# Page harei 28-7, pak Hà Nội, rah tabiak Nyaom biai taong yaom bruk pambuak gauk peih ngak bruk agama 6 bilan akaok thun 2015 di Ủy ban Trung ương Mặt trận Nergar Việt Nam haong dom kapul nyaom thành viên saong dom jabat chức năng pak Trung ương. Pak nnyaom biai, dom urang lambaok brei thau: dalam tukvak tapa bruk pambuak gauk jeng daok dom tavak tavaiy yau: bruk duah mboh dom kadha tamuh tabiak meng puk palei, dom labik pandiak pagam tal agama oh ka pambuak gauk siam; thong tin brei ka gauk thau dalam bruk ngak chuyên môn pambuak pagam haong gauk oh ka samu…

# Dalam mbang nyaom Thường trực mban tacei jalan danak dak bruk ngak pakat negar padang ngak palei pala bahrau ka bruk pasiam veik, pabak dom tanut di Bộ tiêu chí negar ka bruk palei pala bahrau, Phó Thủ tướng Vũ Văn Ninh hu tacei brei samar pa tabiak tanut huyện palei pala bahrau. Tui nan brei khik lac huyện palei pala bahrau oh lac yaok pagam dom xã mek hu tanut chuẩn palei pala bahra, huyện brei hu quy hoạch song brei hu pambuak dom xã song huyện song dom huyện karei dalam bhum, pambuak pagam song tỉnh ka bruk quy hoạch jalan mbak nao mai song patagok bruk ngak mbang.

# Thương vụ Việt Nam pak Australia brei thau, kaya ikan dalam aia pablei tapa darak pasar ini daok tagok khang. Dalam 5 bilan akaok thun, dom janih araing, ghẹ di Việt Nam pablei tapa darak pasar Australia mek hu 889.000 USD, tagok 185% dut haong tukvak ini thun 2014. Ta-eng bilan 5 tagok ta; 236,5%. Australia rilo meng blei ariang, ghẹ đông la-ar atau tapa chế biến. 

# Nghệ An lac labik hu rilo jalan ngak piah paglaong siam mekre bruk  pato bruk ngak nong ka urang ngak palei pala, dong pasalaih janih phun pala, athur raong, paglaong jien mek tame, dong patruh eik patrun kathaot khang kajap. Piah paglong siam mekre bruk pato bruk ngak nong, karja dom pakat pambuak bruk song dom mban, ngành di tỉnh ngak siam bruk pathau khan, quy hoạch, ba tabiak jalan pato ka nyu lagaih song bruk pataogk ngak nong di yaok puk palei.

# Bahrau ini, kapul bác sỹ halar hatian Mỹ dalam kapul Good Samaritan Medical hu iek ruak brei saoh ka 3.500 urang kathaot tỉnh Cao Bằng. Kapul daok hu padang 3 duk bac, alin brei ralo pok pandap ka urang kathaot, alin brei thiết bị y tế ka tỉnh Cao Bằng yaom labaih 11 tỷ đồng. Kapul bahrau tamat khóa pato 3 thun ka 26 bác sỹ di tỉnh saong anak tal meda brei 2 gru pato meng Mỹ mai Cao Bằng pato sap Anh brei saoh ka 52 urang jakar y tế di tỉnh dalam dua 2 thun. 

          # Pasak pachreih nong tỉnh Đồng Nai brei thau, urak ni pasak  dok peih ngak dana kdak dong ka urang nong pala pablak pasiam bein paaok. Jalan pala pabalk ni dok hu rilo urang nong ngak piah pasiam bein paaok 3 bilan hajan hu yaom beir, salih meng pajaih paaok Thái Lan, Đài Loan, papaok Hòa Lộc dok hu darak pasa takre, hu yaom glong. Paoak nan lac sa phun pala praong di tỉnh ĐN song taneh prong labaih 11.168 hécta, rilo meng lac pajaih paaok 3 bilan hajan.

#Dalam mbang pakacah ka 3 vòng bảng giải bóng chuyền kamei dunya VTV Cup 2015 bahrau rah tabiak pak sang pakacah đa năng tỉnh Bạc Liêu,  đội tuyển Việt Nam jayak 3-1 anak đối thủ U23 Thái Lan, vak angan tame bán kết. Pak dua trận pakacah daok veik, klup kapul Liêu Ninh (Trung Quốc) jayak Đại học Nam Kinh (Trung Quốc)  3-0 saong Cộng hòa Dân chủ bhap bani Triều Tiên jayak Philippines 3 set.

# Nhà Trắng brei thau angan labaih 10 tập đoàn praong abih di Mỹ sinya hu mbaok tame pacang cakak bruk biến đổi khí hậu, pachreih tui sarak khik caga môi trường di karja Tổng thống Barack Obama (Ba-rắc Ô-ba-ma). Dom công ty ni jeng hu panuac pachreih tui mbang ginum biai ka bruk biến đổi khí hậu jaik rah tabiak di ban ine Paris, negar Frang. Khik caga alam môi trường, pacang cakak bruk biến đổi khí hậu lac sa dalam dom bruk ngak prong dalam nhiệm kỳ ka 2 ni di Tổng thống Obama.

# Meng ini tal thun 2017, Raja-ei Hàn Quốc ba tabiak jalan ngak lac ba bruk ngak bahrau ka 200.000 dam dara dalam tuk dom urang oh hu bruk ngak dalam umo meng 15 tal 29 thun pak negar ini tagok tal 10,2% dalam puac bilan dahlau. Langiu di nan, raja-ei Hàn Quốc meda kham merat pachreih urang ngak ranaih umo tame dom labik ngak pak dom công ty biah saong sit bhian hu urang lac hu jien bilan takik saong labik ngak bruk oh siam.

# Sa mbang megei boh taneh khang 7 độ richter ngak megei tỉnh Papua di Indonesia mesup harei 28/7, ngak ka urang huac,  nduac tabiak truh sang. Oh hu panuac lac sóng thần hadei di mbang megei boh taneh song oh ka thau bruk metai lihik, khut khat. Bruk megei nan biak khang dalam 4 minite. Oh ka brei thau khat lihik kayua mbang megei boh taneh, song labik megei baoh taneh nan lac labik atah bayah kan si nao mai song karja ieng daok tui iek, duah thau./.