Khaw tin 19h harei 7/12 saong 6h30 harei 8/12

/ Harei 7/12, UB bhap bini huyện Hoàng Sa, ban sit Đà Nẵng hu peih bruk padang ngak danak dak sang parang iek Hoàng Sa di jalan Hoàng Sa,  phường Thọ Quang, quận Sơn Trà. Danak dak hu yaom jien buh tame ngak abih tih 40 tỷ đồng. Asal parang eik hu: dom tư liệu meng thaot binguk yaih khan dom tài liệu ka Hoàng Sa, dom tư liệu di Trung quốc song phương tây brei mboh chủ quyền VN di palao Hoàng Sa, chủ quyền di VN angaok palao Hoàng Sa (1858- 1954), chủ quyền di VN di palao Hoàng Sa 1954 - 1974)…

# Tui gah ngak nong tỉnh Gia Lai, kayua thulagu rah tabiak khang  ngak khut jaik 12.200ha phun pala saong khat lahik abih tih labaih 140 tỷ đồng. Bilan hajan tamat avar saong ia hajan takik ngak ka rilo labik oh hu ia pruh ka phun pala. Bilan pala thun 2015-2016 ini, meng lingik tasik oh lagaih, khat lahik di phun amraik kalu daok trak jang. Ông Đặng Thanh Long, sa urang pala amraik kalu di palei Thủy Phú, xã Ia Blứh, huyện Chư Pưh, tỉnh Gia Lai, ndom lac :“Thun 2015 lingik padniak bhang khang. Yau nan ye, bilan amraik kalu di bhapbini dalam  xã Ia Blứ lahik 90% kayua tua riya dui atah. Dalam tukvak ini, bingun caoh thu abih, bingun khoan ye 10 bingun hu 5 bingun daok ia,  5 bingun thu.

/ Yaom am riak kalu dalam dom thun jaik ini bhian dang di tanut glong meng 170.000 đến 200.000 đồng sa kg, nan ye dak harei dak hu rilo mik va dom bangsa takik daok di Đak Lak peih prong taneh pala phun am riak kalu tui quy hoạch. Urak ni tỉnh ĐL hu taneh phun am riak kalu labaih 18. 474 ha, tagok 2.399 ha dut song thun 2014 song tagok 11.286ha dut song thun 2012. Thun ni, tỉnh ĐL hu sản lượng am riak kalu labaih 31 ribau tấn. Ni lac labik hu tagok samar song hu taneh pala, hu sản lượng am riak kalu rilo abih di Tây Nguyên.

# Huyện Tuy Phong, tỉnh Bình Thuận hu 1.201 sang bhapbini Cam. Urak ini, labaih 90%  bhapbini Cam hu sang danaok kajap, 85% dom sang hu radaih patuh. Kuhria tal puac thun 2014 sang kathaot bhapbini Cam dalam huyen trun daok 57 sang, meblah 4,5%.

/ Yaom tabau tagok meng akaok bilan tak tabau daok ngak ka urang pala tabau di tỉnh Sóc Trăng chreih chrai bui sambai. Bhum tabau nguyên liệu Mỹ Tú dok yam tame bilan tak tabau avar song taneh labaih 2.000 ha. Bilan tabau thun 2015 -2016 ni, bahrau tame bilan tak, yaom tabau hu urang blei meng 900- 1.050 đồng sa kg ka tabau hu meng 9-10 chữ đường song meda tagok jang tuk tabau hu chữ đường glong jang.

# Thun 2015, tỉnh Cà Mau hu caik meng kadung jien karja labaih 20 tỷ đồng piah padang jalan nao tal pasak xã. Kuhria meng thun 2010 tal ini, tỉnh Cà Mau hu buh tabiak jaik 100 tỷ đồng ka danakdak ini. Hadei di 5 thun peih ngak, tỉnh Cà Mau hu 76/82 xã hu jalan ô tô nao tal pasak xã. 

/ 5 thun tapa, tỉnh AG hu buh tabiak labaih 8 tỷ 200 triệu đồng padang ngak yaok rituh danak dak jalan mbak palei pala, khik ramik, patagok rilo bruk ngak meng kan yau menyim khan bai, jhik pet, pablei salih ngak dịch vụ pambuak pagam song du lịch, parilo jalan ngak mbang pablei salih. Meng nan dong patagok jien mek tame, paglaong rai duik bhap bini.

Khaw tin dunya

# Harei 7/12, Ai Cập brei peih bambang sa miuyim mini di labik pajeng ba tuai di sang ga ka 3 di mblang par dunya Cairo piah jhul patagok du lich. Tui akaok mban miuyim di Bộ Cổ vật, amuk Elham Salah (En-ham Sa-la), miunyim meda yaih khan 38 pandap thủ công hu pilih ruah meng dom miuyim karei di gauk dalam taneh ia Ai Cập. Tui amuk  Salah, dom pandap hu parang iek meda brei thau raidiuk yaok harei di urang Ai Cập Cổ đại jeng ye hatai jia tame agama di dom urang nan . 

/ Tui khau tin meng Hãng thông tấn Kyodo, Nhật Bản , rajaei Nhật meda peih ngak hukum an ninh bahrau meng harei 29/3/2016 anak tal. Hukum an ninh bahrau lac jalan adat ka Nhật Bản peih ngak hu giới hạn quyền phòng thủ tập thể, meda brei adat ka Nhật Bản dong Mỹ song dom đồng minh tuk dom negar ni njauk tấn công vũ trang, kuhria gam tuk Nhật Bản oh njauk tấn công. Lingiu di nan, hukum jeng brei adat ka gah phòng vệ Nhật bản dong bruk hậu cần ka dom bol bala negar langiu dalam dom bruk khik caga hòa bình dunya./.

# Mintri taneh riya, cơ sở hạ tầng saong giao thông vận tải Hàn Quốc harei 7/12 brei thau, nyaom biai điều phối khik ramik jalan kapal ahaok Trung – Hàn mbang yaka 6 meda rah tabiak meng harei 8-10/12 di ban Xê-un (Seoul), Hàn Quốc. Nyaom biai mbang ini, dua gah pataom tame ginum biai jalan patagok hiệu suất jeng ye dom bruk khik caga an ninh, tukvak dom mbang par di dua taneh ia. Hu thau, dom mbang par di dua taneh ia Trung – Hàn hu patagok, meng 74 rabau mbang thun 2010 tagok tal 112 rabau mbang thun 2014, bruk patagok kuhria rah tapa lac 10,8%.