hạng imen krung sajarah dak rai pakat tỉnh “palei mesruh metak Xốp Dùi”. Inem krung palei mesruh metak Xốp Dùi hu iek lac hình mẫu dalam bruk mesruh metak pacang Prang, daok gah Đông Nam di xã Dốp, labik hu địa hình kan kandah, hu ceik glaong, cruah dalam ngak jeng sa labik căn cứ khang kajap lac jalan ka drei padang căn cứ địa cách mạng dalam luac dua bruk mesruh metak pacang kol Prang saong kol Mỹ daong taneh ia.

# Danak dak “ Padang ngak bruk raong la-nung hamu” hadei di 3thun peih ngak di dom tỉnh: Vĩnh Long, Hà Nam, Thừa Thiên Huế, Bến Tre saong Hậu Giang ngan saong taneh praong 1.600 met vuong mek hu kein laba tani tanat.  Meng thun 2013 -2015, dom baoh sang raong la-nung di danak dak di dom tỉnh pablei tabiak hu jaik 29 tấn la-nung. Ong Văn Đắt Phuông, Akok danak dak khan lac, raong la-nung nan lac bruk ngak mbang birau patagok khang tukvak jaik di ini ba mai kein laba glaong. Jien buh tame  800 ribau đồng – 900 ribau đồng met vuong, kuhria rah tapa, sa vụ laba labiah 390. 000 sa met vuong sa vụ.

# Tui ong Huỳnh Minh Hải, Giám đốc Công ty Điện lực Sóc Trăng, dalam thun 2015, meng bruk buh jien tame ngak njauk di gah điện lực; dalam nan hu pataom tame patagok dahlau lưới điện bhum palei pala kan kandah, bhum urang bangsa Khmer nan ye cty điện lực Sóc Tăng hu ngak salah bloh bruk ba tabiak. Dalam tỉnh hu dui điện pandar ka 21.000 baoh sang bhap bini, rilo jang 425 % bruk hu tỉnh jao; dalam nan hu 8.400 baoh sang Khmer hu dui điện, patagok dom baoh sang pandar điện dalam tỉnh lac 322.911 baoh sang, meblah labaih 99%.

# Di Công viên mềm Quang Trung, Sở Thông tin saong Truyền thông Ban raya Hồ Chí Minh birau jao giải thưởng Công nghệ thông tin – Truyền thông mbang ka 7. Giải thưởng Công nghệ thông tin – Truyền thông Ban raya Hồ Chí Minh mbang ini ngan saong kadha “Dak padang ban raya thông minh mek chính phủ điện tử ngak pasak”. Giải thưởng hu jao brei ka 14 đơn vị ngan saong 14 pandap – jalan langyahsaong 2 kapul nyaom, 2 urang hu rik prein tame brei ngak patagok gah Công nghệ thông tin – Truyền thông Ban raya Hồ Chí Minh.  

Patui di ini dom khau tin dunya:

# Jabat cảnh sát NB brei thau, nyaom meyai pambuak bruk pakat vụ di Gah cảnh sát 3 taneh ia Trung – Nhật – Hàn peih tabiak harei 23/12 di ban Thanh Đảo, TQ hu njauk gauk ka bruk patagok talei pambuak bruk pacang cakak tội phạm tapa negar. Tui nan, gah chức năng 3 taneh ia hu patagok talei pambuak bruk pacang dom janih tội phạm yau khủng bố, pablei salih menuac, buôn lậu vũ khí, ma túy, blah tasik… njauk gauk jalan patagok saong paglaong kein lagaih pambuak bruk di dom jabat peih ngak hukum dalam bruk khan brei gauk thau, klah rabha ilamu pacang cakak tội phạm hu tổ chức, nao tapa negar.

# Harak mbaok “Tin tức ngày nay”, yaok adit praong abih di Thụy Điển, hu kadha vak ka bruk dư luận di Ípxót brei mboh, hu tal 55% bahp bini Thụy Điển sahaneng lac taneh ia ini juai taduan tame veik urang negar karei mai. Njauk caik hatai dom urang negar karei tame mai glaong jang 25% dut saong bruk dauh thau yau nan di bilan 9. Jeng tui bruk duah thau birau di abih nan, urak ini hu 19% urang Thụy Điển pachreih tui bruk taduan veik 3 urang tị nạn, trun jang meteh dut saong 44% urang pachreih tui sarak nan dahlau di ini 3 bilan./.

# Tui bruk pasang iek hu khan brei thau harei 24/12 di Realmeter – sa jabat thống kê di HQ ye hu labaih 48% urang HQ hu tangi sua khan lac jien mek tame dalam thun 2015 di urang nyu patrun, dalam tuk nan tok di hu jaik 17% taong yaom tagok saong labaih 33% ndom lac oh salih barau duk saong thun bloh. Ngan saong bruk di thun 2016 ye 41,5% ndom lac jien mek tame meda trun duk saong 21,6% ndom lac tagok./.