# Thủ tướng Raja-ei tacei pato Mentri Jien padai buh tabiak brei sraoh oh mek jien 600 tấn brah meng halau khik piah pakat negar ka tỉnh Đắk Nông piah daong eik lipa ka bhap bani dalam tukvak cang yuak thun 2016. Ủy ban Bhap bani tỉnh Đắk Nông taduan mek saong pandar gạo hu daong brei nan piah daong ka nyu samar, njauk manuac urang tui adat hukum. Thun 2015, dalam tỉnh rah tabiak tua riya pandiak bhang dui atah ngak ka yaok ribau phun pala khut khat, trun năng suất saong lahik abih ngak ka dom baoh sang kan kandah dalam tỉnh eik lipa, oh hu brah mbang.

# Pandiak bhang dui atah ngak kan kandah trak tal rai duik song bruk ngak nong di tỉnh Gia Lai. Yaok rituh ribau boh sang dok kan kandah kayua kurang ia pandar. Tong abih khat lihik kayua pandiak bhang rah tabiak ka bruk ngak nong tagok tal 264 tỷ đồng. Anak bruk ni, karja palei hu dong jien, peih bruk pajeng ia menyum, ia pandar ka bhap bini.

# Pak Hà Nội, Mentri Ngak nong saong patagok palei pala bahrau peih ngak nyaom biai klah rabha ilamu dunya ka định giá aia dalam bruk ngak nong. Pak nyaom biai, lambaok Mentri Ngak nong saong patagok palei pala brei thau, bruk panduan salih meng cơ chế khik iek aia, ba brei hu tính chất bao cấp tapa khik iek saong ba brei tui cơ chế thị trường nan lac bruk njauk ngak, piah patagok baoh jeng siam mekre bruk pandar aia jang yau patal pataom aia.

# 64 labik klauk jru lưu động di dom sang bac trung học phổ thông hu pasak y tế dự phòng Quảng Ninh padang tabiak piah peih bruk klauk Sởi – Rubella ka uranaih umo meng 16-17 thun. Mbang 1 di bruk klauk Sởi – Rubela hu pasak y tế dự phòng Quảng Ninh peih ngak meng harei 4/4 tal harei 11/4/2016 di dom sang bac trung học phổ thông dalam tỉnh Quảng Ninh ngan song labaih 26.000 adei. Urak ni pasak y tế dự phòng peih ngak hu 30% dom bruk ngak.

# “Trách nhiệm di cử tri ranaih” – Nan lac angan iew di mbang sinh hoạt di dom urang dalam klup kapul Lý luận ranaih Khối Dân - Chính - Đảng Bal raya Hồ Chí Minh bahrau hu peih ngak. Mai haong van sinh hoạt, dom urang dalam klup kapul hu khan brei thau ka dom kadha bahrau dalam Luật Bầu cử urang Quốc hội saong đại biểu hội đồng bhap bani dom pakat, taphia di nan pandar kiến thức di drei piah langyah dom tình huống pambuak pagam tal bruk pathau khan, jak ba bầu cử, tapa dom binah pakacah “Hiểu ý đồng đội”, “Nhà thông thái trẻ” saong “Tôi - Nhà lý luận trẻ” di 3 kapul nyaom pakacah.

# Ban tacei jalan Tây Nam Bộ pambuak bru ksong tỉnh Hậu Giang mai rivang tadhau yhut tết di 4 labik baha di ban sit Bảy Ngàn, huyện Châu Thành A, xã Hỏa Lựu song  phường 4, ban sit Vị Thanh, salam uan Chôl Chnăm Thmây thun 2016 di mik va Khmer Nam bộ. Jeng dalam mbang ni, ban tacei jalan Tây Nam Bộ hu jao pandap ka Ban quản trị dom baha song dom boh sang Khmer hu rai duik kan kandah, urang jakar padeih hưu dok dalam tỉnh.

# Jeng dalam tukvak Tết Chôl Chnăm Thmây, Mbang Bangsa tỉnh Sóc Trăng hu pok brei 400 pok pandap alin brei ka Amaik Việt Nam Anh hùng, baoh sang thương binh liệt sĩ, urang hu kong, urang jakar padeih hưu, urang jakar daok ngak bruk bangsa Khmer; dom urang hòa thượng, thượng tọa, sư sãi. Dahlau di nan, Mbang Bangsa tỉnh hu peih bruk nao rivang, pok brei 67 pok pandap ka dom baoh sang sarak karja, urang jakar padeih hưu naih gheih urang bangsa takik saong dom baha Khmer dalam tỉnh, yaok pok pandap hu yaom sa triệu đồng.

Khaw tin dunya:  

# Di var taom gaok Tổng thống Ác-mê-ni-a X.Xác-ca-xi-an dok rivang Đức, Thủ tướng Đức A.Méc-ken hu panuac ieu Ác-mê-ni-a song  A-déc-bai-gian pamong tal sa jalan ngak siam mekre ka bruk meriak gauk di bhum Na-go-rơ-nưi Ca-ra-bắc. Urang dang akaok negar Đức ndom lac, bruk di labik ni urak ni mboh biak duh hatai, nan ye brei khik bruk padeih chuh gauk khang kaja. Meng labik dang lac Chủ tịch luân phiên Tổ chức an ninh song pambuak bruk châu Âu (OSCE), Đức halan hatain dang tabiak piah pambuak tale hòa giải dalam bruk meriak gauk di Na-go-rơ-nưi Ca-ra-bắc. 

# Urang jakar Ai Cập bahrau brei thau, hu duah mboh 12 urang di cư suan adat hukum metai dalam aia kayua baleik gilai pak Địa Trung Hải angaok jalan nao tal châu Âu. Dom urang metai ini tatheik kandong pak bhum tasik jaik palei Ma-xta-rô dalam tỉnh Ca-phơ En Sếch, atah bal ine Cai-rô 130 km nao gah Barak.  Liên hiệp châu Âu (EU) bahrau ini brei thau, dom kapul nyaom tội phạm daok peih prong bruk ba manuac urang di cư suan adat hukum nao tapa tasik Ai Cập tal châu Âu.

# Dom harei tapa, Lào song Trung Quốc gam gam tathuak ia trun krong Mekong ngak ka ia di angaok krong ni dak harei dak glong jang. Dalam 4 harei tapa, ia dut hu di Stưng Treng, labik đầu nguồn krong Mekong di negar Cam pu Chia hu tani tanat di tanut 2,78m, glong jang 29 xen-ti-mét dut song 10 harei dahlau di nan. Di ban ine Phnôm Pênh, ia glaong biar meng 1,77 tal 1,78m, glong jang adit dahlau labaih 20 xen-ti-mét. Di dom labik hạ nguồn di CPC daok kuhria tuh trun bhum taneran krong CL jeng tagok glong yaok pluh xen-ti-mét./.