Khaw tin 19h harei 27/4 saong 6h30 harei 28/4

# Ông Nguyễn Hạnh Phúc, Tổng Thư ký Quốc hội, Akaok jabat Quốc hội, akaok jabat Hội đồng pilih ruah negar brei thau : di dom labik peih bruk pilih ruah sớm, dahlau harei 22/5 kayua ini lac dom bhum ceik, bhum atah bayah, bhum kan kandah saong bhum tapeng negar, pulao kaoh. Ông Nguyễn Hạnh Phúc ndom lac : dom labik pilih ruah sớm jeng sangka rilo gah, ngak njauk tui adat hukum pilih ruah QH saong Hội đồng bhapbini piah khik  ka bruk pilih ruah rah tabiak dân chủ, an toàn saong patak pataom : Jalan ngak lac hadei di tuk puk palei pok panuac, likau adat hội đồng pilih ruah negar. Hội đồng pilih ruah negar brei adat ka puk palei halei hu peih bruk pilih ruah sớm. Taong abih dom jalan ngak piah pilih ruah sớm jeng hu ngak njauk tui adat  hukum, oh hu hagait karei.

/ Mesup harei 27/4, UB bầu cử tỉnh Khánh Hòa peih họp báo brei thau quyết định di UB bầu cử tỉnh ka bruk padang angan dom urang tabiak ứng cử QH saong  hội đồng bhap bini tỉnh Khánh Hòa tukvak 2016 – 2021 di 14 đơn vị bầu cử. Dom đơn vị  bầu cử đại biểu QH mbang XIV dalam tỉnh lac 3 đơn vị, dom urang hu pilih ruah tame QH lac 7 urang, dalam abih tih 13 urang tabiak ứng cử tame QH. Dalam nan 3 urang kayua TU payua mai hu rabha ka 3 đơn vị bầu cử dalam tỉnh.

# Bruk pasang iek raidiuk saong pala drak di labaih 2.100 sang bhapbini bhum tái định cư thủy điện Huổi Quảng saong Bản Chát di huyện Than Uyên, tỉnh Lai Châu daok hu sangka. Ngan saong abih tih 232 dự án thành phần hu brei adat, urak ini, hu ngak blaoh 150 dự án, 82 dự án daok peih ngak. Ông Vương Thế Mẫn, phó akaok uy mban bhapbini huyện Than Uyên, tỉnh Lai Châu brei thau : Kol dahlak pataom tame patagok bhum tea, pataom tame patagok phun anek ye phun mbang baoh saong dom janih phun hu yaom kinh te glaong piah mikva bhum tái định cư gam saong mikva pak nan gam ngak. Ka dua lac meng hu ia di lòng hồ, kol dahlak pachreih bhapbini bhum tái đinh cư raong ikan lồng saong raong pala  kaya ikan dalam ia piah patagok kein laba  saong salih bruk ngak ka bhapbini bhum tái đinh cư)

/ Hà Tĩnh hu dang tabiak peih bilan du lịch tasik bilan hè ngan saong kadha “Xuân Thành biển hát” gam  saong ralo bruk TT, daoh tamia. Tui nan, harei 28 -29 hu rah tabiak rija sĩ – nông – công – thương  - ngư, taphia di nan dom kapul nghệ thuật dalam tỉnh peih bruk parang me-in dom lagu ví dặm, ca trù, trích đoạn trò kiều saong pakacah bóng chuyền mblang tasik, pakacah giay gilai.

# Ủy ban bhapbini tỉnh Quảng Bình harei 26/4 hu peih nyaom biai chip saong dom gah chuc nang, karja dom puk palei piah ginum biai jalan daong ka bhap bini langyah kan kandah, tavak tavaiy anak bruk ikan tasik metai ralo, oh tabiak tasik taong cap hu. Tui kuhria mboh tuk akaok mereip, tỉnh Quảng Bình khat lahik labaih 115 tỷ đồng dalam taong cap kaya ikan dalam ia; dịch vụ hậu cần bruk taong cap ikan; raong pala kaya ikan, trun yaom jien mek tame ngan saong dom nhà hàng pablei salih. Bruk ikan metai oh bình thường ngak kan kandah tapak tal abih urang ngak ikan di ini. Bruk tỉnh samar daong brah ka urang ngak ikan piah langyah kan kandah anak metai lac bruk ngak siam lagaih.

/ Hadei di 3 bilan pala iek, harei 26/4, tỉnh Phú Yên peih nyaom meyai di mblang hamu bruk pala tangei lai angaok taneh màu hu mbaok di dom sở, ngành, puk palei saong urang nông 9 huyện, ban sit, ban praong dalam tỉnh. Tapa pala iek mboh lac, tui janih pajaih, tangei brei năng suất meng 8 tal 10 tấn sa ha. Tui yaom 3.300 đồng sa kg yau urak ini, 1 ha tangei urang nông laba 14 triệu đồng, ralo jang dua mbang duk saong ngak padai.

# Nyaom darak “ pambuak pagam cung cầu pandap panda bhum taneran kraong Cửu Long” daok rah tabiak meng harei 26/4 tal 2/5 di labik ilimo parang iek Du lịch Hồ Nước Ngọt, tỉnh Sóc Trăng.  Ini lac bruk ngak duh ka mikva dalam saong langiu tỉnh ravang mein, blei pandap di harei padheih lễ 30/4, 1/5. Nyaom darak hu 220 gian pandap di jaik 120 doanh nghiệp dalam taneh ia mai parang iek, yaih khan saong pablei dom pandap pandar yaok harei …

          Patui di ini dom khau tin dunya:

/ Rajaei TL harei 26/4 brei thau bruk daok kuhria pablei taong abih 11,4 triệu tấn brah dalam kho khik mepiah di rajaei dalam 2 bilan ngan saong yaom 100 tỷ bạt, samu 2,8 tỷ đô la, meng adit tal. Ini lac bruk ngak oh ka hu mboh dalam sajarah dak rai pablei tabiak negar langiu di TL. Brah pablei tabiak dalam 2 bilan praong jang brah bhian pablei dalam sa thun, jaik 10 triệu tấn. 

# Urak ini, dom huyện bhum atah bayah, bhum ceik, bhum tapeng negar  Campuchia daok kurang khang ia taba piah pandar  dalam bilan pandaik bhang ini. Yaom ia taba di dom labik ini tagok jang rilo mbang duk saong dahlau thiah min jeng kan si blei hu. Piah trun takik kan kandah ka bhapbini, Rajaei Campuchia hu peih bruk ba ia taba ka dom bhum kan kandah.  

/ Kadung jien Nhi đồng Liên hợp quốc (UNICEF) harei 26/4 brei thau, mbang megei baoh taneh  di Ê-cu-a-đo harei 16/4 meng bloh ngak tayah labaih 280 sang bac, ngak ka 120 ribau uranaih oh nao bac hu. Urak ini, kadung jien Nhi đồng Liên hợp quốc daok daong rajaei Ê-cu-a-đo ba dom uranaih mai bac veik, di dom labik njauk gaok kan kandah trak yau Mu-i-nê, Pê-đê-na-lê saong Gia-ma. Taphia di nan, tổ chức ini hu padang 50 cơ sở bac daa tạm thời ka 20 ribau uranaih saong peih brei pandap bac daa ka 60 ribau uranaih./.