# Dalam mbang họp báo pakat dunya peih tabiak biar harei ini pak Hà Nội, urang tabiak panuac Mentri Ngoại giao Việt Nam Lê Hải Bình hu ndom lac, dom bruk ngak jaik di ini di Trung Quốc pak Biển Đông brei mboh bruk tamo di Biển Đông daok phá vỡ saong abih di nyu trak jang lac bruk quân sự hóa pak Biển Đông nan lac biak njauk lo ngại, daok đe dọa tal sron mbon, grap tanat di khu vực, xâm phạm khang tal chủ quyền di Việt Nam pak Trường Sa. Urang tabiak panuac Lê Hải Bình lac: Chủ quyền di Việt Nam pak dua pulao Hoàng Sa saong Trường Sa nan lac oh meda meblah hu. Khaol dahlak oh njauk hatai ka dom bruk ngak vi phạm trak tal chủ quyền di Việt Nam saong pandar gah Trung Quốc hu dom panuac ndom bruk ngak trách nhiệm saong ndung bak bruk duy trì hòa bình grap tanat di khu vực jang yau angaok dunya.

# Pahadar 61 thun harei gru jru VN, di HN, thành đoàn – hội liên hiệp dam dara – kapul gru jru ranaih umo HN peih bruk pok meyaom gru jru ranaih umo ban ine  saong jao giải “Dặng Thùy Trâm” thun 2016. Di mbang pok meyaom, mban peih bruk hu pok meyaom saong alin hadaih bằng khen di hội liên hiệp dam dara HN ka 60 gru jru ranaih umo ban ine hadah krah; pathau khan, alin hadiah bằng khen di mintri y tế saong cúp biểu trưng ka 10 gru jru ranaih umo ban ine naih gheih taduan hu giải thưởng Đặng Thùy Trâm thun  2016.

# Tukvak pahadar Harei gru jru Việt Nam, Ủy ban bhap bani bal Đà Nẵng peih bruk pok brei giải thưởng "hadah tanjak Blou mbong” ka 20 bác sĩ, y tá, nhân viên điều dưỡng hu ralo rik daong dalam bruk khik iek saong iek glang, paglaong pren yava ka bhap bani. Dalam ralo thun tapa, dom rai rah gru jru bal Đà Nẵng oh huac kanda kan kandah, abih hatai brei ka bruk iek glang pren yava ka bhap bani.  Chất lượng pasang iek ruak di bal dak harei dak paglaong, ralo sang iek ruak hu đầu tư trang thiết bị  y tế bahrau saong peih ngak ralo kỹ thuật bahrau dalam bruk pasang iek ruak ka bhap bani.

# Thành ủy Hà Nội barau peih nyaom meyai peih bruk tinh giản biên chế saong rami ramik veik urang jakar, công chức, viên chức. Tui jalan daok kuhria ngak di Thành ủy HN, bruk tổ chức bộ máy di ban raya, yaok jabat, kapul nyaom, đơn vị di dom pakat ủy đảng, karja, tổ chức chính trị - XH, đơn vị sự nghiệp công lập meng ban raya tal cơ sở brei padang jalan tinh giản biên chế dalam 7 thun (2015 – 2021) saong ba tagok jabat hu thẩm quyền mbaoh tangin piah peih ngak tui yaok thun. Tỉ lệ tinh giản biên vhe61 tal thun 2021 tối thiểu nan lac 10% biên chế di đơn vị.

# Pak lòng hồ thủy điện Sơn La,  Công ty Trách nhiệm hữu hạn ikan Tầm Sơn La peih bruk raong iek ikan Tầm pak xã Mường Trai, huyện Mường La meng thun 2012 saong mek hu baoh jeng siam mekre. Ikan pajaih ba tame raong iek cakrok patagok siam saong hu tỷ lệ diuk glaong. Tal ini công ty daok raong labaih 17.000 drei ikan Tầm trak meng 1 – 30 kg, dalam nan hu labaih 1.500 drei trak mek 8 – 30 kg saong 50 drei si brei baoh. Ngan haong ikan Tầm meng 8-30 kg hu  tốc độ patagok bình quân nan lac 0.5kg sa bilan. Ikan hu kích thước prong, hu chế độ iek glang njauk nan ye tỷ lệ metai nan lac 0%. Tuk ikan prong tal thun caih mebaoh ye meda peih bruk siêu âm định kỳ saong hu chế độ raong glang karei ka yaok janih ikan, ka yaok tukvak.

