Khaw  tin 19H  harei 28/4 saong 6h30 harei 29/4

# Harei 28/4, di tỉnh Đắc Lắc, mintri ilimo padhih saong Du lịch pambuak bruk saong Sở ilimo padhih saong Du lịch tỉnh peih “parang iek rup cih jak ba saong harei pataom pathau khan lưu động pamaong tal bruk pilih ruah urang ka Quốc hội mbang 14 saong Hội đồng bhapbini dom pakat tukvak  2016- 2021.  Parang iek hu 74 blah rup cih jak ba brei mboh bruk ngak saong labik dang praong di Quốc hội, hội đồng bhapbini, tapa dom mbang pilih ruah urang ka Quốc hội, ka hội đồng bhapbini dalam 70 thun tapa.

/ Urak ini hu 2.200 nghệ sĩ dalam taneh ia saong dunya tut angan tame parang me-in duh ka bhap bini dalam dom harei rah tabiak Festival Huế 2016.  Festival Huế mbang ka  9 rah tabiak meng harei 29/4 tal harei 4/5 hu padang veik rilo lễ hội, rilo danak dak daoh tamia đặc sắc. Danak dak peih mbaok Festival Huế 2016 hu papar binguk tapa angaok VTV1 rayo papar binguk VN, papar sap tapak angaok riyak papar sap VOV1 – rayo sap ndom VN.

# Pahadar 41 thun harei peih paha gah meraong yasa taneh ia, Hội nghệ sĩ Nhiếp ảnh Việt Nam, Sở ilimo padhih saong Du lịch ban sit Đà Nẵng  barau pambuak bruk peih parang iek thaot binguk nghệ thuật, parang tabiak jaik 130 blah thaot binguk di nghệ sĩ nhiếp ảnh Phan Ngọc Hợi (Hội nghệ sĩ nhiếp ảnh Việt Nam). Dom blah rup thaot nan hu brei mboh raidiuk, bruk ngak mbang, pala drak di  bhapbini tỉnh Quảng Nam saong ban sit Đà Nẵng dalam tukvak salih barau .

/ UB bhap bini ban Cần Thơ peih adit negar ia hacih saong vệ sinh môi trường  thun 2016, meng harei 29/4 tal harei 6/5. Tal urak ini, baoh sang urang nông dalam ban Cần Thơ hu pandar ia hacih nan lac 99% samu saong 164.000 baoh sang.

#  Melam 27-4,  bhum Đông Nam bộ hu hajan di rilo labik praong. Lượng hajan praong abih duk hu di trạm Phú Hiệp angaok kraong La Ngà, tỉnh Đồng Nai lac 37,7mm;  ban sit Đồng Xoài, tỉnh Bình Phước lac 4,3mm...Di ban raya Hồ Chí Minh melam bloh hu hajan min ia hajan oh ka hu hadom. Bruk tua saong njaom mbak di bhum gah meraong meda trun takik trak damak di bilan 5, bilan 6 tal. 

/ Pasak y tế ban sit Mỹ Tho, tỉnh Tiền Giang barau cấp cứu hu 16 urang medil lac njauk jru mek pandap mbang. Dom urang ruak ini lac công nhân di công ty Choi & Shin’s Vina daok di xã Mỹ Phong, ban sit Mỹ Tho, ngak dom pandap jhik xuất khẩu. Tuk tame sang iek ruak, dom công nhân nan mboh: taluok ta-aok, havir akaok, pandik tian, aih caraoh. Tal urak ini, taong abih công nhân nan hu siam veik pren yava. Sở y tế Tiền Giang hu mek mẫu piah duk iek duah thau makna ba tal njauk jru mek.

#  Chi cục Kiểm lâm tỉnh Cà Mau brei thau, mbang khuah barau rah tabiak di labik beir Quốc gia U Minh Hạ hu pacang padam bloh. Urak ini gah chuc nang jeng daok hu mbaok piah khik caga oh brei khuah pambak tapa labik karei. Dalam harei 28/4, Chi Cục kiểm lâm tỉnh Cà Mau hu peih bruk pasang iek, piah thau cambaih bruk khat lahik.      

    Patui di ini dom khau tin dunya:

/ Harei 26/4, di ban ine Ma-pu-tô, Đại sứ quán Việt Nam hu pambuak bruk saong kapul urang VN daok di Mô-dăm-bích peih tabiak dalam praong prang bruk pahadar 41 thun harei peih paha gah meraong – yasa taneh ia (30/4/1975-30/4/2016) saong harei dunya urang ngak 1/5. Mai pataom mbaok, hu dom chuyên gia y tế, pato megru, ngak nông, dom sinh viên, rilo ayut sahabat Mô-dăm-bích saong mikva urang Việt daok diuk rai aong ngak bruk di Mô-dăm-bích. Tapa nan, bhap bini urang Việt saong ayut sahabat Mô-dăm-bích hu ba gauk daoh, pok meyaom bruk sron mbon, yasa taneh ia, rai diuk sron mbon, trei sil saong hanem phon. Dom ayut Mô-dăm-bích hu maong, hu thau bruk gheih mekre di taneh ia drei tapa phim tài liệu ka taneh ia VN salih barau, parang iek thaot binguk taneh ia VN saong mbang dom pandap mbang di bangsa drei.

# Pasak pasang iek saong pacang caga jit ruak Hàn Quốc (CDC) barau khan lac hu urang ka 2 njaom vi-rút Zi-ka di taneh ia ini. Urang ruak lac sa urang likei umo 20 thun, mai veik Hàn Quốc hadei tuk nao tal Phi-líp-pin meng harei 10 tal harei 14/4 meng blaoh saong hu kết quả dương tính saong vi-rút  ba ruak tapa jamaok ini gam dom triệu chứng dreih yau cúm. Yau nan, Hàn Quốc hu dua urang njaom vi-rút Zi-ka. Urang akaok mereip lac sa urang likei umo 43 thun, ruak di bilan dahlau. Tal urak ini, oh ka hu vắc-xin atau jru đặc trị vi-rút Zi-ka./.

/ Tui sa harak pathau khan hu rajaei Anh ba tabiak, hu jaik 1 ribau urang di Anh metai yaok adit kayua njauk dom janih ruak pambuak tal ô nhiễm không khí. Harak pathau khan jeng hu ba tabiak dom  jalan padang ngak dom labik hu không khí hacih ka 5 ban hu iek lac ô nhiễm abih di taneh ia Anh urak ini. Dalam nan hu bruk cakak trun tác động di dom janih ô nhiễm yau khí  nitơ điôxit  ngan saong pren yava di anek menuac saong môi trường. Tui kuhria, bruk ô nhiễm không khí yaok thun ngak ka 50 ribau urang metai di Anh./.