#  Harei 30-10, Quốc hội caik tabiak sa harei piah ginum biai ka dom asal kadha daok hu panuac karei di gauk di Dự thảo Hukum hình sự (pasiam veik). Hadei di dua bilan mek panuac rik daong di bhap bani, akaok mentri Tư pháp taduan mek hu 119 harak brei thau di 30 mentri, ngành, jabat, kapul nyaom di Trung ương saong 63 tỉnh bal; Taong abih hu jaik 7 triệu mbang panuac brei thau di bhap bani rik tame Dự thảo Hukum hình sự pasiam veik. Ini lac mbang sinh hoạt chính trị prong dalam, brei mboh tính dân chủ dalam bruk dak padang hu kum. Ralo panuac pandar patagok tính minh bạch, khả thi di Dự thảo hukum. 

# Di miunyim Mỹ thuật Việt Nam, pasak ilimo Nhật Bản  pambuak bruk saong Đại sứ quán Nhật Bản di Việt Nam peih parang iek thaot binguk tohoku tapa ống kính nhiếp ảnh gia Nhật Bản”. Parang iek yaih khan 100 blah thaot ka bhum taneh, anek menuac bhum taneh Tohoku, Nhật Bản. Di parang iek, urang maong hu maong veik dom thaot binguk ka Tohoku di  thập niên 1950, 1960 tapa dom cảnh lingik tasik gheih mekre, raidiuk tinh thần phong phú saong sa ilimo mengkan da;am ilimo Nhật Bản.  Parang iek rah tabiak meng ini tal puac harei 13/11.

# Nyaom biai “Khik iek saong pandar kháng sinh dalam raong glang” kayua Cục raong glang pambuak haong mentri Ngak nong saong patagok palei pala, kapul nyaom pandap panda kaya nong dunya (FAO) bahrau peih ngak pak bal Đà Nẵng. Dalam negar hu labaih 1.000 cửa hàng pablei jru thú y, jaik 9.000 pandap panda thú y hu tut tangan lưu hành. Pak nyaom biai, dom chuyên gia di dom negar klah rabha ilamu ka bruk khik iek saong pandar kháng sinh dalam raong glang saong iek ruak ka anek athur; dom jalan ngak “trak tangin” meng Raja-ei, Mentri Y tế piah tah klaak chất kháng sinh ngak kanjah jhak tal pren yava anek manuac.

# Di Ninh Bình, Tổng cục Du lịch barau peih nyaom biai patagok tuyến du lịch tâm linh bhum taneran kraong Hồng saong pataom mbaok di lambaok urang dang akaok dom tỉnh Hưng Yên, Thái Bình, Nam Định, Ninh Bình saong Hà Nam.  Yaok thun, dom labik du lịch tâm linh bhum ini ye : Đền Trần, Chùa Keo, Phủ Dầy, labik inem mek đền thờ vua Đinh- Lê, Chùa Bái Đính…. Pachreih yaok triệu mbang tuai du lich mai ravang mein. Pataom tame nyaom biai, dom urang jakar hu ba tabiak dom bruk paglaong chat luong labik nao, patagok du lịch tâm linh jeng sa dalam dom pandap du lịch pachreih, ngak jeng ia mbaok barau ka du lịch bhum taneran kraong Hồng.

# Xã Nhơn Sơn huyện Ninh Sơn, tỉnh Ninh Thuận nan lac sa dalam dom xã điểm di tỉnh peih bruk padang ngak palei pala bahrau vaktu 2011-2015. Xã urak ini hu labaih 14.300 urang, dalam nan bhap bani urang bangsa takik meblah jaik  25,3%. Ủy ban bhap bani xã Nhơn Sơn hu peih ngak dự án saong pambak prong mô hình raong limo menek tui jalan ba salih di dua palei Núi Ngỗng saong Láng Ngựa. Meng 45 drei limo binai akaok mereip, tal ini, mô hình pambak prong hu 91 drei. Tapa 5 thun peih ngak danak dak, meng 118 baoh sang kathaot, tal ini xã daok 74 baoh sang.

