# Dalam bui salam uan raok Phật đản Phật lịch 2559 di urang phật tử dalam negar, pak Thiền viện Quảng Đức, Bal raya Hồ Chí Minh, ong Nguyễn Thiện Nhân, Ủy viên Bộ Chính trị, Akaok Ủy ban Trung ương Mặt trận negar Viet Nam hu mai rivang saong tadhau ayuh Hội đồng trị sự Trung ương Giáo hội Phật giáo Việt Nam. Ong Nguyễn Thiện Nhân ndom lac, meng ilamu meng kan mai nan lac daong ka taneh aia, daong ka bhap bani hu siam mekre, yam takai nao gam haong bangsa, Giáo hội Phật giáo Việt Nam tuk halei jeng brei mboh nan lac thành viên abih hatai jai di Mặt trận negar Việt Nam di taong abih gah dalam rai diuk.

# Harei 28/5 di ban sit ĐN, mban tuyên giáo TƯ peih mbang pasram ka bruk khoa giáo song dom bruk XH ka dom urang jakar mban Tuyên giáo dom tỉnh, ban, Đảng ủy di Trung ương  song dom kapul nyaom chính trị XH. Dom urang nan hu pathau khan dom asal kadha ka bruk salih bahrau pato megru, pato bruk ngak, patagok ilamu công nghệ. Pacang cakak biến đổi khí hậu, khik ramik drap ar, khik caga alam môi trường.  

# Tui taong yaom di tỉnh Lào Cai, bruk daong ngak mbang pala drak tui danak dak 30a hu rik daong biak siam ka bruk salih jalan ngak mbang kinh tế pak 3 huyện kathoat nan lac Bắc Hà, Mường Khương saong Si Ma Cai. Bruk daong ngak mbang pala drak hu tỉnh peih ngak tui jalan lac, dom baoh sang hu palih ruah ka drei phun pala, janih raong saong taduan mek hu bruk daongtapak meng pandap panda piah pala drak ngak mbang. Tapa nan, padang hu dom bhumk ngak tabiak pandap panda piah pablei salih yau: Mận Tam hoa (Bắc Hà), brah  Séng Cù, tangeiy lai (Mường Khương), padai lai, tangeiy lai (Si Ma Cai).

# Harei 28/5 Mban khik ramik  Khu Kinh tế Dung Quất, tỉnh Quảng Ngãi  peih harei patom urang ngak brei ka urang jakar, công nhân viên chức song urang ngak dok ngak bruk di dom đơn vị, DN dalam Khu Kinh tế Dung Quất.  Harei patom urang ngak pachreih hu labaih 400 urang ngak daok ngak bruk di 17 DN hu mbaok tame dom bruk chreih chrai yau: dui co, katung blong tame yot, peih radeih juak suia song doh takơ.

# Harei  28/5 tỉnh Đắc Lắc hu peih ngak dalam prong prang bruk truy điệu saong ba nao dhal talang liệt sỹ, urang lin halar hatian saong chuyên gia Việt Nam ndih trun pak Campuchia hu pataom mek ba mai negar dalam bilan thu thun 2014-2015. Mbang pataom mek ini, yaom lac gaok biak ralo kan kandah min hu bruk daong abih hatai di raja-ei, bhap bani tỉnh Mondulkiri, Negar Campuchia, dom urang lin đội K51 - Bộ Chỉ huy Quân sự tỉnh Đắc Lắc hu roh duah, pataom mek hu 13 hài cốt talang liệt sĩ urang lin halar hatian saong chuyên gia Việt Nam ndih trun di mblang mesruh Campuchia tapa dom saman mai dhal di taneh ia.  

Meng thun 2001 tal ini, đội K51- Bộ Chỉ huy Quân sự tỉnh Đắc Lắc  pataom mek hu 611 hài cốt talang liệt sĩ urang lin halar hatian saong chuyên gia Việt Nam ndih trun di Campuchia mai veik palei negar.

# Kading jien dong pacang plaih bala meng langik tasik gah kreih negar bahrau jao pok pandap pabak ka bruk pato song bac brei ka sang bac Mẫu giáo Đại Lãnh, huyện Đại Lộc, tỉnh Quảng Nam. Pok pandap daong nan yaom 300 triệu đồng dalam nan hu komputer, ti vi, labik sang lồng song dom pandap panda karei karei. Ni lac sa labik bhain njauk ribuk ia sua.

#Harei pataom pakacah “Tin học ranaih” bal Cần Thơ mbang ka 17 thun 2015 hu tamat blaoh di harei 27/5. Ban peih bruk hu jao 41 giải ka dom urang, kapul nyaom mek hu kết quả glaong dalam pakacah kỹ năng tin học saong phần mềm tin học. Harei pataom pakacah nan lac mblang ma-in biak siam ka dom anek saih pakacah gauk, saong lac labik pabam dom hatai caong khin ka công nghệ thông tin dalam harei hadei di dom anek saih.

# Harei 27/5 bruk hàng không di Bỉ oh ngak bruk hu kayua sự cố kỹ thuật. Tui nan, dom mblang kapan haoh di Bỉ oh ngak bruk hu kayua lihik điện di labik  pasang iek kapal haoh par dalam taneh ia Ben-gô-con-trôn dok di Brúc-xen (Brussels), ngak ka 200 mbang par mai song nao di dom mblang kapan haoh di Bỉ njauk klak abih. Di dom mblang kapan haoh di Bỉ, tuia damuai daok dang tui talei atah piah đặt veik. Dom urang dang akaok gah kapan haoh di Prang song Đức brei thau, bruk ni oh kan kandah rilo tal dom mbang par nao song mai meng 2 negar ni.

# Akaok Mentri Jien padai Mỹ Giách Liu (Jack Lew) harei 27/5 hu panuac lac, châu Âu juai ba tabiak dom kuhri kuhria suan dalam quyết định ka Hi Lạp. Kayua lac bruk Hi Lạp njauk tabiak truh dom negar pandar jien châu Âu (Eurozone) meda oh kuhria dahlau hu. Raja-ei Hi Lạp brei thau oh hu ginup jien piah bayar dom  khoản mesre meng kadung jien dunya bo oh hu bruk daong ba meng châu Âu.

# Mintri ngoại giao CPC bahrau tabiak panuac lac, CPC hu daong gac ka 59 urang hu quốc tịch negar ni, lac urang njauk khol pablei salih menuac pacap nao ngak bruk yau dom urang tong chap ikan suan adat di In-đô-nê-xi-a.  Akaok bilan ni, 59 urang ngak CPC hu sraong daong meng dom kapan tong chap ikan di  In-đô-nê-xi-a song hu ba mai veik taneh ia harei 11/5 meng bloh./.