Khaw TIN 19h harei 29-4 saong 6h30 harei 30-4

          #  Harei 29-4, di ban raya Hồ Chí Minh, Thủ tướng Nguyễn Xuân Phúc dang akaok nyaom biai doanh nghiệp Việt Nam – pren patagok taneh ia, hu mbaok labaih 1000 doanh nghiệp di ban raya Hồ Chí Minh saong dom tỉnh, ban dalam taneh ia. Brei panuac peik nyaom biai, Thủ tướng ndom lac, rajaei salih barau điều hành, pacang tiêu cực saong caga tham nhũng dalam karja, oh hình sự hóa dom talei pambuak bruk hành chính saong kinh tế; khik caga quyền drap ar, quyền pablei salih di  doanh nghiệp saong di bhapbini, ba jalan ka doanh nghiệp mbeik drei tame saong patagok. Thủ tướng ndom lac, urak ini jeng daok rio tavak tavaiy dalam bruk patagok di doanh nghiệp, njauk talaih klak, bo meyah oh hu dom tavak tavaiy nan, doanh nghiep patagok drak samal saong siam jang.

/ Di tỉnh Khánh Hòa, Tập đoàn Vingroup peih pakak sang iek ruak đa khoa dunya Vinmec Nha Trang. Sang iek ruak Vinmec Nha Trang hu ngak saong yaom jien abih tih  630 tỷ đồng, praong labaih 5 ribau m2, hu 150 gaiy ndih. Sang iek ruak Vinmec Nha Trang peih tabiak hu daong dom urang ruak hu pilih ruah labik piah iek ruak di bhum Nam trung bộ; rik daong patrun tải ka dom sang iek ruak công.

# Harei 28/4, Ban bangsa tỉnh Quảng Nam hu peih bruk pahadar 70 thun harei padang jabat ngak bruk bangsa (3/5/1946- 3/5/2016). Tỉnh Quảng Nam hu 9 huyện bhum ceik, lac labik daok di rilo bhapbini dom bangsa adei saai ye : Cơ Tu, Xê Đăng, Cor, CaDong…Dom thun tapa, Ban bangsa  tỉnh Quảng Nam hu pok panuac ka tỉnh patabiak rilo sarak, danakdak patagok  bhum ceik; pasram megru paglaong ilamu ka urang jakar bangsa takik; jao taneh, jao glai; khik ramik ilimo mengkan; padang ngak palei pala barau…

/ Piah khik siam mekre ka bhap bini nao mai dalam tuk lễ 30/4 saong 1/5, công an tỉnh Quảng NGÃi hu pataom lực lượng, radaih, peih bruk tuần tra, pasang iek, langyah catang dom urang vi phạm trật tự an toàn angaok dom jalan mbak, jalan pasei, jalan ia nội địa. Kadha praong nan lac tổng kiểm tra dom janih radaih ô tô pajeng tuai damuai, langyah catang radaih peih samar tapa tốc độ brei adat, pajeng ralo menuac; nao sung jalan, nyaik, tapa, pataok oh njauk labik.

# Di ban sit Phan Rang- Tháp Chàm tỉnh Ninh Thuận hu peih bruk patabiak bruk pachreih tui bilan ngak bruk kayua an toan pandap mbang thun 2016 ngan saong kadha “ patagok bruk ngak mbang, pablei salih, blei njaum, rilo an toàn”. Di var tabiak bruk, akaok ủy ban bhapbini ban sit Phan Rang- Tháp Chàm pandar dom gah chức năng paglaong bruk pasang iek  dom labik sik rilo athuar, menuk ada; khik  iek catang bruk pandar dom hóa chất, phụ gia piah ngak pandap mbang; paglaong akaok sahaneg di urang ngak, pablei salih, raong pala…dalam bruk pandar hóa chất pakauk piah samar tagok kí lô, jru khik caga phun pala .

/ Công an huyện Hàm Thuận Bắc, tỉnh Bình Thuận duah mboh  sruh radaih ô tô tải biển số 60C-256.49 kayua ong Lý Minh Lành, daok di xã Xuân Hưng, huyện Xuân Lộc, tỉnh Đồng Nai pajeng labaih 500 kg ralo pabui binai sambo kanyik, mai jao di sang ong Nguyễn Văn Tuấn daok di ban sit Phú Long. Dom ralo ini  oh hu harak dut iek jit di jabat thú y. Khan ka jabat chức năng , po pandap lac ong Lê Phước Hòa, daok di xã Xuân Hưng, huyện Xuân Lộc, tỉnh Đồng Nai  taduan ngak ja ralo pabui glai meng ralo pabui binai taha. Công an saong dom jabat chức năng huyện Hàm Thuận Bắc hu lập biên bản, ngak salah hồ sơ langyah catang dom urang pambuak tal.

# Meng harei 30/4 tal 3/5, Festival Kalang pakat dunya thun 2016 ngan saong kadha “Bản hòa ca di dom baok Kalang” meda rah tabiak di labik đô thị Ecopark, Văn Giang, Hưng Yên. Mai tal Festival Kalang dunya, tuai damuai hu maong jaik 500 baoh Kalang rilo sambo màu di labaih 100 nghệ nhân Kalang angan je di Việt Nam saong nghệ nhân di 5 taneh ia hu Canada, Đức, Malaysia, Singapore, Indonesia.  Dalam dom harei Festival Kalang jeng rah tabiak rilo bruk bui mein, mbang menyum, parang iek rup cih…

Patui di ini dom khau tin dunya:

/ Rajaei Liên bang Mexico hu trình Hiệp định pambuak bruk kinh tế xuyên Thái Bình Dương (TPP) tagok thượng viện piah  caga ka jabat lập pháp ini pasang iek saong brei tapa dalam mbang họp jaik tal tui kuhria hu peih tabiak di bilan 9/2016. Akaok thượng viện Rô-béc-tô Gin Du-a-thơ ndom lac, TPP oh lac brei adat ka Mexico jeng sa cấu trúc hậu cần saong công nghiệp praong bo daok ngak ka Mexico jeng baoh tatua pambuak Đại Tây Dương haong châu Á saong Thái Bình Dương. 

# Gah padai brah saong ngak nong (FAO) di Liên hợp quốc barau hu panuac lac bruk eik lipa di Cộng hòa dân chủ bhapbini Triều Tiên daok trak jang dalam tuk sản lượng padai brah di taneh ini daok trun biar di abih kuhria meng thun 2010 kayau tua riya. Cộng hòa dân chủ bhapbini Triều Tiên tok ngak tabiak hu jaik 5,4 triệu tấn  pandap ye ngũ cốc, đậu nành saong bei prang dalam thun 2015, trun rilo duk saong 5,9 triệu tấn di thun 2014. Tua riya saong bruk kurang ia pruh ngak ka bruk ngak padai brah – pandap mbang di taneh ini trun 25% duk saong thun 2014.

/ Iran peih bruk ginum biai saong dom công ty dầu khí Mỹ saong Canda ka bruk trao đổi menyek tamo saong công nghệ kỹ thuật dalam gah thăm dò, khai thác dầu khí. Abih di nyu nan lac taneh ia Tây Á ini ieu Mỹ saong Canada buh jien tame dom dự án dầu khí di taneh ia ini. Hadei di tuk yaik klak dom jalan trừng phạt pambuak tal bruk hạt nhân di Iran, dom thỏa thuận dầu khí barau hu mbaoh tangin di công ty dầu khí taneh ia Iran saong dom công ty praong di châu Á yau Shell, BP, Eni, Total saong Repsol./.