Khaw tin 19h harei  5/8 saong 6h30 harei 6/8/2015

# Tui mintri  Y tế, bruk lauk vacxin sởi – rubella brei saoh ka uranaih meng 1 thun tal 14 thun hu peih ngak dalam negar meng bilan 9 thun 2014. Urak ini labaih 20 trieu uranaih njauk thun dalam taneh ia hu klauk vacxin ini, samu labaih 98%.  Urak ini dalam taneh ia daok 23 xã bhum atah bayah, bhum kan kandah, bruk klauk vacxin nan bahrau hu ala  95% nan ye daok klauk vét di bilan 8 ini, Ông Đặng Đức Anh, akaok Viện Vệ sinh dịch tễ Trung ương brei thau : dalam tukvak tal, danakdak klauk vacxin peih praong di negar meda peih ngak veik dom mbang klauk vacxin atau ba dom vacxin barau tame klauk saoh, duh ka bruk iek glang, khik caga pren yava uranaih. Kol dahlak daok kuhria ba 1 tal 2 vacxin barau tame klauk peih praong, dalam nan hu vacxin caga aih traoh kayua virus Rota. Urak ini taneh ia drei ngak hu vacxin ini, yau nan ye kol dahlak caong ba vacxin ini tame pandar.

/ Hãng kapal haok Jetstar Asia, thành viên di Jetstar Group, brei thau lac peih jalan par bahrau tal VN, pambuak Đà Nẵng saong Singapore. Ini lac mbang akaok meti dịch vụ kapal haok yaom lap hu peih tabiak pambuak  Singapore saong dom khu du lịch, takai tasik siam hu angan di bhum tapen tasik gah kreh negar di VN 

# Mbang akaok meti , Jabat Liên Hợp Quốc ka bruk likei kumei samu gauk saong brei queyn ka urang kumei hu pambuak bruk saong pasak thong tin Nguồn lực Tình nguyện Việt Nam barau peih bruk pasram ka dam dara thau bruk bao luc di urang kamei saong uranaih kamei saong bruk pacang cakak bao luc tapa jalan truyen thong mạng xã hội. 

/ Tỉnh Bế Tre hu rilo kraong ribaong, saong hu rilo pulao kaoh praong. Min di dom labik, dalam nan hu huyện Chợ Lách, bruk khik iek, pandar, ngak taneh ini oh ka lagaih saong oh njauk tui hukum taneh riya. Ralo kapul nyaom, menuac urang meblah mek taneh bãi bồi sung thẩm quyền piah pandar ka eng drei, ngak palai pajoa taneh riya saong khat lahik kadung

# Di Đồng Nai, danakdak jien bac “SCG - Gam sa caong khin ” hu brei  350 paok jien bac ka dom anek saih yam tapa kan kandah, bac joi mai meng 7 tỉnh, ban gah Đông Nam Bộ, 50 paok jien patui nan hu brei ka anek saih sang kan kandah dalam ban ine  Hà Nội. Ini lac mbang ka  9 danakdak hu peih ngak di VN piah daong jien padai ka dom adei pabak caong khin nao bac.

/ Sở lao động, thương binh saong XH, sở pato megru saong sở tài nguyên ban raya HCM barau pambuak gauk tabiak harak tacei pato ka bruk daong jien mbang jala pandiak ka uranaih umo 3,4,5 thun daok dalam baoh sang kan kathaot di ban raya HCM tukvak 2014 – 2015. Tui nan, uranaih mẫu giáo umo 3,4,5 thu daok tui bac di dom labik pato mầm non công lập saong langiu công lập hu amiak ame sang kan kathaot di ban raya hu mã số baoh sang kan kathaot hu daong jien mbang jala pandiak, yaom daong nan lac 120.000 đồng sa bilan sa uranaih. Yaom uranaih hu mbang tui sarak ini rilo di abih dalam 3 thun bac. 

Patui di ini dom khau tin dunya: 

# Bilan 7 meng blaoh lac sa dalam dom bilan bo Campuchia pablei brah tabiak taneh ia langiu hu rilo di abih kuhria meng akaok thun tal ini ngan saong labaih 28 rabau tấn, tagok 28%  duk saong bilan 7 thun dahlau. Makna patagok khang kayua dalam bilan 7, Campuchia hu dua darak pasal barau nan lac Li Băng saong Ảrập Xê-út. Yau nan, dalam bilan 7 di thun ini, brah pablei tabiak taneh ia langiu di Campuchia hu labaih 317 rabau tấn.

/ Urang vak di thông tấn xã VN daok di Tokyo ba panuac di jabat daong padam pui khuah saong khik iek bala meng lingik tasik NB brei thau, hu 100.000 bhap bini taneh ia ini njauk tame sang iek ruak kayua pandiak dalam sa adit tapa. Tui jabat daong padam pui khuah saong khik iek bala meng lingik tasik NB, dalam dom urang tame sang iek ruak kayua pandiak mbang ini, hu 25 urang metai saong 312 urang daok dalam nguy kịch brei hu iek ruak meng 3 adit tagok./. 

# Mi-an-ma hu tabiak panuac ieu dunya daong pabak pandap mbang, ia menyum saong lán trại ka dom urang njauk bala ia sua di taneh ia ini. Tui kuhria mboh, hajan ribuk dui atah rilo adit tapa di Mi-an-ma ngak takik abih 47 urang metai, ngak kan kandah tal radiuk di labaih 200 rabau urang karei./.