Khaw tin 19h harei 3/11 saong 6h30 harei 4/11/2015

# Mbang nyaom ka 10, Quốc hội mbang XIII daok hu bhapbini ban sit Sơn La sangka tui maong. Ndom ka bruk patagok kinh tế xã hội di taneh ia dalam 5 thun tal, cử tri Hà Duy Thành, phường Tô Hiệu, ban sit Sơn La hu panuac lac : “Dahlak njauk hatai saongpathau khan di rajaei, min dalam bruk patagok di 5 thun tal, dahlak mboh njauk ba tame veik dom asal kadha, abih di nyu nan lac kadha : sangka patagok đô thị bhum ceik, njauk saong caong khin patagok ilimo di yaok bhum, palei. Kayua dahlak mboh bruk patagok đô thị oh ka njjauk saong bhapbini bhum ceik kol dahlak”.

/ Meng ilamu labaih 400 thun, palei ngak havay pak Phú Vinh, xã Phú Nghĩa huyện Chương Mỹ, ban Hà Nội hu oh thau hadom mbang trun tagok, min kayua hu dom nghệ nhân naih gheih, abih hatai jai yau ong Nguyễn Văn Trung bo palei ngak hu duah tabiak jalan nao barau. Pandap di palei ngak Phú Vinh pabak hu hatai caong di darak, yaih khan hu pandap havay krem pak di VN tabiak dunya. 

# Di ban sit Huế, sang bac Cao đẳng Sư phạm Huế barau peih harei pataom daong anek saih Lào daok bac pak ini thun bac 2015-2016. Ini lac bruk ngak meng kan di sang bac brei mboh bruk sangka di urang jakr, gru pato sang bac brei kadi dom anek saih Lào daok bac pak ini tuk yam tame thun bac barau. Ini oh lac bruk ngak chinh tri di sang bac dalam jalan patagok bruk pato megru dalam tukvbak mbeik drei tame bo daok peih praong talei pambuak bruk saong dom sang bac đại học, cao đẳng jeng ye daong ka dom tỉnh Nam saong Trung Lào pato pkai, pabak menuac urang bac daa ka taneh ia Lào.

/ Chi đoàn Báo Bình Thuận pambuak saong Công ty camin meta Minh Nhã peih bruk duk meta saong alin hadaih camin meta brei ka labaih 200 anek saih sang bac phổ thông bangsa gam bac gam daok Hàm Thuận, huyện Hàm Thuận bắc. Ini lac mbang ka 3 chi đoàn Báo Bình Thuận pambuak saong công ty camin meta Minh Nhã peih bruk duk meta saong alin hadiah camin meta ka anek saih bhum bhap bini bangsa, anek saih gaok kan kandah. Tui kuhria tukvak anak tal, dua đơn vị daok pambuak bruk peih dom mbang duk meta saong alin hadiah camin meta ka urang kan kathaot, urang daok dalam sarak karja di dom puk palei dalam tỉnh.

# Daok dalam mbang pasram cuh mesruh pakat tiểu đoàn thun  2015,  pagam saong bruk jak ba, Sư đoàn 309 (Quân đoàn 4) barau ba kapul nao iek ruak, brei jru, alin pandap brei ka labaih 100 sang sarak saong sang kathaot di xã Sông Ray, huyện Cẩm Mỹ, tỉnh Đồng Nai ngan saong yaom jien abih tih labaih 10 triệu đồng. Dom urang lin jeng hu jah hareik, puh ramik haci hacih, pacang jamaok, trun takik bruk mbuan hu jit pandiak tabiak darah di dom sang bac, balai y te di xa. Tapa mbang jak ba, dom urang jakar, urang lin Sư đoàn 309 hu ngak siam jalan jak ba gheih di Đảng, caik veik rilo anit ranam dalam hatai bhapbini puk palei .

/ Mesup harei 3/11, di jalan nao takai Nguyễn Huệ, Quận 1, Sở jalan mbak pajeng ba ban raya Hồ Chí Minh hu peih parang iek rup thaot “gah jalan mbak ban raya HCM: 40 thun dak padang saong pamaong tal harei hadei”. Parang iek rah tabiak tal abih harei 12/11. parang iek yaih khan dom công trình hu mbiah hu pasiam veik yau dom jalan, tatua… tal dom công trình barau yau jalan hầm nao tapa kraong bei gon, jalan roya Võ Văn Kiệt, ribaong Nhiêu Lộc – Thị Nghè, jalan metro daok padang ngak…. Di parang iek, mban peih bruk hu brei thau saong jao giải mbang pakacah thaot nghệ thuật “gah jalan mbak ban raya HCM angaok jalan patagok” ka dom tác phẩm xuất sắc di abih. 

# Kapul Liên hiệp urang kumei huyện Tân Biên, tỉnh Tây Ninh pambuak bruk saong gilang pariak sarak karja huyện pilih ruah ka 10 adei saai mesraiy jien danakdak ia hacih piah ngak công trình haci hacih ka sang. Langiu di nan, Huyện hội daok hu peih sa tan pato bruk raong menuk hacih ka 33 adei saai bangsa takik, daong dom saai ngak randap saong bruk pandar alamu tame raong glang, trun takik bruk nerak alam moi truong.

 Patui di ini dom khau tin dunya:

/ Yaom menyek trun kayua huac bruk pabak menyek di dunya tagok khang. Di drak Niu Yoóc di Mỹ, yaom menyek WTI giao bilan 12 trun 45 xen daok 46,14 đô la Mỹ sa thùng. Daok drak Luân Đôn di Anh, yaom menyek Brent giao bilan 12 trun 77 xen daok 47,79 đô la sa thùng. 

# Mintri Nội vụ Anh saong Pháp barau mbaoh tangin tame sa harak sanya pambuak bruk pasang iek urang nhập cư suan hukum tapa jalan hầm Ơ-rô tuy-nen di eo tasik Măng-xơ piah tapa Anh saong jhul khang talei pambuak bruk an ninh piah pacamng cakak bruk pablei salih menuac. Brei panuac dalam sa mbang họp báo haong gauk di ban ine Luân Đôn hadei di mbang taom gaok Akaok mintri Nội vụ Anh Thê-rê-sa Mây, akaok mintri Nội vụ Pháp Béc-na Ca-dê-nơ-vơ brei thau, gah an ninh dua taneh ia meda pambuak bruk rilo jang dalam gah tư pháp, tình báo piah langyah bruk nhập cư di bhum Pas đơ Ca-le.

/ Liên minh châu Âu (ieu lac EU) tabiak bruk daong ka Libăng yaom jien 43 triệu đô la piah daong ka taneh ia ini dalam bruk khủng hoảng tị nạn Xyri. Cao ủy Liên minh châu Âu iek gah daong pahala saong khik iek khủng hoảng Crít-xtốt Stai-li-an-nít brei thau, meng mbang nao ravang di ong tal Libăng 10 bilan dahlau, mboh salih barau biak ralo. Dunya daok dang anak  bruk khủng hoảng di cư saong tị nạn./.