Khaw tin 19h, harei 7-11-2015

# Meng harei  29/1 tal puac harei 4/2/2016,  di mblang bein 30/10, tỉnh Quảng Ninh meda rah tabiak mblang darak OCOP Quảng Ninh mbang yaka II. Tui kuhria hu 200 gian pandap. Mban peih ngak oh mek jien vé tame mblang darak dom gian pandap dalam tỉnh; peih bruk pilih ruah dom pandap OCOP di mblang darak saong pambuak bruk tame mblang darak saong danakdak tour du lịch. Urak ini,  Quảng Ninh hu 120 pandap pataom tame danakdak OCOP, dalam nan hu 30 pandap, kapul nyaom dịch vụ peih ngak meng thun 2014.

 # Ủy ban bangsa barau brei pabak tame, ramik veik palei biak kan kandah, xã bhum I, II, III di bhum bangsa saong bhum ceik. Dom xã, palei hu brei pabak tame, ramik veik nan hu ngak tui dom sarak tui quy định urak ini kuhria meng harei 1/1/2016. Tui bruk nan, meng thun 2016 dom danakdak 135 , dom sarak daong tapak ka sang di bhum kan kandah, sarak định canh, định cư ka bhapbini bangsa takik atau daong taneh daok, taneh pala drak, ia pandar ka  bhapbini di dom xã bhum III meda hu peih ngak. 

# Tui Quy hoạch di mintri ngak nong saong patagok palei pala, thun 2020, Đồng Nai meda hu 7.000 ha amraik kaalu, daok quy hoạch di tỉnh Đồng Nai, tal tukvak nan, taneh amraik kalu dalam tỉnh lac 10.000 ha. Min, kuhria tan puac bilan 10 thun 2015, dalam tỉnh Đồng Nai hu 13.380 ha amraik kalu. Taneh amraik kalu nao tal dahlau quy hoach rilo thun lac kayua tukvak tapa yaom amraik kalu tuk halei jeng daok di tanut glaong, urang nong tba gauk salih tapa dom janih phun pla karei meng amraik kalu. Yaom lac amraik kalu hu maong lac phun ameh, min pruk patagok rilo, oh tui quy hoch daok caik veik ril rủi ro, mbuan lahik yaom. 

# Yaom lac oh ka tal lịch thời vụ min urang nong bhum taneran kraong CL hu bơm ia, tam drak hu labaih 200.000ha padai Đông Xuân, rilo meng lac di dom tỉnh  Long An, Đồng Tháp saong Tiền Giang. Tukvak trun pajaih bilan padai Đông Xuân 2015-2016 di dom tỉnh gah meraong hu panuac tacei lac meng kreh bilan 11 tal puac bialn 12.

 / Tỉnh Nghệ An urak ini daok khik ramik 17.464 pandap, 6.671 tài liệu, rup binguk hu yaom glaong saong labaih 1.000 tiêu bản động, thực vật saong mẫu vật. Min, bruk roh duah dom tài liệu, pandap quý hiếm oh ka samu haong pren khang jeng yau bruk di tỉnh. Piah pasiam bruk nan, tỉnh Nghệ An daok ba tabiak bruk ngak lac tal thun 2020, khik ramik, roh duah hu jaik 30.000 tài liệu, pandap, dalam nan 90% tài liệu, pandap hu kiểm kê hu hồ sơ khoa học, hu thau cambaih asal di nyu; taong abih tài liệu, pandap hu khik ramik, parang iek meng dom  trang thiết bị barau.  

/ Di KCN Đồng An II, ban sit Thủ Dầu Một, tỉnh Bình Dương, biar harei 5/11, Cty cổ phần Tôn Đông Á hu peih pakak sang mac thép hala mạ chất lượng glaong ka 2 di tỉnh Bình Dương. Sang mac barau hu công suất abih tih 800.000 tấn thành phẩm sa thun, praong 125.800 m2. Yaom jien buh tame ngak abih tih 150 triệu USD, hu dom dây chuyền công nghệ bahrau abih mai meng Châu Âu saong Nhật.

 / Hadei di labaih 3 bilan padang ngak, kuhria meng harei 30/6/2015 tal urak ini, kapul daong urang ruak kan kathaot Tây Nam Bộ hu samar tani tanat bruk ngak, pataom tame jak ba dom doanh nghiệp, kapul nyaom, menuac urang tut angan tame daong 50 tỷ đồng. Meng yaom jien nan, kapul hu peih ngak ralo bruk yau: daong padang ngak 168 baoh sang ka urang kan kathaot; alin hadiah paok jien bac ka 214 anek saih kan kathaot, daong jien blac daraih baoh hatai ka 8 urang ruak kan kathaot. 

Patui di ini dom khau tin dunya:

# Abih tih 71 sang bac di Quebec saong Ottawa di bang Ontaria, Canada njauk kareik bambang atau panduan nao labik karei tuk hu panuac lac taong bom khủng bố. Cảnh sát  brei panduan ba taong abih anek saih, sinh vien saong gru pato  di 64 sang bac dalam bhum;  pasng iek veik abih sang bac, min oh duah mboh bom atau chất patuh ye panuac đe dọa. Dom sang bac dalam bhum samal peih bambang veik, hadei di tuk mboh hu an toàn.

/ HQ daok kuhria blei 36 trực thăng mesruh Apache AH-64E di Mỹ. Bruk blei ini hu peih ngak dalam metah akaok thun 2016 saong dalam thun 2017, sa urang ngak praong di mintri QP HQ padauk angan brei thau yau nan. Urang ngak praong nan taih klak panuac lac dom trực thăng ini hu ba tal dom pulao taphia negar gah Tây Bắc di HQ – labik daok catang saong TT, Apache hu brei angan lac“urang khik caga”, lac janih trực thăng hu bol bala Mỹ pandar.  

/ Ủy ban soạn thảo Hukum negar Thái Lan njauk gauk lac, yaok cử tri tok hu sa harak phiếu bầu duy nhất piah pilih ruah tapak sa urang ứng cử saong dom phiếu bầu di yaok urang ứng cử hu cộng ka đảng nan. Ong Mi-chay (Meechai Ruchupan) Akaok UB soạn thảo Hukum negar ndom lac, bruk bầu cử tui jalan ngak ini hu dom urang dalam UB soạn thảo nhauk hatai, sa cử tri hu buh phiếu sa mbang min./.