#  Mentri Pato megru bahrau hu harak payua tal dom sang bac đại học, cao đẳng ka bruk langyah dom tavak tave pambuak pagam tal bruk xét tuyển Đại học, Cao đẳng thun 2015. Dalam mbang sa xét tuyển tame đại học, cao đẳng hệ chính quy thun 2015, hu dom thí sinh salih nguyện vọng xét tuyển min dom sang bac đại học, cao đẳng oh ka hu ba tame angan xét tuyển. Mentri pandar dom sang bac pataom iek, padang angan dom thí sinh ini, khan brei ka Mentri pato megru  thau piah hu tacei pato langayh ka nyu yau gauk. Mentri pato megru pandar dom sang bac padang Kapul ngak bruk chuyên trách piah langyah dom tavak tave pambuak tal bruk xét tuyển đại học, cao đẳng thun 2015. Kapul ini ngak bruk dalam giờ hành chính, peih ngak meng harei 28/8 tal tuk tamat bruk xét tuyển đại học, cao đẳng harei 21/11.

# Mban khik iek Lăng Chủ tịch Hồ Chí Minh tabiak panuac brei thau: meng harei 4 bilan 9 tal abih harei 4/11, Lăng Chủ tịch Hồ Chí Minh, Đài tưởng niệm dom AH liệt sỹ padeih bruk rivang, zirah piah rami ramik pasiam veik tui bruk ba tabiak dalam thun 2015. Bruk rivang zirah Chủ tịch Hồ Chí Minh song lễ tưởng niệm dom Anh hùng liệt sỹ hu peih veik meng harei 5/11.

# Tui Mentri Y tế, urang njauk ruak viêm gan B dalam bhap bani daok glaong. Piah pacang njaom mbak vi rút viêm gan B saong caga ung thư gan ye sa dalam dom jalan ngak siam di abih urak ini nan lac klauk jru pacang caga vắc xin viêm gan B tuk daok ranaih saong klauk dalam 24 tuk akaok mereip hadei di tuk menek piah pacang caga ruak. Mentri Y tế pandar dom sang iek ruak, dom viện di Mentri Y tế;  Sở Y tế dom tỉnh, bal daok dalam Trung ương saong y tế dom bộ, ngành ngak harak piah hu brei baar chứng nhận ginup điều kiện klauk jru pacang caga tui adat di Mentri Y tế.

# Danak dak rong limo ia tasau, limo rilaow di huyện Tam Đảo, tỉnh Vĩnh Phúc tuk vak 2015-2019 hu tỉnh mbaoh tangin brei ngak saong yaom phun jien abih tih labaih 366 tỷ đồng. Thun 2015, huyện Tam Đảo hu daong 100 drei limo ia tasau, 100 drei limo binai lai, 5 drei limo tano pajaih song hu ba tal dom boh sang caong hu, tut angan tame rong. Dom boh sang hu mbaok dalam danak dak meda hu tỉnh dong abih tih phun jien mesraiy di gilang pariak piah blei pajaih, 60% yaom jien blei bảo hiểm ka boh sang rong limo ia tasau.

# Pak tỉnh Quảng Trị hu rah tabiak Nyaom biai giao ban bruk ngak Kapul Đông Y cụm dom tỉnh Bắc Trung bộ nan lac 5 tỉnh: Nghệ An, Hà Tĩnh, Quảng Bình, Quảng Trị saong Thừa Thiên - Huế. Dom urang lambaok hu pataom tame ndom biai nao mai, klah rabha dom ilamu dalam bruk ngak di kapul yau: bruk patagok papul saong hội viên; duk iek ruak điển hình… Kapul Đông Y pakat negar hu parabha jeng 13 cụm, hu jaik 5.000 hội viên.

# Pahadar 70 thun CM bilan 8, song harei negar 2/9, huyện  A Lưới, tỉnh Thừa Thiên-Huế bahrau peih pambah mbang labik pahadar Wa Hồ dalam pasak ilamu bhap bini dom bangsa huyện A Lưới. Labik ni parang iek dom thaot binguk, harak tư liệu, pandap panda ka Wa hu bhap bini khik ramik tapa 2 mbang mesruh metak, brei mboh hatai anit ranam di bhap bini bhum ceik glong A Lưới brei ka Wa Hồ. Urang kumei Anh hùng Hồ Kăn Lịch, sa urang hu 7 mbang taom gaok Wa Hồ brei thau: Meyah oh hu Wa ye bangsa Pa Co oh hu yau harei ni. Urak ni thei jeng hu họ Hồ, anek taco jeng mek họ Wa. Labik papan kakuh jeng piah kakuh Wa , am glau ka Wa. Thei jeng kakei anek taco drei njauk kham merat bac daa ka naih joi piah bac megru song ngak tui jalan hadah krah siam mrekre di Wa. 

# Kapul urang kamei tỉnh An Giang bahrau pataom iek veik 5 thun peih ngak dom đề án “Brei ka bruk cakrok patagok di urang kamei tỉnh An Giang” tukvak 2010-2015. Tal urak ini, 92% dom urang amaik hu pathram, paglaong ilamu raong anek; labaih 242 ribau uranaih hu thau dom ilamu ka pren yava caih menek saong pato tacei ilamu diuk rai; labaih 43% urang ngak ame hu thau bruk raong pato anek tapa jalan tư vấn, sinh hoạt dalam klup kapul, dom kadha praong…/.