Khaw tin 19h harei 8/6 saong 6h30 harei 9/6/2016

# Di mbang ngak bruk di  Nam Định, Thủ tướng Nguyễn Xuân Phúc barau nao ravang sang ông Nguyễn Văn Hỷ daok di palei 6, xã Mỹ Trung. Ini lac sang hu buh pren yava ka cách mạng di huyện Mỹ Lộc, tỉnh Nam Định. Thủ tướng hu tanhi ravang saong pachreih ba sang ông. Lac thương binh min hadei di mesruh metak mai sang, ông Nguyễn Văn Hỷ hu rik daong pren yava ka puk palei. Tapa nan, Thủ tướng hu pandar karja puk palei sangka daong ka sang ông. Thủ tướng jeng caong ông Hỷ saong sang ngak greih camin ka dom sang karei dalam puk, palei.

/ Akaok kapul lambaok jabat VN di taneh langiu (tukvak 2016 2019) kayua ong Dương Chí Dũng, Trợ lý Bộ trưởng, Chánh văn phòng mintri ngoại giao pan akaok kapul hu nao rivang, ngak bruk saong tỉnh ủy Đắc Lắc. Di var ngak bruk, urang dang akaok tỉnh Đắc Lắc caong khin dom jabat lambaok VN di taneh ia langiu, dalam tukvak ngak bruk padang dom talei pambuak bruk suai lavik, daong tỉnh xúc tiến pablei salih, daong ka dom doanh nghiệp hu mbaok tame darak pasar dom taneh ia, pachreih urang buh jien tame ngak dom sang mac chế biến kaya nông, piah patagok yaom glaong; yaih khan rup binguk Đắc Lắc jeng yau Tây Nguyên, piah pachreih tuai damuai saong gah đầu tư.

# Rilo mbang mblung ia rah tabiak jaik ini ngak oh takik pandik harao ka dom sang saong xã hội. Tỉnh Quảng Ninh daok ba mbuan lagaih piah jhul khang bruk bac luai di sang bac gam saong nan lac ilamu caga mblung ia ka uranaih di bilan hè.

/ Meng thun 2009 tal urak ini, tỉnh Lai Châu barau ba hu 470 urang hu mbang tui dom sarak meng đề án daong dom huyện kan kathaot di rajaei nao ngak bruk di negar langiu. Dom huyện hu urang nao ngak bruk negar langiu ralo di abih lac Phong Thổ, Sìn Hồ, Tân Uyên. Tui kuhria meng thun 2009 tal thun 2020 tỉnh Lai Châu hu ba 7.900 urang nao ngak bruk di negar langiu, min tal urak ini, urang tut angan nao biak takik. Makna nan lac kayua urang oh khin nao atah palei, ralo urang oh pabak hu caong khin di gah tuyển dụng.

# Dom harei tapa, dalam tỉnh Khánh Hòa  hajan hamiet, ia di dom kraong hu pasiam biak rilo. Uy mban bhapbini tỉnh Khánh Hòa barau brei adat dom trạm bơm di kraong Cái Nha Trang ngak bruk veik piah duh ka bilan padai  Hè thu 2016. 

/ Urak ini, urang raong nghêu di dom labik tapen tasik Trà Vinh daok tame bilan thu hoạch. Nghêu hu biak rilo min oh hu yaom, urang raong njauk khat lahik ralo. Urak ini nghêu pablei pak di labik raong yaom meng 17.000 đồng sa kg (janih 60 drei), biar jang 6.000 đồng sa kg duk saong vụ nghêu thun bloh. Yaom lac nghêu trun yaom min urang blei biak takik.

# Sa canah ar pacang kraong Bảo Định di palei 3A, xã Đạo Thạnh, ban sit Mỹ Tho, tỉnh Tiền Giang atah labaih 50 mét barau dak padang gaok glut jaleih. Ông Phan Văn Bảy, urang daok di xã Đạo Thạnh, ban sit Mỹ Tho brei thau :“Mehit jaleih, dahlak tabiak mboh glut jaleih trun kraong abih.  Công trình ini mboh calah jaik sa bilan ini, di ala takai tambleng tabiak langiu. Công trình ini dahlak mboh ngak biak livik  bo chat luong oh siam. Urak ini, njauk samar ramik pasiam veik  piah ka mikva nao mai hu mbuan lagaih”

Patui di ini dom khau tin dunya:

/ Harei 6/6, phaok akaok cục quan hệ công chúng TL Charon hu peih bruk yaih khan rup binguk taneh ia TL tal bhap bini dunya ngan saong kadha “Njauk jia tame kol dahlak, kol dahlak lac urang Thái”. Ong Cha ron brei thau, bruk nan piah yaih khan tal bhap bini dunya rup binguk TL lac sa taneh ia siam mekre, hu sajarah dak rai ilamu lavik samar saong ngak bruk tui jalan dân chủ.

# Mintri Y tế Braxin brei thau hu abih tih 764 urang taneh ia ini metai kayua njaom virút kúm H1N1 kuhria meng akaok thun tal ini. Piah pacang jit H1N1 daok pambak praong, rajaei Braxin hu tabiak bruk klauk  vắcxin ka 50 triệu bhapbini, pataom tame dom kapul menuac mbuan si njaom mbak ye uranaih, urang taha saong urang kumei metian.

/ Rajaei Prang daok dang anak sa adit kan kandah kayua bruk đình công dalam gah jalan pasei meng harei 1/6 daok rah tabiak, dalam tuk dom urang ngak dalam gah năng lượng saong dom urang peih kapal haoh di hãng kapal haok Air France jeng daok caga đình công./.