#  Dalam 6 thun tapa, labaih 15.000 anek saih sang bac pakat sa di 50 sang bac di dom bhum bhapbini bangsa takik, bhum kan kandah dalam tỉnh Bình Thuận hu mbang tui dự án SEQAP (danakdak khik caga chất lượng pato megru. Langiu daong var mbang jala, anek saih bangsa takik daok hu pato pagam dom bruk ngak pato langiu tukvak tame tan bac. Abih di nyu nan lac, danakdak caik rilo tukvak piah pasram dua môn tiếng Việt saong Toán; ba dom bruk mein mengkan tame sang bac piah daong dom adei pachreih nao bac. Jaik 6 thun peih ngak dự án SEQAP, tỉnh Bình Thuận hu daong  padang  39 duk bac barau, sa sang yuak tian saong 9 duk bac  đa năng  saong jian abih tih 19,5 tỷ đồng.

# Pak bal raya Hồ Chí Minh, Tổng cục Năng lượng, Mentri Công thương bahrau peih Nyaom pataom iek veik 5 thun peih ngak danak dak bruk ngak  negar ka bruk pandar năng lượng patak pataom saong mek hu siam mekre, vaktu 2011 -2015. Tapa 5 thun peih ngak danak dak, hu 585 dự án hu peih ngak piah patak pataom năng lượng. Tamat vaktu 2011-2015, danak dak ngak brei patak pataom hu jaik 1 tỷ KWh điện, samu haong jaik 1 ribau 600 tỷ đồng.

Khaw tin dunya

# Di ban du lịch Kếp Thao (Cape Town) di Nam Phi, Đại sứ quán Việt Nam di Nam Phi hu peih harei taom gaok dom thủy thủ kapal dunya mek angan Đà Nẵng dalam harei kapal pataom tame mbang pakacah gilai vil dunya (Clipper 2015-2016) vaih tame cảng Kếp Thao. Ginum biai saong dom  thủy thủ ka dom trải nghiệm di dom jalan pakacah barau blaoh, Đại sứ tadhau yuh dom thủy thủ di kapul patui jalan pakacah an toàn saong hu thành tích glaong. Ini lac mbang pakacah thuyền buồm vil dunya (Clipper 2015-2016) caik ka dom thủy thủ oh chuyên kayau ban sit Đà Nẵng dang tabiak peih ngak piah yaih khan ka ban tasik Đà Nẵng.

# Akoak mentri Nội vụ Đức Thô-mát đờ Mai-di-ê  (Thomas de Maiziere)  brei thau, negar ini meda payua bayar gilac yaok rituh urang njauk từ chối đơn likau tị nạn mai ka dom negar Ban-căng (Balkans) dalam tukvak anak tal. Bruk nan brei mboh yaok pluh ribau urang meng dom negar Ban-căng njauk tabiak truh taneh aia Đức. Akaok mentri Thô-mát đờ Mai-di-ê brei thau, kuhria tal tukvak urak ini, urang jakar negar ini brei tabiak truh taneh ia Đức 11 ribau urang, dalam tuk 27 ribau urang karei halar hatian nao tabiak truh taneh aia Đức tuk hu daong brei jien.

# Cộng hòa dân chủ bhapbini Triều Tiên daok caga peih nyaom roya Đảng Lao động cầm quyền mbang akaok mereip kuhria meng labaih 3 abap ini di thun tal. Mintri chính trị Uỷ ban Trung ương Đảng Lao động Triều Tiên kham merat peih nyaom roya mbang yaka 7 di bilan 5 thun 2016. Ini lac mbang roya akaok mereip di Đảng lao động cầm quyền Triều Tiên kuhria meng bilan 10 thun 1980, jeng lac nyaom roya akaok meti kuhria mang tuk urang dang akaok Kim Châng Un dang atagok meng puac thun 2011. Nyaom roya  Đảng akaok meti di Triều Tiên rah tabiak meng harei 28 tal 30/8/1946 di Bình Nhưỡng, saong  801 urang jakar lambaok ka labaih 300 rabau urang đảng ./.