Khaw tin 19h harei 4/11 saong 6h30 harei 5/11/2015

# Tổng cục tasik saong pulao kaoh Việt Nam (mintri Tài nguyên saong Môi trường) brei thau : nyaom roya tasik Đông Á mbang yaka 5 tui kuhria hu peih tabiak meng harei 16-21/11/2015 di ban sit Đà Nẵng, hu mbaok di jaik 700 urang jakar dalam taneh ia saong dunya. Kadha di nyaom roya mbang ini lac “ pamaong tal dunya, kein laba puk palei – dak padang danakdak nghị sự ka patagok khang kajap di dom tasik  Đông Á hadei thun 2015”. Nyaom roya mbang ini hu maong lac jalan piah taong yaom dom alamu saong bruk ngak hu, peih praong dom bruk ngak kein laba, pamaong tal dak padang sa nền kinh te hijao, ba tabiak bruk ngak saong jalan ngak barau ka bhum Đông Á tui dom sanya di dunya ka bruk patagok khang kajap.

/ Harei 3/11, Học viện Chính trị Quốc gia Hồ Chí Minh pambuak bruk saong UB bhap bini tỉnh Ninh Thuận peih nyaom meyai “tác động di pandiak bhang tal kinh tế XH, bruk ngak mbnag saong an ninh lương thực – lý luận saong thực tiễn di tỉnh Ninh Thuận”. Di nyaom meyai, dom urang hu ginum meyai dar dom asal yau: ruah duah ka tác động di biến đổi khí hậu tal kinh tế - XH, tác động di pandiak bhang tal dom gah kinh tế saong bruk ngak mbang di bhap bini dalam tỉnh Ninh Thuận saong dom jalan pacang cakak di dom ngành, dom puk palei, di bhap bini saong cộng đồng. Tapa nan, rik daong paglaong bruk hu thau saong bruk ngak di dom ngành, dom puk palei dalam tỉnh piah pacang cakak siam dom bala pandiak bhang dalam tukvak anak tal.    

 # Danakdak “taom gaok ilimo saong pablei salih Việt Nam – Nhật Bản thun 2015” meda rah tabiak meng harei 19-21/11 tal di ban sit Cần Thơ. Pataom tame danakdak thun ini, hu 70 gian pandap parang iek di rilo gah ye ngak nong, kaya ikan, ngak công,, tiêu dùng; ilimo –pato megru- du học saong bruk ngak. Gam saong nan, lac dom bruk yaih khan ilimo, nghệ thuật, ilimo menyum tea, parang me-in võ thuật… 

/ Di ban sit Nha Trang, tỉnh Khánh Hòa barau rah tabiak bruk taduan rok mbang par akaok meti meng Hồng Kông – Trung Quốc tal mblang kapal haok dunya Cam Ranh saong bruk mbaoh tangin pambuak bruk du lịch tui jalan par Hồng Kông – Nha Trang. Ong Nguyễn Văn Hùng, giám đốc công ty TNHH sa thành viên mbang padeih padai Đà Nẵng brei thau: Oh lac peih darak Hồng kông, tuai damuai mai tal Nha Trang bo daok hu tuai TQ meng Quảng Đông, Thẩm Quyến, Quảng Châu meda nao tapa Hồng Kông tal Nha Trang. Tasik pulao Nha Trang biak siam, biak hacih oh yau dom taneh ia công nghiệp patagok.

# Sở Công thương Kon Tum pambuak bruk saong Uỷ ban bhapbini huyện Tu Mơ Rông; Công ty cổ phần thương mại saong truyền thông Tây Nguyên xanh barau peih mbang darak ba pandap  Việt mai huyện bhum atah  bayah Tu Mơ Rông. Tame mbang drak pandap Việt hu labaih 50 gian pandap di 20 doanh nghiệp dalam saong langiu tỉnh, hu dom janih pandap ye : jhik, pandap pandar dalam sang, thủ công mỹ nghệ, pandap me in ka uranaih, hóa mỹ phẩm... yaom mbiah lap saong chat luong siam nan ye nyu apchreih rilo mikva dom bangsa takik di Tu Mơ Rông sangka . 

