Khaw Tin 19h harei 26/4 saong 6h30 harei 27/4

# Hadei di dua harei ngak bruk, harei  26/4, ala bruk dang akaok di akaok Quốc hội Nguyễn Thị Kim Ngân, Ủy ban Thường vụ Quốc hội tamat mbang nyaom yaka  47. Dahlau nan, brei panuac tame dom dự thảo Nghị quyết ka bruk parabha labik hành chính, parabha janih đô thị, bruk ba tame, neh rabha ramik pasiam địa giới đơn vị hành chính, dom urang jakar hu panuac lac, njauk padang tiêu chí parabha tui trật tự ưu tiên, dalam nan quy mô saong mật độ menuac sia lac tiêu chí dang akaok.

/ Yaok thun tỉnh Lai Châu hu pato, pakacah saong brei 9000 bằng peih radaih mô tô ka bhap bini, dalam nan 60% lac bhap bini bangsa takik. Iek tui bruk di puk aplei tuk ilamu di bhap bini daok biar, piah bruk pato saong pakacah hu siam, tỉnh hu pato saong pakacah tui 2 jalan nan lac oh thau akhar saong takik thau akhar. Tui nan, gah pato peih radaih hu giáo án pato pakai lagaih ka bhap bini, daong ka mikva thau dom ilamu piah khik hu siam mekre salamat tuk peih radaih angaok jalan mbak.

# Canah jalan ia nội địa Sa Kỳ – Lý Sơn urak ini hu 5 kapal cao tốc daok nduac. Yaok harei, bhian hu sa sruh kapal tabiak pulao saong mai veik. Tui kuhria tuk lễ 30/4 saong 1/5, tuai tabiak pulao Lý Sơn biak rilo. Yau nan ye,  Sở Giao thông Vận tải tỉnh Quảng Ngãi tabiak bruk jak ba rilo abih dom phương tiện ba raok tuai khik caga an toàn. Ông Đỗ Tiến Đạt, Phó Giám đốc Sở Giao thông – Vận tải tỉnh Quảng Ngãi brei thau, langiu bruk kuhria caga phương tiện ba raok tuai,  Sở meda tacei pato dom po kakal jhui pajeng rilo urang tapa tanut brei adat:“ Piah khik caga an ninh trật tự jeng ye an ninh khu vực bến tacei pato ka dom mban khik tamik cảng meng di urak ini dut pasang iek veik mặt bằng bến cảng, pasang iek veik labik padheih padhaiy ka tuai di tuk cang kapal.

/ Bilan hè thu thun ini, tỉnh Bình Định daok kuhria ngak jaik 54 ribau ha phun pala dom janih. Pandiak dui atah tukvak tapa ba tal pandiak bhang, kurang ia pruh ka bilan hè thu saong kurang ia pandar ka bhap bini jeng yau ia menyum ka tapol athur, menuk ada. Ong Hồ Quốc Dũng, akaok Ủy ban bhap bini tỉnh Bình Định brei thau: “Urak ini, ia di dom binek kavei dalam tỉnh tok daok labaih 60%, samu 90% duk saong thun bloh, biar jang thun dahlau. Abih di nyu nan lac dom binek sit kayua dom puk aplei khik iek, công suất tok daok jaik 45% saong dom kavei daok thu abih ia. Meng bruk yau ini, dalam bilan hè thu ini meda klak tasaoh 2.200 ha saong labaih 10 ribau ha meda kurang ia pruh di puac bilan hè thu ini”.

# Pagaiy harei 26/4, mintri Y tế tabiak panuac lac abih jit ruak kayua virus Zika dalam xã, phường di ban raya Hồ Chí Minh saong tỉnh Khánh Hoà. Kuhria meng tuk duah mboh urang njaom virus Zika akoak mereip, urak ini, tỉnh Khánh Hoà saong ban raya Hồ Chí Minh jeng oh hu urang halei ruak barau. Yau nan ye harei 22/4, Ủy ban bhapbini tỉnh Khánh Hòa saong ban raya Hồ Chí Minh hu tabiak harak brei thau abih jit ruak kayua virus Zika di xã, phường di dua puk palei ini. Anak tal, mintri Y tế daok pasang iek, jhul khang bruk pametai jamaok, lăng quăng caga Zika saong pandiak tabiak darah dalam taneh ia.

/ Tui sở ngak nông saong patagok palei pala tỉnh Trà Vinh, tal urak ini, khat lahik ka bruk ngak nông dalam tỉnh kayua pandiak bhang,njom mbak tui kuhria jaik 1.100 tỷ đồng. Bala meng lingik tasik ngak jaik 41.000 mbang baoh sang ngak padai khat lahik labaih 29.000 ha; dalam nan, hu labaih 19.000 ha njauk khat lahik abih. Bilan padai đông xuân 2015 – 2016, năng suất tok hu 5,26 tấn/ha, biar jang thun bloh 1,37 tấn/ha.

# Urang dang akaok ban sit Châu Đốc, tỉnh An Giang barei brei thau, tuk camereip ban sit Châu Đốc meda brei 63 triệu đồng daong ka 7 sang pablei salih lac po di 22 ki-ốt njauk khat lahik dalam mbang khuah di melam 24/4 di pasak pablei salih Núi Sam, di phường Núi Sam. Tui na, yaok sang hu daong  9 triệu đồng.

Patui di ini dom khau tin dunya:

/ Harei 25/4, công ty cổ phần ia tasau TH (TH True Milk) di Việt Nam hu peih bruk tabiak mbaok saong yaih khan ia tasau di công ty di darak CPC. Ong Hoàng Công Trang, Tổng giám đốc Công ty brei thau Campuchia lac darak pasar hu ralo pren khang meyah peih ngak njauk jalan, công ty meda pablei tapa hu ralo pandap. Tui nan, công ty meda pablei hu meng 1 tal 2 triệu USD. 

# Gah Y tế dunya ( WHO) harei 25/4 brei thau, dom urang njaom virus Zika di Braxin daok trun takik. Min, gah ini kakei lac, dom urang njaom virus Zika meda daok tagok glaong veik di dom labik karei di dunya dalam dom bilan tal.

/ Hãng thông tấn Pha-x (Fars) di Iran ba panuac urang ngak praong ngoại giao taneh ia ini brei thau, Iran daok peih dom bruk ginum meyai saong nga ka bruk pablei ia trak meng danak dak hạt nhân di Iran. Jeng tui urang ngak praong ini, Iran daok ginum meyai saong Nga piah pablei ka taneh ia ini jaik 40 tấn ia trak. Mintri ngoại giao Nga jeng ndom lac Nga daok pasang iek piah blei ia trak meng Iran./.