# Dalam tuk yaom menyek saong sản lượng trun, jien piah ngak tabiak sa thung menyek tamo abih 38USD, dalam tuk yaom pablei tok hu labaih 30 USD sa thùng, oh ginup phun, kayua panuac caong di gah Nga, duah gah dalam liên doanh Việt – Nga Vietsovpetro hu padang jalan ngak ka nhân sự ka nyu lagaih haong bruk ini. Tui nan, dalam 5 thun tala gah Nga meda patrun jaik 200 urang ngak, khik veik 300 urang ngak, gah VN patrun meng 7200 urang ngak daok 5000 urang. Anak meta, liên doanh hu ngak catang chi phí hoạt động. trừ urang ngak, urang dang akaok, phaok jabat, mban patrun 10% jien bilan; urang dang akaok pakat glaong patrun 15% jien bilan. Cakak dom yaom thưởng gam gam… Tổ chức công đoàn dom pakat trun yaok đơn vị piah langyah bruk kan kandah hong gauk ka urang ngak, bruk patrun biên chế, chế độ đãi ngộ ngan saong dom urang patrun biên chế piah kuhria peih caga ka bruk patrun biên chế dalam tuk yaom menyek trun, sản lượng khai thác menyek biar.

# Meng dahlau Tết nguyên đán tal ini, urang pala panaih pak tỉnh Hậu Giang mboh bui sambai kayua yaom panaih pak Hậu Giang gam gam tagok, glaong jang jaik dua mbang dut haong akaok vụ. Urak ini hu urang blei duah blei ngan haong yaom meng 8.000 tal jaik 12.000 đồng sa baoh. Ngan haong yaom pablei yau ini, hadei kaoh abih phun jien buh tame, urang pala panaih duah laba labaih 40 triệu đồng sa ha. Urak ini hu mblang taneh pala panaih jaik 1.700ha, pataom ralo pak bhum taneh njaom lakhun saong bhian njauk njaom mbak oh meda pala hu dom janih phun karei dalam dom xã Hỏa Tiến, Hỏa Lựu, Tân Tiến, bal sit Vị Thanh saong dom xã Vĩnh Viễn, Vĩnh Viễn A, Lương Nghĩa dalam huyện Long Mỹ. Yaok thun dom puk palei ini hu pablei tabiak darak pasar labaih 19.000 tấn panaih.  

Patui di ini dom khau tin dunya:

# Mỹ brei thau, dự thảo nghị quyết trừng phạt TT hu pok tagok hội đồng bảo an LHQ nan lac kết quả di “dom mbang đối thoại ngoại giao” di Mỹ saong TQ pambuak tal bruk thử hạt nhân barau ini di TT. Brei panuac dalam mbang họp báo di Oa-sinh-tơn, urang brei panuac Nhà Trắng Giôx Ơ-nét brei thau: nghị quyết ini lac asal praong dalam dom mbang đối thoại ngoại giao di Mỹ saong TQ. Đại sứ Mỹ di LHQ hu pok tagok hội đồng bảo an pasang iek dự thảo nghị quyết trừng phạt TT ka bruk taneh ia ini hu ngak sung dom bruk dunya. Hội đồng bào an LHQ kuhria hu buh phiếu ka dự thảo nghị quyết trừng phạt TT dalam dom harei tal.

# Quốc hội Đức hu brei tapa dự luật ka dua ka urang di cư. Tui nan, urang nhập cư tame Đức meng ini meda hu rabha tabiak saong quyền lợi di dom nyaom di cư ini jeng meda karei di gauk. Tui nan gói luật kadua 2 ini, urang nhập cư tame Đức hu rabha piah xác định dahlau abih dom đối tượng hu mong yau lac “oh nguy hiểm", meda hu ba tame dom cơ sở đặc biệt, hồ sơ hu mong iek samar. Dalam tukvak daok pak Đức, dom urang ini hu tự do palih ruah labik daok. Dom urang di cư hu mbang tui trợ cấp bhian di nyu lac dom urang oh daok dalam diện hưởng quy chế tị nạn tui công ước Giơ-ne-vơ (Geneva), min jeng oh njauk bayar veik puk palei kayua lac pak nan dom urang ini meda njauk taong paoh, án tử hình. Dom urang ini meeda hu cấp thẻ định cư tukvak sa 1 thun, gia hạn yaok thun. Dom urang hu định cư blaoh pak Đức meng 2 thun tagok meng hu daa manuac urang dalam sang mai daok pak Đức.

# TQ caong khin, nghị quyết di LHQ ka bruk trừng phạt TT meda pacang cakak hu brukh patagok hạt nhân di TT. Ini lac panuac ndom di urang brei panuac mintri ngoại giao TQ Hoa Xuân Doanh. Min, amuk Hoa Xuân Doanh jeng ndom veik quan điểm di TQ lac, bruk hạt nhân di TT meda hu lanyah tapa ginum biai di dom gah. Panuac di mintri ngoại giao TQ hu ba tabiak sa harei hadei di tuk Mỹ saong TQ njauk hatai ka bản dự thảo nghị quyết brei adat peih praong dom jalan trừng phạt di LHQ pamaong tame TT./.