Khaw tin 19h harei 6/6/2015    

# Di tỉnh Hòa Bình, rilo bilan tapa lingik pandiak bhang, danao padang ia thu. Yaok rabau hecta ritak lo, tangei, phun mbang baok phun cong nghiep di mikva dalam huyen Yên Thuỷ daok trun takik nang suat atau lihik mbon kayua tua riya. Piah caga tua riya, uy mban bhapbini huyện Yên Thuỷ hu tacei pato dom xã nyim jien meng kadung jien sarak karja lac 230 triệu đồng piah ngak bruk mbo7m ia caga tua ka jaik 650 ha phun pala daok hu khả năng peik; tacei pato dom gah, labik saong puk palei jeng ye kakei bhapbini paglaong bruk khik ramik, parabha halau ia patak pataom, siam piah pabak pala drak.

/ Tỉnh Đoàn Quảng Bình barau pambuak bruk saong Đoàn sang bac ĐH Quảng Bình peih chiến dịch sinh viên halan hatian bilan hè 2015 saong pachreih tui harei môi trường dunya 5/6. Tui bruk ba tabiak, meng ini tal harei 31/8, anek saih sang bac ĐH Quảng Bình hu mbaok tame danak dak hadah hadai ilamu hè 2015 di palei uranaih SOS Quảng Bình; daong pren, tacei bruk pakacah; hu mbaok tame padang ngak palei pala barau di dom huyện Lệ Thủy, Quảng Ninh; peih danak dak truac dil hadar dhar phon. Taphia di nan, tỉnh Đoàn Quảng Bình daok daong jaik 80 máy tính ka dom xã kan kandah. 

# Bruk truy xuất asal meng mã vạch, mã ký tự ka dom pandap lac dom baok phone par tangin trak jien, dom cei alak ngoại atau dom hop ahan keo blei meng taneh ia langiu oh daok atah. Min, di cao nguyên Mộc Châu di tỉnh Sơn La, sa kapul urang nong ta eng ngak hu dom pandap hu tanut chuẩn VietGAP. Saong gheih jang veik lac urang blei meda tự truy xuất hu asal di yaok paok njam hacih kayua dom urang nan ngak tabiak. 

/ Harei pataom bruk ngak 2015 kayua sang bac ĐH Duy Tân, ban Đà Nẵng pambuak bruk saong báo ngường lao động barau hu peih tabiak. Harei pataom bruk ngak hu sang bac ĐH Duy Tân peih tabiak di bilan 6 yaok thun, lac talei pambuak bruk di sinh viên saong dom doanh nghiệp di ban Đà nẵng saong dom tỉnh bhum kreih negar. Di labik ini, dom sinh viên hu duah thau ka sarak saong bruk caong khin menuac ngak di doanh nghiệp jeng yau tacei pato palih ruah bruk ngak lagaih saong pren yava hatai takre di drei. Sinh viên Nguyễn Ngọc Bích, Đại học kinh tế Đà Nẵng brei thau: ĐH Duy Tân peih harei nyaom bruk ngak adei mai ini jeng yau dom ayut sinh viên karei caong khin duah hu sa bruk ngak lagaih saong bruk di drei daok bac. Harei nyaom bruk ngak adei mboh biak hu kein lagaih, kayua hu dom doanh nghiệp jeng yau peih tabiak dom jalan ka adei saong dom ayut karei duah hu sa bruk ngak bo drei caong. 

# Ông Vương Văn Tuyên, Phó akaok uy mban bhapbini huyện Ngọc Hồi, tỉnh Kon Tum brei thau, huyen daok caga hậu quả mbang ribuk ngak tabiak khat lahik trak dalam xã Sa Loong.  Tui kuhria, hu 30 baok sang dalam palei gaok angina yuk papar tabung, jaleih dhar; labaih 700 phun cà phê, cao su di 36 sang gaok jaleih. Langiu nan angina rabuk jeng taong jaleih labaih 5.000  phun cao su di Công ty 732, Binh đoàn 15, khat lahik yaok tỷ đồng. Tui dom urang taha dalam palei, yaok pluh thun ini dom urang nan meng mboh sa mbang angina rabuk khang yau nan, min biak patoah jamo oh hu urang halei metai lihik.

/ Báo bol bala bhap bini saong vụ báo chí – xuất bản, Ban tuyên giáo TƯ barau peih họp báo jao giải mbang pakacah vak “dom kreih camin bình dị bo prong glaong” mbang ka 6 saong danak dak daoh tamia “Abih rai tui Wa”. Daknak dak rah tabiak tuk 19 tuk meteh harei 9/6 di sang daoh Bến Thành, ban raya HCM. Ban peih bruk palih ruah hu 30 tác phẩm meng 200 tác phẩm di dom nhà báo saong tác giả oh chuyên yaih khan yaok rituh kreih camin hadah krah lac dom anek menuac bình dị ngan saong ralo bruk ngak siam yau: brei taneh peih jalan, pala glai khik caga môi trường, daong bhap bini tame vòng chung khảo saong quyết định jao giải ka 15 tác phẩm gheih di abih, hu : 1 giải sa, 2 giải dua, 3 giải 3, 9 giải khuyến khích saong 1 giải kapul nyaom.

Khaw tin dunya 

# Thủ tướng Australia Tô-ni Áp-bót brei thau, rajaei taneh ia ini hu lập trường khang, phản đối bruk quân sự di Trung Quốc di biển Đông, taphia nan tagok sap lên án dom bruk ngak đơn phương piah peih praong taneh di bhum daok meriak gauk. Ini lac panuac khan khang abih di urang dang akaok Australia pambuak tal bruk nan. 

/ Urang ngak praong Indonesia brei thau, jaik 3000 urang hu daong panduan nao hadei di tuk jabat pasang iek saong patrun bala pakat negar (BNPB) tagok cảnh báo ngan saong ceik pui Sinabung di tỉnh brak Xu-ma-tra tal pakat 4, tanut glaong di abih kayua mbuan pruh khang. Linh saong cảnh sát hu panduan takik di abih 2730 bhap bini meng 4 puk palei daok dalam khu vực nguy hiểm vir taom dar gah meraong saong Đông Nam ceik pui nao tal labik daok tạm thời, atah ceik pui jaik 14km./. 

# Rajaei Cộng Hòa Séc hub a tabiak dự luật pakauk bruk njuk pakao hala di dom nhà hàng, dom var hòa nhạc saong tiệc khiêu vũ. Tui akaok mintri Y tế Xva-tốp-lúc Nê-mê-trếch, dự luật barau meda ngak meng bilan 1/2016 hadei tuk hu  quốc hội ba tabiak.  Cộng Hòa Séc lac asa dalam dom taneh ia Châu Âu dahlau thiah biak mbuan saong bruk njuk pakao hala saong bruk randap njuk pakao hala jeng makna ba tal metai glaong ka 6 di taneh ia ini.