Khaw tin 19h harei 6/8 saong 6h30 harei 7/8/2015  

# Mintri pato megru barau tabiak quyet định Khung bruk ngak tukvak thun bac 2015-2016 pandar ka pato megru mầm non, pato megru phổ thông saong giáo dục thường xuyên dalam taneh ia. Tui nan, harei tame bac dahlau abih di harei 1/8/2015, suai abih di harei 25/8/2015. Dom sang bac peih bruk tame thun bac bahrau di harei 5/9 saong tamat thun bac dahlau harei 31/5/2016. 

# Dalam dom harei tapa, di bhum tasik Vũng Tàu, xã Bình Châu, huyện Bình Sơn, tỉnh Quảng Ngãi  daok rah tabiak veik bruk bhap bini duah mek cổ vật sunh hukum. Tui panuac khan di bhap bini dalam palei, tuk tabung glaong hu tal yaok pluh urang pandar kapal saong mac njuk mek cuah, mek cổ vật di labik medil hu kapal kram. Anak bruk ini, dom gah chức năng di tỉnh Quảng Ngãi hu patagok bruk khik caga, jak ba bhap bini oh duah mek sung hukum. 

# Tui jalan patagok tal puac thun 2016, urang jakar khik ramik hợp tác xã di tỉnh Phú Yên hu bac bloh sơ cấp saong trung cấp lac 70%,  đại học, cao đẳng lac 30%. Piah ngak hu dom bruk yau nan, Uỷ ban bhapbini tỉnh Phú Yên hu patabiak dom sarak daong patagok hợp tác xã tui danakdak daong patagok hợp tác xã tukvak 2015-2020 hu Thủ tướng rajaei phê duyệt bloh. Urak ini hu 40 trí thức ranaih umo mai ngak bruk di dom Hợp tác xã ngak nong dalam tỉnh. Ông Lê Luân, akaok Liên minh hợp tác xã tỉnh Phú Yên brei thau :“Ini lac jalan ngak praong di tỉnh camereip pandar ka hợp tác xã ngak nông . Hadei ini dom urang ranaih umo mai mboh patagok siam, hu jien mek tame, hu angan je ka mo hinh hợp tác xã kiểu barau, ngak mbang hu jien mek tame, hu sarak ginup, rik daong dak padang puk palei”

# Ủy ban Mặt trận negar xã Cư Suê, huyện Cư M’gar, tỉnh Đắc Lắc barau alin hadaih sang jum pataom ka baoh sang ong Y Do Êban lac sang kan kathaot di palei Sút M’Đưng, xã Cư Suê. Baoh sang nan, lac sang pakat 4, praong 60m², ngak abih 62 triệu đồng. Dalam nan jien daong di kadung jien ka urang kan kathaot di huyện lac 40 triệu đồng; kadung jien patruh eik patrun kathaot xã Cư Suê 2 triệu đồng; yaom jien daok veik kayua baoh sang saong mikva dalam palei Sút M’Đưng rik daong.

# Ủy ban Mặt trận negar  tỉnh Ninh Thuận barau parabha 120 triệu đồng kaoh meng kadung jien daong khat lahik kayua bala di tỉnh piah daong jien padang ngak, ramik pasiam 6 baok sang khut khat kayua ngin ribuk gam hajan patau rah tabiak dalam huyen Bac Ai di puac bilan 5 meng blaoh. Tui nan, dom sang hu taduan mek lac sang kathaot, hu sang tayah abih, oh hu jien ngak pasiam veik.

# 15 thun tapa, kadung jien ka urang kan kathaot ban raya HCM jak ba hu labaih 1 ribau 342 tỷ đồng. meng yaom jien  nan, ban raya hu padang ngak labaih 24 ribau 200 baoh sang tình nghĩa, 3 ribau 350 baoh sang anit ranam, alin hadiah 395 ribau paok jien bac saong 9 ribau radaih nao mai ka urang kan kathaot. Ban raya HCM urak ini daok 2,43% baoh sang kathaot saong jaik 3% baoh sang jaik si kan kathaot. Ban raya daok pataom tame jhul pakhang dom jalan ngak piah samar ngak salah bloh danak dak patrun kathaot – patagok baoh sang kaya meda, ba baoh sang kan kathaot trun ala 1%,  baoh sang jaik kan kathaot daok jaik 2% di puac thun ini. Amuk Trần Thị Phương Hồng, akaok Ủy ban Mặt trận negar phường 15, Quận 5 – labik barau hu công nhận lac oh daok baoh sang kan kathaot saong jaik si kan kathaot brei thau: Tukvak tal, kol dahlak pataui jak ba kadung jien ka urang kan kathaot tui jalan thư ngỏ. Kol dahlak jak ba dom urang ngak pahala daong tapak ka dom baoh sang urang taha, dom urang joh jo, urang daok sa drei, ba bruk ngak ka anek kamuan baoh sang kan kathaot nao ngak lin mai veik palei. Abih di nyu nan lac, kol dahlak jak ba dom đơn vị ngak mbang, pablei salih dalam phường taduan mek urang ngak pak di palei piah daong ka urang hu jalan yam tabiak truh kan kathaot.

Patui di ini dom khau tin dunya:

# Urang vak di rayo sap ndom Viet Nam daok di Campuchia brei thau : gah gilang pariak  Campuchia daok patagok khang meng bruk ieu pataom jien tal bruk brei mesiay dalam tukvak tapa. Campuchia hu jaik 15 triệu menuac urang. Tui gilang pariak taneh ia Campuchia, gah gilang pariak hu duh jaik 2,3 triệu kapul nyom saong menuac urang mesriay jien saong 3,7 triệu tuai payua jien .

 # Yaok rituh urang di cư kham merat nao tapa tasik địa trung hải meda lac metai abih tuk sruh kapal pajeng dom urang nan kram di langiu tasik Libi harei 5/8. Dahlau di nan, tuk kapul khut langiu tasik Libi, kapal hu payua tín hiệu cấp cứu saong kapul khik caga takai tasik angaok pulao Sicily mek hu tín hiệu ini. Min, bao kapal nan nyu tableik dahlau di tuk kapal cứu hộ nao tal. Tui jabat tị nạn LHQ, kapal nan pajeng 600 urang di cư saong mbiak tal urak ini bahrau sraong hu 250 urang.

 # Trung Quốc meda padang sa mạng lưới toàn diện piah duah mboh nerak di mbaok haluk, di tasik saong không khí di thun 2020, meng bruk pandar dom  vệ tinh, kapal ahaok oh hu menuac lái saong dom cảm biến meng atah tui iek alam moi truong. Mintri khik caga alam moi truong TQ brei thau, bilan 7 meng blaoh, gah chuc trach taneh ia ini hu phê duyệt bruk padang mạng lưới duah mboh nerak, saong brei thau lac, rajaei meda tacei pato bruk tui iek, klah rabha khau tin di dom mban, nganh saong dom labik, quy trach nhiem meyah duah mboh nerak alam môi trường./.