Khaw tin 19h harei 6/11 saong 6h30 harei 7/11/2015 

# Gilang pariak Ngoại thương Việt Nam Vietcombank saong Kadung jien daong uranaih Công đoàn Việt Nam di Tổng liên đoàn Lao động Việt Nam barau mbaoh tangin tame harak sanya daong tukvak 2016 - 2020 yaom 3 tỷ meteh. Tui nan, Vietcombank  meda daong yaok thun 2.500 cặp phao cứu sinh yaom 500 triệu đồng  saong 200 triệu đồng jien piah alin jien bac ka uranaih .

/ Dalam dom harei tapa, adei saai kamei bangsa Thái tỉnh Sơn La daok biak chreih chrai saong mot bảo hiểm mẫu barau, hu ngak lagaih saong ilamu bangsa di drei. Harei 31/10/2015, UB an toàn jalan mbak pakat negar hu ba tabiak saong alin hadiah dom baoh mot bảo hiểm tui kiểu barau ka dom adei saai kamei bangsa Thái tỉnh Sơn La. Tuk tuak iek mot, amuk Lò Thị Yến, xã Tông Cọ, huyện Thuận Châu, tỉnh Sơn La chreih chrai khan lac: meng ini adei saai kamei kol dahlak hu mot bảo hiểm brei ka drei ye, nao tabiak jalan biak sanang hatai. Dahlak mboh mot ini tuak jeng mbiah, thoải mái.

# Harei 5/11, Uỷ ban bhapbini ban sit Đà Nẵng saong lambaok karja ban  Boras (Thụy Điển) peih bruk pataom iek veik 3 thun peih ngak Dự án pambuak bruk di Đà Nẵng saong ban Boras dalam gah alam moi truong. Dalam dom bruk di Dự án, Đại học Đà Nẵng saong Đại học Boras hu  padang bruk trao đổi sinh viên, giảng viên saong dom danakdak roh duah  gah alam moi truong. Bruk daong saong tư vấn di karja ban Boras hu daong ka ban Đà Nẵng langyah siam bruk chất thải rắn. 

/ Piah daong ka bhum urang bangsa takik saong bhum ceik patagok bruk ngak mbang, paglaong jien mek tame tukvak 2012 – 2015, tỉnh Ninh Thuận hu rabha phun jien jaik 11 tỷ đồng. Tui nan, hu daong pajaih tangei lai, limo, pabe, pabo, pabui, khak drak saong jamriah ngak tanhe… ngan saong yaom jien labaih 3 tỷ đồng; daong 2,3 tỷ đồng piah padang 7 mô hình ngak padai ia… Phun jien buh tame daong ka dom huyện bhum urang bangsa takik saong bhum ceik hu rik daong  ka bhap bini bangsa takik peih praong taneh ngak padai ia, salih bruk ngak mbang oh hu kein laba, caga hu padai brah kaya mbang pak di labik, tani tanat saong paglaong rai diuk.

# Dalam dom thun jaik ini kayua hu bruk salih địa giới hành chính nan ye di  tỉnh Kon Tum rah tabiak bruk dom palei kan kandah, xã bhum III hadei di tuk neh tabiak, ba tame, padang barau oh daok taduan hu bruk ưu tiên di Đảng, karja. Yau nan ye, raidiuk di  bhapbini dahlau nan kan kandah urak ini daok kan kandah jang. Ông Nguyễn Long Thịnh, Phó akaok Uỷ ban bhapbini xã Đắc Long, tỉnh Kon Tum brei thau : “Njauk ndom lac biak kan kandah, biak thiệt thòi ka bhapbini di xã Đắc Long kol dahlak, kayua dahlau thiah urang  daok lac bhapbini di dom palei kan kandah bhum III xã Đắc Pxi. Meng harei padang xã tal ini, kayua xã oh ka hu brei angan lac xã bhum III yau nan ye dom sarak  urang ini hu tadun mek dahlau thiah oh daok, yau dom che do danakdak 135. Blaoh danakdak daong jien mesraiy patagok ngak mbang tui Quyết định 54 saong Quyết định 102 di Thủ tướng rajaei ”

