# Kapul urang ngak bruk di Mentri Khoa học saong Công nghệ hu van ngak bruk haong urang dang akaok tỉnh Kiên Giang ka dom bruk ngak hu siam mekre gah  khoa học, công nghệ dalam dom thun tapa. Dalam 14 thun tapa, tỉnh Kiên Giang peih ngak 254 đề tài, dự án saong mô hình. Sở Khoa học – công nghệ tỉnh Kiên Giang caong khin Mentri khoa học – công nghệ pasang iek brei adat peih ngak dom đề tài pakat negar njauk ngak di urak ini yau: Roh duah bruk glut jalieh labik tapen tasik Kiên Giang; roh duah khik caga ia bhum pak ieng Long Xuyên labik 2 tỉnh Kiên Giang saong An Giang…

# Ong Vũ Trọng Kim, Ủy viên Trung ương Đảng, Phó Chủ tịch - Tổng Thư ký Uỷ ban Trung ương Mặt trận negar (MTTQ) Việt Nam hu mai rivang tadhau yhut Trung ương Giáo hội Phật giáo Việt Nam dalam tuk uan Phật đản thun 2015 - Phật lịch 2.559. Ong Vũ Trọng Kim, cong khin Trung ương Giáo hội Phật giáo Việt Nam patui bruk pachreih ba dom chức sắc, tăng ni, phật tử nao gam haong bangsa, pambuak agama haong dunya piah tapa nan rik dong tame bruk dak padang song patagok talei jum pataom bangsa, dak padang taneh ia dak harei dak salih bahrau, kaya meda.

# Meng harei 28 tal harei 30/5, Mentri Ngoại giao pambuak haong tỉnh Nghệ An peih Nyaom biai “Taom gaok puk palei - Ngoại giao đoàn thun 2015” brei ka dom puk palei bhum Bắc Trung bộ. Ini lac tukvak piah ka urang pal akaok saong doanh nghiệp dom tỉnh bal dalam bhum hu taom gaok ndom biai nao mai tapak haong lambaok dom Jabat lambaok negar langiu daok pak Việt Nam, daong jhul  patagok bruk buh jien tame ngak mbang pak dom tỉnh bal ini mek hu kein laba.

#  Đại học Quốc gia Hà Nội peih bruk taom gaok mbao chí piah pathau khan ka mbang pakacah tong yaom năng lực pabak ka bruk tuyển sinh đại học chính quy tame Đại học Quốc gia Hà Nội thun. Thun 2015 Đại học Quốc gia Hà Nội njauk hatai brei mek kadha pakacah piah tong yaom pren bac da-a piah palih ruah tame đại học chính quy. Thí sinh pakacah tame Đại học Quốc gia Hà Nội hu pakacah 4 kadha tong yaom pren bac da-a hu peih tabiak dalam 2 mbang, mbang sa rah tabiak dalam 4 harei, harei 30-31 bilan 5 song harei 1 harei 2 bilan 6, mbang ka 2 hu peih tabiak dalam bilan 8. Tui kuhria mboh di Đại học Quốc gia Hà Nội, mbang pakacah tong yaom pren bac da-a mbang sa hu labaih 45 ribau 300 thí sinh tut angan tame pakacah, dalam nan hu labaih 14 ribau thí sinh tut angan tame pakacah sap negar lingiu.

# Page harei 28/5, tui panuac tacei di Akaok negar, UB bhap bani tỉnh Quảng Bình hu peih bruk pok brei Huân chương Lao động hạng 3 ka 2 urang hu duah mboh hang động Sơn Đòong nan lac ong Howard Limbert - chuyên gia roh duah hang động, Kapul hang động Hoàng gia Anh saong ong Hồ Khanh daok pak palei Phong Nha, xã Sơn Trạch, huyện Bố Trạch, tỉnh Quảng Bình. Ong Hồ Khanh urak ini 47 thun, lac urang duah mboh hang động Sơn Đoòng - hang động prong abih di dunya, praong 150m, glaong 200m saong atah 7,3km.

