# Lễ hội brei darah “Xuân Hồng” mbang ka 9 bahrau rah tabiak grauk labik dalam negar taduan mek hu labaih 9.000 đơn vị darah, rilo jang kuhria mboh dahlau labaih 1000 đơn vị darah. Darah mek hu dalam harei nyaom piah pabak ka bruk cấp cứu saongiek ruak ka labaih 150 sang iek ruak bhum gah Barak saong langyah bruk kurang darah hadei di Tết Nguyên đán dalam negar. Ini lac lễ hội brei darah prong abih yaok thun, gam haong dom harei nyaom brei darah karei yau: Hành trình Bhong, harei dit Bhong saong dom van brei darah ngak pah hala rah tabiak yaok harei pak Viện Huyết học Truyền darah Trung ương saong dom puk palei, hu dong ka ralo  urang ruak.

# Labaih 5.000 anek saih dom sang bac THPT ban Đà Nẵng hu mbaok tame danak dak tư vấn tuyển sinh – hướng nghiệp 2016 kayua mintri pato megru pambuak saong báo tuổi trẻ peih tabiak. Dom adei anek saih hu dom chuyên gia di mintri pato megru saong giảng viên dom sang bac đại học, cao đẳng, brei thau cambaih ka mbang pakacah THPT negar saong tuyển sinh thun 2016.

# Piah pasiam veik bruk glut jaleih taneh pak labik tapen tasik pambak biak prong tal bruk ngak mbang saong pala drak di bhap bani, tỉnh Bình Thuận hu padang ngak kè pak dom labik mbuan glut jaleih. Dalam tỉnh urak ini labaih 16.000m đê, kè tasik hu padang salah blaoh ngan haong yaom phun jien labaih 200 tỉ đồng. Anak bruk glut jalei dak harei dak trak kayua riyak tasik taong tame, Bình Thuận kuhria buh tabiak jaik 3.500 tỉ đồng piah padang ngak jaik 100 km bê tông kè pacang cakak riyak, khik caga ar tasik. Bruk padang ngak kè meda hu peih ngak meng thun 2020. 

# Urak ini, dalam tỉnh Bình Phước langik pandiak saong ngin khang ngak ka ralo taneh pala pa-aok blait njauk khat lahik trak kayua thu bingu, druh baoh meda ngak ka bhap bini duh hatai. Dom baoh sang pala pa-aok blait di Bình Phước brei thau, ngan song langik pandiak bhang, li-ar  saong ngin khang, pa-ok blait takik baoh nan lac bruk oh nyaik hu. Tui kuhria năng suất meda trun meng 30% tal 40% duk saong vụ mùa thun dahlau.

# Thun ini, gah rivang ma-in Cần Thơ kham merat raok 1,7 triệu tuai damuai mai daok, dalam nan hu 255 ribau tuai dunya, jien mek tame hu 1.800 tỷ đồng. Piah ngak hu bruk ini, Sở Ilamo padhih saong rivang ma-in Cần Thơ  bhian peih bruk tacei pato, kakei saong pasang iek dom labik bein du lịch, khik caga cảnh quan môi trường, vệ sinh an toàn pandap panda; gah du lịch  Cần Thơ  pataom tame paglaong bruk du lich, daong ka tuai hu sahanang hatai tuk mai tal Cần Thơ.

# Hậu Giang daok jhul pakhang bruk pala glai di dom bhum ia mbak njom tame dalam saong nồng độ mbak biak glaong bo dom phun pala karei oh patagok hu, ngan saong taneh yaok ribau ha di dom huyện Long Mỹ, Vị Thủy, ban sit Ngã Bảy saong ban sit Vị Thanh. Urak ini, Hậu Giang hu phê duyệt yaom jien labaih 62 tỷ đồng piah pala glai tal thun 2020, eng thun 2016, tỉnh daok kuhria brei pala barau jaik 1.000 ha glai di dom bhum taneh bhian njauk ia mbak njom tame ngan saong nồng độ mbak meng 4 phần ngàn tagok. 

# Pak Bal raya Hồ Chí Minh, Kapul bác sĩ  dunya di kapul  ngak pahla oh kuhria kein laba Project Vietnam Foundation hu pambuak bruk haong Sang iek ruak quân y 175 pasang iek saong blac raih oh mek jien ka uranaih mbaih cambuai. 70 bác sĩ nhi khoa hu pambuak haong dom y bác sĩ di sang ruak  quân y 175 tái khám ka jaik 70 uranaih hu blac raih mbaih cambuai. Labaih 100 uranaih oh ka hu blac raih mbaih cambuai meda hu khám sàng lọc piah hu jalan blac raih dahlau di harei 5/3.

Patui di ini dom khau tin dunya:

# LHQ saong dom kapul cứu trợ hu kế hoạch parabha pandap daong pahala ka 154 ribau urang Xyri di dom labik njauk vây hãm dalam 5 harei tal. Điều phối cứu trợ di LHQ I-a-cút En Hi-lô brei thau, meyah hu dom gah brei adat, LHQ halan hatian parabha pandap daong ka 1,7 triệu urang di dom bhum kan tiếp cận dalam quý 1 thun 2016.

# Jabat khí tượng Nhật Bản (JMA) bahrau hu panuac khan lac ceik apui di bhum Tây Nam negar ini daok mbuan pruh.  Hãng Thông tấn Ki-ô-đô (Kyodo) brei thau, raja-ei bal Ê-bi-nô (Ebino) bahrau brei thau "labik pakauk tame" vil val pabah ceik I-ô, lac sa binah di talei ceik Ki-ri-si-ma (Kirishima).

# Mintri y tế Honduras brei thau sa urang akaok meti, lac sa urang kamei metian, njauk hội chứng Gillain-Barré – sa janih ruak patrun hệ thống miễn dịch saong meda pambuak tal virus Zika. Akaok mintri Honduras Yolani Batres brei thau urak ini jeng daok 124 urang kamei metian medil njom hội chứng angaok nan di taneh ia Trung Mỹ ini meda njom mbak tapa virus Zika saong dom urang ini jeng hu tui iek kajap./.