Khaw tin 19h harei 7/8 saong 6h30 harei 8/8

# Kapul pasang iek di Uy mban ka dom bruk xa hoi di QUoc Hoi kayua ong Đỗ Mạnh Hùng, Phó Chủ nhiệm Ủy ban par akaok kapul barau hu var ngak bruk saong uy mban bhapbini tỉnh Bình Phước ka bruk peih ngak Hukum urang jaoh jo saong hukum urang praong thun di tỉnh. Urak ini, Binh Phuoc hu 55.668 urang praong thun meng 60 thun tagok, meblah 5,9% menuac sia dalam tỉnh). Bruk njauk caik hatai nan lac tinh hu  31.653 urang praong thun daok sa drei lac sang kathaot saong urang praong thun meng 80 thun tagok hu taduan mek trợ cấp xã hội yaok bilan di cộng đồng. Ông Đỗ Mạnh Hùng, Phó Chủ nhiệm Ủy ban ka dom bruk xa hoi di QH pandar tinh Binh Phuoc hu dom mo hinh bruk ngak piah peih ngak  hukum urang praong thun saong hukum urang jaoh jo; patagok labik dang di y tế xã, phường siam jang dalam bruk iek glang urang praong thun, urang jaoh jo. 

# Tui kuhria, thun ini gilang pariak ngak nong saong patagok palei pala Đắc Lắc meda peih brei mesraiy jaik 600 tỷ đồng piah pala veik 4.000 ha cà phê  dalam tỉnh. Min, urak ini barau peih hu 36 tỷ đồng ka 5 doanh nghiệp saong 19 sang mesraiy jien pala veik jaik 500 ha cà phê. Ông Phạm Xuân Cam, Phó akaok gilang pariak ngak nong saong patagok palei pala tỉnh Đắc Lắc, brei thau, makna peih jien suai lac kayua bruk padang quy hoạch, tagok angan suai damuai: “Piah hu mesraiy jien pala veik caphe, dom kapul nyom, menuac urang njauk hu ngan dalam harak . Urak ini oh ka huh arak gar cambaih laih yaok urang, yaok doanh nghiep saong ini lac bruk kan kandah ka gilang pariak. Gilang pariak ngak nong saong patagok palei pala biai saong uy mban bhapbini tinh piah tacei pato dom pakat pambuak tal peih ngak ka pahu quy hoach ini, piah gilang pariak imaong tame piah peih jien brei mesraiy” 

# Dalam thun 2015 tỉnh Đồng Nai pato pakai ka labaih 5.800 urang ngak palei pala, kham merat dalam tukvak 2016 - 2020 pato pakai bruk ngak ka 23.400 urang ngak saong urang hadei di tuk bac bruk blaoh hu bruk ngak labaih 80%. Jien caik ka bruk pato bruk ngak tukvak 2016-2020 labaih 82 tỷ đồng.

# Brei thau hatai anit ranam jum pataom, ban nhạc Anh Em pambuak bruk saong kapul urang kumei trí thức Việt Nam, Đoàn Khối cơ quan Trung ương saong Mạng lưới Doanh nghiệp xã hội Việt Nam peih sa melam nhạc thiện nguyện hu angan ieu lac “ hadei hajan ribuk” di 20 tuk harei 10/8 di Nhà hát praong Hà Nội. Abih jien pablei vé saong jien rik daong hu jao k a Quảng Ninh saong Điện Biên, daong dom sang khat lahik trak hadei di mbang xua khang .  

/ Piah paglaong ilamu ka urang vak, patagok talei pambuak ruk di báo chí saong inem krung, dalam dua harei 6 saong harei 7/8 di HN, Cục Báo chí saong pasak pabak ilamu ngak báo (mintri thông tin saong truyền thông) hu peih tal pasram megru paglaong ilamu ngan saong kadha báo chí saong inem krung. Labaih 30 nhà báo mai meng 20 jabat báo chí hu mbaok ndom biai. Tapa nan dom chuyên gia inem krung gam saong dom nhà báo hu ndom biai tapak ka trách nhiệm di báo chí saong inem krung, trách nhiệm XH di dom chuyên gia inem krung anak dom kadha oh ka njauk gauk dalam khik ramik saong patagok khang kajap inem krung vật thể saong phi vật thể.

# Meng thun 2014 tal urak ini, tỉnh Thừa Thiên Huế peih ngak 16 dự án ODA, ngan saong yaom jien ieu pataom abih tih hu labaih 3.016 tỷ đồng, saong yaom jien peih brei tal urak ini labaih 60% bruk ba tabiak. NB nan lac sa dalam dom gah daong praong hu ralo dự án pataom tame ka tỉnh Thừa

# Barau ini, UB bhap bini tỉnh bến tre hu peih bruk taduan raong saong iek glang 300 amaik VNAH barau hu pok brei angan. Saong yaom jien raong meng 500 ribau đồng tal 1,2 triệu đồng sa bilan.

Patui di ini dom khau tin dunya:

/ Jabat điều phối dom bruk ngak pahala LHQ brei thau, Myanmar hu panuac ieu dunya daong taneh ia ini piah pacang cakak ia ndik ia sua khang. Urang điều phối dom bruk ngak pahala LHQ Eamonn Murphy khan lac, Myanmar daok dang anak bala khang meng lingik tasik, saong daok hu panuac lac, dom khat lahik ka menuac jeng yau drap ar kayua ia sua rah tabiak di taneh ia ini daok tagok glaong. Dalam oh ka tal sa adit tapa, hajan ia sua di Myanmar  ngak takik di abih 47 urang metai saong labaih 210.000 urang njauk panduan nao labik karei.

# Jabat thống kê liên bang Đức brei thau, urang nhập cư daok diuk rai di Đức tagok 11 triệu urang saong ralo jang 3,7% duk saong thun bloh. Tui kuhria, urang di cư tal taneh ia ini ralo jang dua mbang, tagok tal tanut kỷ lục 450.000 urang di thun ini, duk soang 200.000 urang di thun 2014./.

# Harei 6/8, karja Indonesia brei kareik bambang mblang kapal haok dunya  Ngurah Rai di pulao du lịch Bali angan je di taneh ia ini, hadei di tuk rilo hang kapal ahaok njauk klak dom mbang par nao mai pulao ini kayua ceik apui Raung pruh ngak jeng athak, dhur kan kandah tal bruk par. Yaok rabau tuai damuai daok gar di pulao ini. Ini lac mbang ka 4 kuhria meng bilan hadlau mblang kapal haok ini njauk kareik bambang kayua dhur di ceik apui.