/ Hệ thống patagok saong parabha thực phẩm hữu cơ Organica barau peih bruk taduan mek chứng nhận canh tác hữu cơ tui tanut chuẩn di mintri ngak nông Mỹ (USDA organic) saong LMCA (ieu lac EU) ka trang trại njam patam di Long Thành, Đồng Nai. Ini lac trang trại pala njam patam baoh karaoh nhiệt đới akaok meti di VN hu chứng nhận tanut chuẩn hữu cơ di dua tổ chức ini. Trang trại praong 1,8 ha daok pala jaik 100 janih njam patam baoh karaoh nhiệt đới, nan lac njam mbang hala, njam mbang bingu, njam mbang baoh, njam pahe, thảo dược saong dom janih njam mbang baoh. Hadei di jaik 3 thun peih ngak catang tui jalan canh tác hữu cơ di Mỹ saong EU, dom chuyên gia di Control Union hu taong yaom saong brei harak chứng nhận mek hu tanut chuẩn hữu cơ ka trang trại njam ini.

#  Harei 5/11, di pasak parang iek saong nyaom biai Sài Gòn, ban raya Hồ Chí Minh, Hiệp hội pablei salih Hàn Quốc Kita, Coex, Hiệp hội dom urang pablei lẻ Việt Nam hu peih parang iek dunya gah pablei lẻ saong brei quyền thương hiệu (VIETRF).  Brei panuac tuk peih parang iek, Thứ trưởng mintri Công thương Trần Quốc Khánh ndom lac, ngak mbang tui jalan nhượng quyền pablei salih lac sa jalan ngak barau, kein laba, takik khat lihik. Jalan ngak ini hu patagok saong hu pandar meng yaok pluh thun ini mai di rilo taneh ia di dunya, abih di nyu nan lac dom taneh ia  công nghiệp phát triển saong dom taneh ia barau công nghiệp hóa, dalam nan hu Hàn Quốc. Di Việt Nam, jalan ngak mbang ini jeng daok patagok drah samal.

Patui di ini dom khau tin dunya:

/ Tổng thống Mỹ Barack Obama daok kuhria hu mbaok tame sa nyaom meyai di ASEAN peih tabiak di Lào dalam thun tal, cố vấn an ninh taneh ia Ben Rhodes brei thau. Meyah mbang nao rivang rah tabiak, ong Obama hu jeng tổng thống akaok meti nao rivang Lào. Mbang nao rivang jeng hu rah tabiak di tukvak Lào dang akaok luân phiên di ASEAN. 

# Harei 5/11, di ban ine Phnôm Pênh, Campuchia hu rah tabiak nyaom roya  Hội đồng tổ chức Kiểm toán tối cao Đông Nam Á (ASEANSAI) mbang yaka 3. Nyaom roya hu ginum biai saong brei tapa danakak ngak bruk di dom uy mban ASEANSAI tukvak  2015-2017. Bruk njauk ndom nan lac, uy mban parabha kiến thức meda pataom tame peih ngak 06 dự án ka dom kadha : pambuak bruk công tư; jien ngak bruk; Kiểm toán dom dịch vụ y tế thun 2016; Taneh riya saong tài nguyên khoáng sản; trun kathaot saong jien daong di taneh ia langiu saong kiểm toán khiếu nại công thun 2017. 

/ Jeng dalam harei 5/11, mintri ngoại giao Prang hu panuac ieu bhap bini drei oh nao tal ban Sam-en Sếch angaok bán đảo Sinai di Ai Cập, meyah oh hu bruk hagait praong njauk nao. Mintri ngoại giao Prang jeng hu panuac kakei bhap bini di drei klaak hatai sahneng nao tal Taba, sa ban padeih padei karei daok jaik Sam en Sếch, lac labik bhian rah tabiak bruk taong bom khủng bố atah di ini labaih 10 thun ngak ka yaok plih ribau tuai damuai metai./.