Khaw tin 19h harei 5/6 saong 6h30 harei  6/6/2015    

# Tal urak ini, urang nong huyện Lục Ngạn, tỉnh Bắc Giang pablei hu 2/3 baok vải thiều sớm dalam abih tih 7 rabau tấn baoh thun ini. Gam saong dom doanh nghiệp hu tut angan pambuak bruk haong urang nong, dalam huyen urak ini hu labaih 20 urang pablei salih meng taneh ia langiu mai blei vải tasak hadei di mikva. Huyen jeng gam gam duah thau yaom vải thiều di dom darak pasal dalam saong langiu taneh daong ka mikva thau

/ Cục khik iek chất thải saong pasiam môi trường hu pambuak bruk haong huyện Lý Sơn, tỉnh Quảng Ngãi ba tame pandar sang mac pasiam chất thải rắn sinh hoạt di pulao Lý Sơn. Sang mac ini peih tabiak hu daong ngak pasiam mội trường diuk rai di bhap bini saong dom rạn san hô tapen tasik pulao Lý Sơn.

# Peih tabiak meng thun 2004- jalan phone pandiak tư vấn saong daong ka uranaih 18001567 (di mintri Lao động - Thương binh saong Xã hội) hu maong lac labik jia tame piah uranaih saong dom amaik ame ndom biai, parabha dom bruk pambuak tal uranaih, meng tâm, sinh lý, dinh dưỡng, bac megru, srau kadau di sang tal dom áp lực bo uranaih daok gaok…jalan pandiak ini lac kênh chính thống piah taduan mek dom kadha phản hồi di bhapbini jeng ye urang praong ka bruk ngak tui quyen uranaih…Tapa nan pambuak bruk saong dom pakat, dom gah piah langyah samal dom bruk pambuak tal uranaih.

/ Piah daong  ka anek saih dalam mbang pakacah THPT pakat negar 2015, tỉnh Đoàn Lâm Đồng pambuak bruk saong ĐH Đà Lạt saong dom đơn vị peih danak dak daong pren bilan pakacah di ban Đà Lạt ngan saong ralo bruk ngak daong ka anek saih saong amaik ame. Danak dak daong pren bilan pakacah 2015 di Đà Lạt hu 1000 urang halan hatian hu mbaok di 23 labik taduan raok hu padang tagok grauk labik dalam ban sit. Piah patrun glaih glar ka dom anek saih gaok kan kandah, danak dak daong pren thun ini hu daong 5000 labik daok saoh, brei 20000 paok lisei di dom labik pakacah dalam dom harei pakacah.

# Tỉnh Kon Tum daok pataom tame kuhria caga dom bruk siam abih ka mbang pakacah tốt nghiệp Trung học phổ thông pakat negar thun 2015. Thun ini, dom adei saih tan bac 12 di tỉnh Kon Tum meda pataom tame di 2 cụm pakacah lac cụm pakacah puk palei piah mek điểm xét brei tốt nghiệp saong cụm pakacah liên tỉnh hu peih ngak di Gia Lai piah mek điểm xét brei tốt nghiệp trung học phổ thông saong xét tuyển đại học, cao đẳng thun 2015. Tal tukvak ini, dom bruk hu srap gap ka mbang pakacah Trung học phổ thông pakat negar thun 2015 hu siam lagaih di abih.   

/ Ban tacei jalan Tây Nam Bộ brei thau, adit DL hijao bhum taneran kraong Cửu Long thun 2015 hu peih tabiak di melam 29/6 ngan saong 12 bruk ngak praong. Dalam nan praong di abih lac dom bruk ngak pambuak pakatok DL kraong ribaong  miệt vười gam saong dom bruk xúc tiến đầu tư bhum taneran kraong Cửu Long. Abih di nyu nan lac, hu peih pakacah Hoa khôi bhum taneran kraong Cửu Long saong lễ hội đường phố piah yaih khan rup binguk, anek menuac saong ilamu dom tỉnh ban bhum taneran kraong Cửu

# Parang iek pakat dunya Phim saong Công nghệ papar binguk Việt Nam  – Telefilm 2015 barau peih pakak di ban raya Hồ Chí Minh. Parang iek pachreih hu bruk pataom mbaok di labaih 7.000 urang, 300 gian pandap parang iek di 15 taneh ia saong bhum lãnh thổ, dalam nan rilo jang lac dom taneh ia hu gah công nghiệp điện ảnh saong papar binguk patagok ye Đức, Nhật, Hàn Quốc, Ấn Độ. Brei panuac di harei peih pakak parang iek Telefilm 2015, ông Trần Bình Minh – Tổng Giám đốc rayo papar binguk Việt Nam brei thau : “Công nghệ số daok ngak salih truyền thông di kol drei, Nyu ngak ka kol drei njauk salih akaok sahaneng saong tư duy ngak papar biunguk. Meyah oh salih tư duy, oh yam tagok truh dom hagaiyt ngak blaoh, hu kham merat meng dahlau thiah mai ini njauk kol drei gaok tụt hậu, lahik ảnh hưởng di gah bo kol drei hu ưu thế meng yaok pluh thun ini. 

Patui di ini dom khau tin dunya:

/ Cộng hòa dân chủ bhap bini TT hu panuac lên án HQ cuh tên lửa đạn đạo. Hãng thông tấn KCNA di TT ba panuac di bol bala bhap bini TT ndom cambaih, ini lac sa binah dalam jalan ngak di tổng thống HQ Pắc Cưn hê piah ngak tổn hại tal TT, ngan saong dom janih phao ndao kayua dom lực lượng gah langiu pabak brei. Panuac jeng ndom lac, dom jalan nao di HQ brei mboh  bruk kham merat di TT patagok bruk QP gam saong bruk patagok kinh tế nan lac njauk.

# Urang nong di châu Phi saong Đông Á meda gaok khat lahik meyah lingik oh siam pambuak tal bruk En Ni-nô ngak salih labiki hajan. Ini lac panuac khan di dom urang alamu dalam nyaom biai ka bien doi khi hau rah tabiak di Bon, Đức harei 3/6. Urang alamu Sôn-da Vơ-miu-len di đại học Cophenhagen, Đan Mạch brei thau, bilan hajan meda mai suai di dom taneh ia Châu Phi. Pagap ye di Gămbia, urang nong pala ritak lo di thun blaoh gaok khat lahik kayua  lingik tasik saong ia hajan takik.

/ Đại sứ Yemen di Liên hợp quốc Kha-lit A-li-ơ-ma-ni brei thau, bruk ginum meyai kayua LHQ bảo trợ piah padeih bruk mesruh gauk di Yemen, taneh ia kan kathaot abih di Trung Đông, hu peih tabiak di harei 14/6 di Giơ-ne-vơ, Thụy Sỹ. Đại sứ Nga caong khin bruk ginum meyai hu samar peih tabiak, siam di abih lac dahlau bilan Ramadan (meng harei 17/6) piah hu tukvak ginum meyai  mbaih tal tuk mek hu thỏa thuận puac di abih./.