# Thủ tướng Raja-ei bahrau hu panuac tacei pato ka bruk brei adat khai thác samar quặng apatit khai trường 26 piah bayar veik mặt bằng peih ngak dự án Khu hợp tác kinh tế tapa tapen negar dalam huyện Bát Xát, tỉnh Lào Cai. Thủ tướng Raja-ei jao ka Ủy ban bhap bani tỉnh Lào Cai tacei pato Công ty Trách nhiệm hữu hạn sa thành viên Apatit Việt Nam pambuak catang haong po đầu tư dự án dalam tukvak khai thác khik njauk tukvak bayar veik mặt bằng.

 

# Phó Thủ tướng Hoàng Trung Hải barau hu panuac tacei pato ka bruk padang đề án buh jien tame ngak dom công trình praong ba ia pandar ka bhum Lục Khu tỉnh Cao Bằng. Tui nan, UB bhap bini tỉnh Cao Bằng iek tui quy hoạch ba ia di tỉnh hu  phê duyệt bloh, tacei pato jabat chức năng di peih ngak dom danak dak praong ba ia pandar ka bhum Lục Khu tỉnh Cao Bằng.

 

# Harei 30/1, Mentri Giao thông Vận tải peih bruk brei radaih peih tapa jaik 90km jalan di dự án peih praong jalan roya 217 (tukvak 1) meng canah klau Đồng Tâm (Bá Thước - tỉnh Thanh Hóa), tal pabah mbang tapen negar Na Mèo - Nặm Xổi (tapen negar Việt Nam – Lào). Jalan roya 217 hu yaom biak praong dalam danak dak pambuak bruk ngak mbang kinh tế tiểu vùng kraong Mê Kông peih prong di bhum  Đông Bắc Lào haong gah Barak Việt Nam.

 

# Tukvak tapa, yaom lac gaok biak ralo kan kandah min bruk padang ngak palei pala barau di dom xã bhum glaong di tỉnh Quảng Nam mek hu dom jak jeng biak njauk meyaom. Dalam tỉnh hu 4 xã bhum ceik ngak bloh bruk palei pala barau. Nan lac bruk ngak hu meng talei jum pataom, kham merat dak padang rai diuk barau di karja saong bhap bini dom bangsa labik ini. Sa thun barau daok mai, pabak siam mekre ka dom puk palei bhum glaong palei pala barau di kreih ceik glai Trường Sơn.

 

# Salam uan jak jeng di Nyaom roya pakat negar mbang ka 12 di Đảng saong pahadar 86 thun harei padang Đảng Cộng sản Việt Nam (3/2/1930 - 3/2/2016), Liên đoàn Lao động Bal raya Hồ Chí Minh hu peih bruk pok meyaom  48 urang đảng naih gheih. Ini lac dom urang ngak kham merat dalam bruk ngak, hu ralo sáng kiến salih bahrau,  ba mai kein laba ka jabat, doanh nghiệp yaok pluh, yaok rituh triệu đồng.

 

# Kuhria tal urak ini, di tỉnh Bình Phước hu 17 doanh nghiệp praong tut angan hu mbaok tame danak dak tani tanat yaom kaom di drak pasar tết anek sak kara 2016. Pandap panda dom doanh nghiệp khik mepiah pablei tết nan lac brah, saradang, menyek, pandap ngak mbiah, ralo athur, menuk ada saong dom janih pandap pandar karei. Langiu dom nhóm pandap khik mepiah tui kế hoạch, dom doanh nghiệp hu kuhria khik mepiah ralo nhóm pandap pandar karei njauk caik hatai yau har, mứt, ia menyum ngan saong yaom jien abih tih labaih 500 tỷ đồng.

 

# Dom harei tapa, dom bein tỉnh Hậu Giang daok brei paik baoh tamekai pablei Tết Nguyên đán Bính Thân 2016. Ngan haong năng suất, yaom kaom glaong, vụ tamekai Tết ini dom urang ngak bein meda laba hu labaih 40 triệu đồng yaok ha. Langiu di mblang taneh pala tamekai, urang nong Hậu Giang daok pala labaih 3.000 ha njam patam, phun cảnh pablei Tết.

Patui di ini dom khau tin dunya:

# Mintri y tế Nga brei thau,  dalam labaih 3 adit tapa hu labaih 100 urang metai pambuak tal dom hội chứng cúm di taneh ia ini. Dalalm dom urang metai hu 4 urang kamei daok metian saong 8 uranaih. Makna metai nan lac kayua dom urang nan oh ka hu klauk vacxin pacang ruak saong oh nao iek ruak njuak tukvak.

 

# Akaok Mentri Jien padai Nhật Bản A-ki-ra A-ma-ri (Akira Amari) likau từ chức piah taduan trách nhiệm ka sa bruk bê bối jien padai. Dahlau di nan,  tuần báo Su-kan Bun-sun (Shukan Bunshun) hu sa kadha vak lac ong Amari saong pakat ala mbang hối lộ meng sa công ty padang ngak pak tỉnh Chiba, saong yaom jien tagok tal 12 triệu yên (samu 101 ribau đôla),  ngak suan hukum ieu pataom nguồn tài trợ chính trị.  

 

# Akaok mintri jien padai taneh ia Anh George Osborne saong tỷ phú Bill Gates barau brei thau bruk daok kuhria buh tabiak labaih 4,28 tỷ USD piah daong ngak palahik ruak pandiak dom dalam 5 thun tal. Tui tạp chí The times, dalam 5 thun tal, rajaei taneh ia Anh hu buh tabiak 500 triệu bảng ( samu 715 triệu USD) meng kadung jien daong negar langiu yaok thun, dalam tuk kadung jien Gate Foundation brei 200 triệu USD thun ini saong rik daong gilac dalam dom thun patui di nan. Thun 2015, ruak pandiak dom ngak ka 438.000 urang metai, dalam nan ralo meng lac uranaih umo ala 5 thun saong ralo meng daok di dom taneh ia châu Phi./.