# Patui  mbang nao rivang Hợp Chúng Quốc Hoa Kỳ, akaok Quốc hội  Nguyễn Sinh Hùng saong Kapul urang lambaok pakat glaong Quốc hội Việt Nam hu nao rivang Muyim khik piah negar Hoa Kỳ. Pak ini, ong Nguyễn Sinh Hùng saong Kapul hu mong iek; pang urang lambaok ka dom urang dang Akaok Muyim khan brei thau ka văn kiện asal di bản Tuyên ngôn độc lập saong Hukum negar akaok meto di Mỹ. Dom văn kiện ini hu khik piah ngan haong ilamu glaong saong hu khik iek biak catang. Kapul jeng hu pang meyaih khan ka bruk padang ngak hukum, pasiam veik Hukum negar Hoa Kỳ.

# Thủ tướng rajaei barau jao ka mintri ngak nông saong patagok palei pala peih brei vaccine saong jru sát trùng ka 5 tỉnh Quảng Ninh, Hà Tĩnh, Tiền Giang, Quảng Trị, Cà Mau piah pacang cakak jit ruak. Cambaih laih nan lac, peih brei oh mek jien 300.000 liều vaccine jit tả pabui, 80.000 liều vaccine laka cambuai tapaok kakau 2 type; 20.000 lít jru sát trùng Benkocid; 10.000 lít jru sát trùng Han-Iodine saong100 tấn jru Clorine daok dalam pandap khik mepiah di negar daong ka dom tỉnh piah pacang cakak jit ruak.

# Ban lambaok Hội đồng Quản trị Gilang pariak Sarak karja tỉnh Bắc Giang bahrau jao pabak 30 tỷ đồng brei mesre tui danak dak baoh sang bahrau tapa truh kathaot saong danak dak brei mesre aia hacih vệ sinh môi trường palei pala. Ini lac danak dak bahrau hu peih ngak tui Quyết định 28 harei 21/7/2015 di Thủ tướng Raja-ei. Tui nan, dom huyện Lạng Giang, Tân Yên, Việt Yên, Yên Dũng, Yên Thế, Hiệp Hòa, Lục Ngạn, Lục Nam, ban sit Bắc Giang saong huyện Sơn Động hu mesre tui danak dak ini.

# UB bhap bini tỉnh Phú yên barau jao 10 tấn padai alin ka huyện pulao trường sơn, tỉnh Khánh Hòa. Padai ini kayua 9 đơn vị, doanh nghiệp ngak mbang gah ngak nông dalam tỉnh daong brei piah daong urang jakar, urang lin daok di trường sa patagok bruk raong menuk ada di angaok pulao. Anak tal, tỉnh Phú Yên daok patui bruk ieu pachreih dom doanh nghiệp daong padai saong dom pandap kaya nông piah  patagok bruk pala drak, raong glang di huyện pulao trường sa.

# Meng akaok thun tal ini, dalam tỉnh Đồng Nai hu labaih 3.700 urang njauk ruak, rilo jang jaik 140% dut haong tukvak ini thun 2014, saong hu 2 urang metai. Urak ini gah y tế Đồng Nai daok pruh jru hóa chất pak dom labik hu jit ruak, patagok bruk pasang iek, xử lý dom sruh jit, oh caik ka ruak pandiak tabiak darah pambak prong. Pachreih bhap bani pametai jamaok, loăng quăng, bhian rao dom pandap padang aia, takhuak xô, chậu tuk oh pandar, aia dalam dom bình bingu jeng njauk salih yaok harei; kuac takac ribaong, juai caik ka aia kandaong dalam bein, labik vệ sinh.