# Gilanng pariak karja dhar tỉnh Lai Châu hu tacei pato dom gilang pariak dalam tỉnh pataom tame bruk buh jien tabiak brei mesraiy piah ngak dom bruk yau: chế biến, blei kaya nong, kaya glai, kaya ikan, ngak nong, ngak glai, ngak ikan, pablei salih song dịch vụ, boh sang kan kathaot song urang dalam sarak karja. Kuhria tal urak ni, abih tih yaom jien brei mesraiy labaih 3.000 tỷ đồng.

# Harei 28/5, tỉnh Tiền Giang peih bruk padang ngak tatua Chợ Gạo angaok jalan roya 50, nao tapa kraong Chợ Gạo. Baohtatua Chợ Gạo (tỉnh Tiền Giang) hu padang ngak di ban sit Chợ Gạo – pak labik tatua Chợ Gạo klaak dahlau diah hu yah klaak kayua nyu ngak kan kandah tal bruk nao mai angaok kraong ini. Baoh tatua atah labaih 288 mét, prong 6mét meteh, hu abih tih 6 nhịp, ciuk trak 8 tấn; tĩnh không ka gilai nao mai cagar 80 mét, janih tatua talei tuan. Yaom jien buh tame ngak labaih 107 tỷ đồng, meng kadung jien Karja. Tui kuhria, tatua Chợ Gạo hadei di 18 bilan meda ngak salah blaoh saong ba tame pandar.

Khaw tin dunya:

# Piah duah sa jalan ngak siam cakak bruk khủng hoảng di cư dok rah tabiak dalam khu vực. 17 negar dalam nan hu dom negar Đông Nam Á, châu Á song Mỹ, Thụy Điển, dom kapul nyom dunya hu ginum biai di Cốc, Thái Lan harei 29/5. Tui  gah ngak pahla Liên hợp quốc, ni lac bruk kan kandah oh meda langyah hu dalam drah samar min nyaom biai ni lac sa jalan ngak siam song biak hu yaom glaong. Tui kuhrai mboh di LHQ, hu labaih 3.500 urang di cư tame In-đô-nê-xi-a song  Ma-lai-xi-a dalam dom adit jiak di ni.

# Anak bruk hu takik abih 1.371 urang metai kayua tua riya pandiak bhang, harei 28-5, dom bác sỹ pak Ấn Độ hu brei klaak mbang padeih phép piah pataom tame iek ruak ka dom urang ruak tame sang iek ruak. Tui Jabat khí tượng thủy văn Ấn Độ, dom harei hu langik pandiak labaih 45 độ C pak Ấn Độ mboh rilo jang dalam 15 thun tapa. Nhiệt độ angaok bhum taneh Trung Đông tagok khang, pagam tui angin prong saong ribuk cuah. Pak Libi, langik gah Pur salih tapa sambo màu bhong cam kayua ribuk cuah, ngak ka bhap bani bal Bay-da (Beyda) daok gindang dalam sang saong pandar mac điều hòa không khí, ba tal lahik điện dalam dom tuk. Bhap bani Palextin pak bhum taneh Gada bhiankurang điện urak ini dak kan kandah jang tuk nhiệt độ labaih 40 độ C. Pak Irắc, nhiệt độ trung bình dalam harei jeng daok di tanut 40 độ C saong tui kuhria mboh dahlau dom harei pandiak yau am cuh meda dui tal abih bilan 8.

# Dom sang iek ruak di Ấn Độ dom harei ni jeng dok dalam bruk quá tải, kayua hu rilo urang ruak tame sang iek ruak kayua langik pandiak. Tui kuhria mboh bahrau di abih, dalam sa adit tapa, di negar ni hu labaih sa ribau 500 urang metai kayua pandiak bhang, trak di abih dalam 20 thun tapa. Tui karja palei, urang metai, rilo meng lac urang kan kathaot song urang taha umo glong, dom urang oh thau lac langik pandiak bhang mbuan ngak brei metai lihik.