# Anak bruk daok hu dom balai thu phí daok jaik gauk oh ka talh 70 km, Phaok Thủ tướng Hoàng Trung Hải pandar Mentri Giao thông vận tải dang tabiak, pambuak haong Mentri Jien padai pasang iek veik taong abih dom dự án BOT hu ngak salah blaoh, daok peih ngak saong tui kuhria meda peih ngak dalam tukvak anak tal; pathau khan tagok Thủ tướng Raja-ei thau dahlau di harei  31/7. Angaok dom jalan roya hu 96 balai thu phí daok thu phí saong meda thu phí tuk dom dự án BOT ngak salah blaoh saong ba tame pandar.

# Mintri công thương bahrau peih Văn phòng Xúc tiến pablei salih Việt Nam di ban Trùng Khánh (Chong Qing), TQ. Dalam dom thun tapa, yaom lac gaok kan kandah kayua khủng hoảng kinh tế dunya, min talei pambuak bruk pablei salih di VN song TQ dok khik hu song patagok tani tanat. TQ daok lac gah pambuak bruk pablei salih dang ka sa di VN ngan song yaom jien pablei salih di 2 gah thun 2014 hu jiak 59 tỷ USD, tagok jang 17% dut song thun 2013.

# Pak Hà Nội, Kadung jien daong Sáng tạo ilamu kỹ thuật Việt Nam (Liên hiệp dom Kapul nyaom Khoa học saong Ilamu Kỹ thuật Việt Nam) peih ngak lễ pataom iek veik saong pok brei Giải thưởng sáng tạo ilamu khoa học công nghệ Việt Nam, Giải thưởng Cúp vàng Sở hữu trí tuệ Việt Nam 2014.  Giải thưởng sáng tạo ilamu khoa học công nghệ Việt Nam thun 2014 hu pok brei ka 40 công trình dalam 6 gah, dalam nan hu 4 giải nhất  yaom 40 triệu đồng sa giải, 7 giải nhì – 25 triệu đồng sa giải, 11 giải ba – 20 triệu đồng sa giải saong 18 giải khuyến khích, yaok giải 15 triệu đồng.

# Parang iek Bất động sản Land24 hu peih tabiak di HN. Ni lac mbang parang iek camereip patom hu dom danak dak bất động sản praong di dom po đầu tư hu angan je di 3 gah barak, gah kreih negar song gah merong. Parang iek pachreih hu labaih 800 tuai damuai mai mong iek song duah thau ka danak dak. Ni lac parang iek camereip dalam dom bruk di nyom darak pasa parang iek bất động sản kayua Kênh khau tin Bất động sản Land24 peih ngak dalam adit ka 4 yaok bilan. Parang iek hu dui atah tal harei 31/5.

# Pak Hà Nội, Kapul urang nong Việt Nam pambuak haong Mentri Y tế peih bruk mboh tangin tame danak dak pambuak bruk pathau khan, jak ba urang nong pacang khik, iek glang saong paglaong pren yava ka bhap bani tukvak  2015-2020. Danak dak pambuak ngan haong mục đích paglaong bruk pathau khan, pambak prong ilamo, hatai saneng ka dom hội viên urang nong dalam bruk pacang khik, iek glang saong paglaong pren yava ka bhap bani pagam haong bruk padang ngak palei pala bahrau.

# Mesup harei 28/5 UB bhap bini tỉnh Bình Phước pambuak bruk song kapul urang nong VN tỉnh peih “Harei pataom boh kayau song pandap kaya nong tỉnh Bình Phước mbang ka 1 thun 2015” pachreih hu labaih 100 gian hàng dalam nan hu rilo janih pandap praong di tỉnh Bình Phước yau: paaok blait, amriak kalu, cao su, boh kayua dom janih, njam patam hacih song dom jamriak pabak ka bruk pala paaok blait, amriak kalu. Ni lac mbang camereip tỉnh Bình Phước peih nyaom darak pasa boh kayau song pandap kaya nong piah yaih khan dom jak jeng,  boh kayua song pandap kaya nong di tỉnh. 

# Pak mblang bein Võ Nguyên Giáp, bal Thái Nguyên, Trung ương Đoàn Dam dara Cộng sản Hồ Chí Minh peih bruk tabiak mbaok Dam dara halar hatian hè thun 2015 ngan haong bruk hu mbaok di labaih 5000 urang đoàn dam dara dalam bal Thái Nguyên. Hadei di nan, hu rah tabiak dom bruk ngak pachreih tui : Tư vấn, pasang iek ruak, brei jru oh mek jien ka 300 urang kathaot. 

# Karja Gha Na  mboh hu sruh jit cúm menuk ada H5N1 di trang trại rong menuk ada di negar ni, dalam nan hu sa trang trại daok jaik ban ine Ac-cra (Accra). Tapa dut iek, 5 dalam 6 mẫu ruak mboh dương tính song  virút cúm H5N1.  Min dut iek  dom urang hu taom gaok menuk ada ruak ye oh hu urang halei ruak. Urang jakar ngak praong brei am cuh klak takik di abih 20 ribau drei menuk di trang trại jiak sruh jit.  

# Raja-ei Ca-ta brei thau meda daong ka In-đô-nê-xi-a 50 triệu đôla piah ka negar ini taduan raok urang mai meng negar angiu. Bruk ini hu patao Ca-ta Ta-mim Ben Ha-mát An Tha-ni (Tamim Ben Hamad Al-Thani) ba tabiak pak mbang taom gaok Ngoại trưởng In-đô-nê-xi-a Rét-nô Ma-su-đi(Retno Marsudi) daok hu mbang nao rivang Đô-ha piah ginum biai bruk khủng hoảng nhập cư pak Đông Nam Á urak ini.

# Harei 27/5 Arập Xêut hu ba 36 radeih pajeng 350 tấn pandap dong ka bhap bini Yemen, dalam nan hu pandap mbang menyum, jru iek ruak song pandap ka sang iek ruak. Arập Xêut jeng daok kuhria buh tabiak labaih 274 triệu đôla piah dong ka dom urang  Yemen dok gar veik di Etiopia. Urak ni pandap dong meng gah langiu tame Yemen dok gar veik di dom pabah mbang negar, pabah lamnge kayua karja patagok bruk pasang iek dom boh kapan tame tabiak pambah lange di Yemen piah pacang cakak phao ndao ba tame ka khol phiến quân Hu-thi./.