# Mesup harei 8/9, di tỉnh Bình Thuận, mbang jao taduan quân mbang 2 hu dom huyện Tuy Phong, Bắc Bình, Hàm Thuận Bắc, huyện pulao Phú Quý saong ban Phan Thiết peih tabiak. Mbang ini hu 700 urang tagok jalan nao ngak lin. Dalam dom urang nan, pren vaya janih I saong janih 2  jaik 43%; bac tamat trung học phổ thông meblah 52%; trung cấp, cao đẳng saong ĐH ralo jang jaik 3% duk saong mbang 1. daok gah chính trị, hu 21 urang trúng tuyển lac urang đảng, rilo jang tanut ba tabiak. Urang tagok jalan nao ngak lin, lac urang jakar công chức, viên chức jeng meblah tal 0,12%; anek kamuan urang jakar daok dalam puk palei 0,75%. Dom urang nan tagok jalan nao ngak lin dalam chreih chrai, brei mboh hatung hatain di drei brei ka taneh ia, palei negar. Urang lin bahrau angan Phan Văn Sanh, daok di xã Thiện Nghiệp, ban Phan Thiết tagok jalan nao ngak lin di qau6n đoàn 4 brei thau: Dahlau di tuk tagok jalan nao ngak lin, adei mboh biak bui sambai. Trách nhiệm angaok bara biak praong, adei kham merat pasram megru saong sanya ngak biak siam bruk ngak piah mai veik puk palei.

# Pak 12 quận, huyện di bal raya Hồ Chí Minh jeng bahrau peih “Harei roya nao lin”. Abih tih dalam bal raya hu labaih 2.300 likei dam tagok jalan nao nghĩa vụ quân sự mbang ini. Dom bruk taom gaok, daoh tamia, pabak ilamu diuk rai dalam kapul nyom ka dom urang lin bahrau ini... hu peih ngak gam chreih chai sambai gam drut droi. Ong Nguyễn Hoàng Hà daok pak quận 8 hu anek likei  lac Nguyễn Hoàng Nam nao ngak lin mbang ini brei thau: Nghĩa vụ quân sự lac bruk di urang likei dam, sa-ai di Nam jeng nao nghĩa vụ quân sự bahrau xuất ngũ urak ini tal mbang Nam nyu nao. Dom adei tuk tame bol lin mai sang mboh siam jang, ndom puac daok dang hu siam mekre jang.).

Patui di ini dom khau tin dunya:

# Jalan cao tốc Myawaddy - Thinggan Nyenaung - Kawkareik pambuak Ấn Độ - Myanmar - Thái Lan hu ba tame pandar dalam bilan 11 tal. Jalan cao tốc châu Á ini, tabiak meng Moreh di Ấn Độ nduac tal Maesot di Thái Lan, nao tapa Tanmu, Mandalay saong Myawaddy di Myanmar. Jalan cao tốc ini hu padang ngak meng thun 2012 kayua Thái Lan daong. Urang caong lac jalan cao tốc ini hu daong bruk pajeng ba pandap samar saong lagaih jang dalam khu vực.

# Akaok mentri Ngoại giao Nhật Bản Fumio Kishida (Phư-mi-ô Ki-si-đa) tui kuhria meda nao rivang Tehran di puac bilan pluh ini piah ginum biai ka dom jalan jhul patagok talei pambuak bruk pablei salih nao mai di dua negar. Dua negar daok kuhria padang sa ủy ban chung piah peih ngak dom jalan pambuak bruk dalam gah năng lượng saong patagok hạ tầng, jang yau langyah dom bruk ngak mbang karei. 

# Jaik 3 ribau urang nông tuh mai ban ine Brúc-xen (Brussels), Bỉ piah phản đối bruk yaom kaya nông trun khang dalam tuk dom akaok mintri ngak nông dom taneh ia châu âu daok họp khẩn cấp piah ginum meyai ka bruk ini. Dom urang nông ini mai meng Bỉ, Prang saong Đức brei thau, dalam tukvak tapa, yaom blei dom janih yau ia tasau, ralo pabui, ralo limo saong njaum patam oh ginup phun jien buh tabiak. Bruk ini ngak kan kandah oh sit tal rai diuk di urang. Dom urang nông hu panuac ieu dom negar dalam châu âu saong dom taneh ia thành viên njauk tame langyah bruk ini./.