/ Ong Tăng Xanh – akaok duk bangsa ban sit Vĩnh Châu, tỉnh Sóc Trăng brei thau: hu bruk sangka di thị ủy, UB bhap bini ban sit brei daong jien ka baha Muni Sakuar Đơm Ompil, di phường Vĩnh Phước, ban sit Vĩnh Châu ngak gaiy ngo barau, yaom 240 triệu đồng. Urak ini, sruh gaiy hu ngak salah bloh jaik 80%, daok cang sơn, cih bingu la. Tui kuhria hu jao ka baha pandar dahlau Festival pakacah gaiy ngo bhap bini Khmer bhum taneran kraong Cửu Long mbang II – Sóc TRĂng jaik tal.  

# Trạm Thú y huyện Tân Biên, tỉnh Tây Ninh barau tabiak bruk  mbang II klauk vaccine caga jit ruak ka tapol menuk ada dalam huyện. Mbang ini, trạm thú y huyện, xã peih bruk klauk caga ka tapol menuk ada meng ini tal puac bilan 11/2015, ngan saong số lượng 43.000 mbang vaccine cúm H5N1; dalam nan plaei klauk caga rilo di abih lac xã Trà Vong saong số lượng 14.000 mbang, xã Mỏ công 8.000 mbang, Tân Phong 5.000 mbang, dom xã daok veik meng 1.000 tal 3.000 mbang. Bruk klauk vaccine caga jit  piah trun takik di abih jit ruak rah tabiak di tapol menuk ada dalam huyen.

Patui di ini dom khau tin dunya:

/ Harei 3/11, di jabat UNESCO di Paris (Prang) hu peih  mbang nyaom ka 38 di đại hội đồng tổ chức pato megru, khoa học saong ilamu di LHQ (UNESCO). Di mbang nyaom rah tabiak meng harei 3 tal harei 18/11, lambaok dom taneh ia hu ginum meyai ka jalan ngak anak tal di UNESCO dalam dua thun tal, tukvak 2015 – 2017, dalam nan pambuak saong dom jalan ngak dunya ka bruk patagok khang kajap hu LHQ brei tapa di nyaom meyai pakat glaong di abih rah tabiak bilan 9 meng bloh di New York.

# Liên hiệp dom kaupl Chữ thập đỏ saong Trăng lưỡi liềm bhong dunya brei thau, meda tagok viện trợ ka Hy Lạp piah taneh ia ini daong dom urang di cư tapa tasik tame Hy Lạp. Liên hiệp dom kapul Chữ thập đỏ saong Trăng lưỡi liềm bhong dunya kuhria mboh hu jaik 600 rabau urang tỵ nạn, rilo meng lac dom urang nduac mesruh metak di Xyri tapa tasik tame Hy Lạp ngak ka taneh ia ini gaok rilo kan kandah dalam bruk hậu cần, jien padai tuk taduan raok urang tỵ nạn.

/ Tui Shanghaiist, saai Shi (umo 29 thun) daok di tỉnh Hà Nam, TQ, hu buh tabiak abih tih 47.000 USD piah ngak tabiak baoh khinh khí cầu atah 23 m, glaong 10m, par hu 48 km sa tuk di độ glaong 500m. Shi brei thau, saai abih 4 bilan piah ngak salah baoh khinh khí cầu di drei, biak ralo bộ phận di kapal haok hu blei meng Mỹ saong Đức. Harei 25/10, shi par iek mbang akaok meti meng baoh khinh khí cầu drei ngak eng. Dalam mbang par iek atah dua mong, baoh khin khí cầu par biak siam ngan saong 8 mbang par tagok, par trun./.