# Tal labaih 2 tuk page harei 31/12, gah pacang padam khuah padam hu abih bruk khuah pak 2 labik karaoke saong ralo cửa hàng, sang bhap bani jaik taphia nan angaok jalan Trần Quốc Thảo, phường 7, quận 3, bal raya Hồ Chí Minh melam 30/12. Labik khuah nan urak ini jeng daok hu dom gah chức năng pacang, khik piah pasang iek, duah thau ka nyu cambaih laih. Akaok mereip, gah pacang padam khuah duah mboh sa urang likei metai dalam mbang khuah ini.

# Piah khik caga siam mekre salamat bruk nao mai angaok jalan mbak tuk Tết dương lịch 2015, Phòng Cảnh sát giao thông, Công an ban sit Đà Nẵng  hu padang 2 tổ đặc biệt, dalam nan hu cảnh sát giao thông, cảnh sát đặc nhiệm pambuak bruk pasang iek, dut iek nồng độ cồn di urang ndik radaih. Thiếu tá Phan Văn Thương, Phó akaok phòng Cảnh sát giao thông, Công an ban sit Đà Nẵng brei thau: Đơn vị jeng hu jalan peih ngak, dalam nan pataom tame bruk cưỡng chế ngak suan hukum ka nồng độ cồn ngan saong urang ndik radaih ô tô, radaih  mô tô, abih di nyu nan lac var jala saong var melam.

# Pak nyaom biai pataom iek veik Danak dak patruh kathaot thun  2014 kayua Uỷ ban bhap bani bal Cần Thơ peih ngak, ong Nguyễn Thanh Vững – Phaok akaok Sở Lao động - Thương binh saong Xã hội bal Cần Thơ brei thau: dalam thun  2015, Cần Thơ meda daong ka labaih 31.000 mbang baoh sang kathaot, urang sarak karja dalam bal mesre phun jien patagok bruk ngak mbang pala drak. Tui nan, Cần Thơ meda daong anek pajaih, pambak prong bruk ngak mbang pala drak, raong glang ka 1.000 mbang urang kathaot, jaik kathaot ngan haong phun jien jaik 1,3 tỷ đồng; padang ngak saong pambak prong 32 mô hình patrun kathaot ngan haong phun jien jaik 4 tỷ đồng meng phun jien mesre ưu đãi.

# Công ty Điện lực Đắk Nông pambuak bruk saong Tỉnh đoàn Đắk Nông peih bruk pathau khan patak pataom menhek saong daong bhapbini salih bóng đèn sợi đốt meng bóng đèn compact patak pataom menhek ka labaih 1.500 sang bhapbini bangsa takik dalam tỉnh. Thun 2014, meng ngak siam dom bruk patak pataom menhek  nan ye tinh patak pataom hu labaih 20 triệu KWh, meblah jaik 10% sản lượng menhek pandar di tinh.

# Sở Ilamo – padhih saong Rivang ma-in tỉnh Bình Thuận brei thau: harei  31/12 lac tukvka puac di abih brei ka bruk duah mek drap ar medhil lac lam padauk di ceik Tàu dalam xã Phước Thể, huyện Tuy Phong. Hadei di tuk hu brei adat dui atah jang 1 thun, kuhria meng harei 1/1/2014, gah peih ngak hu ba tabiak ralo jalan pasang iek, roh duah. Dalam luac tukvak peih ngak, kapul pasang iek bruk ngak ini di Ủy ban bhap bani tỉnh Bình Thuận mboh lac: oh hu sa dấu hiệu halei brei mboh hu drap ar medhil lac daok padauk dalam ceik Tàu. Kayua tukvak dui atah abih blaoh nan ye bruk roh duah brei padaih ngak meng harei 1-1-2015.

# Ribuk Jangmi daok tame jaik Biển Đông, tui pasak Khí tượng Thủy văn Trung ương, meng sa tuk harei 31/12, pasak ribuk daok di labik 9,9 độ Vĩ Bắc; 120,9 độ Kinh Đông, di bhum tasik Sulu (Philippines). Pren angin khang pakat 8. Tui kuhria mboh dahlau, dalam 24 tuk tal, ribuk nao tui gah Tây Tây Nam, yaok tuk nao hu jaik 10-15km. Tal 1 tuk harei 1/1/2015, pasak ribuk daok di labik 8,9 độ Vĩ Bắc; 117,6 độ Kinh Đông, di gah meraong pulao Palawan (Philippines). Pren angin khang abih di bhum jaik ribuk khang pakat 8, giật cấp 9-10. Tasik riyak khang . 

Khaw tin dunya:

# Dom gah truyền thông Hy Lạp brei thau dalam harei 30/12, sa sruh gilai pajeng jaik 400 urang di cư hu tabiak tín hiệu gaok kan kandah tuk nao tapa gah Tây Bắc đảo Corfu (Cô-phu) angaok tasik Ionia (I-ô-ni-a) di Hy Lạp. Tui Rayo papar sap Skai di Hy Lạp, sruh kapal hutuan hala dok Moldova saong nao tapa gah Croatia. Hy Lạp hu brei dua sruh kapal haok trực thăng mai daong saong mboh lac sruh kapal nan jeng daok jaik taphia ar.

# Hàn Quốc brei thau meda peih bruk pruh jru pametai anek ruak di dom trang trai raong menuk ada di tuk thun barau saong patrun patakik bruk pajeng menuk ada, anek athur piah pacang cakak bruk patuh jit ruak saluah cambuai, tapaok kakau saong jit kum menuk ada. Urang jakar daok kham merat oh caik ka jit saluah cambuai tapaok kakau di tapol pabui pambak tal ban ine Xơ-un, min adit bloh, sa urang njaom jit hu mboh di sa trang trai gah Brak, tok atah di ban ine  Xơ-un 50 kilômét.

# Karja đặc khu hành chính Hồng Kông, Trung Quốc brei thau meda am cuh klaak 15 ribau drei menuk hu asal mai meng dom tỉnh ban karei piah pacang cakak bruk mbuan njom mbak vi-rút cúm menuk ada. Tapa pasang iek mboh lac, menuk ini hu blei meng sa mblang taneh raong pak tỉnh Quảng Đông hu njaom mbak cúm H7N9./.