# Pak jabat Raja-ei bahrau peih mbang nyaom ka dua di Ủy ban Negar APEC 2017 ala bruk tacei pato di Akaok Ủy ban Negar. Dalam mbang nyaom, urang pal akaok dom Tiểu ban di Ủy ban negar hu khan brei thau bruk kuhria caga ka asal kadha, cơ sở vật chất, pathau khan saong ilamo, lễ tân, an ninh saong y tế. Phaok Thủ tướng Phạm Bình Minh taong yaom glaong Urang dang akaok dom mentri, Ban, ngành, bal hu tacei pato, hu brei mboh saong peih ngak samu gauk dom bruk prong, khik njauk tukvak kuhria caga ka APEC 2017 hu Thủ tướng Raja-ei mboh tangin tame blaoh.

# Akaok Hội đồng chức danh Giáo sư karja Phạm Vũ Luận barau mbaoh tangin tame Quyết định ka 46 pok brei angan Giáo sư, Phó Giáo sư thun 2015 ka 522 gru pato. Dalam nan hu 52 gru pato hu poki brei angan giáo sư saong 470 gru patao hu pok brei angan Phó Giáo sư.

# Pak bal Kon Tum bahrau rah tabiak mbang pataom mbaok, ndom biai nao mai di Tỉnh Đoàn Kon Tum saong Kapul dam dara tỉnh Rattanakiri, negar Campuchia. Ini lac bruk ngak di dam dara dua tỉnh piah pambuak pakajap talei rohim pambuak bruk nao mai daong ba gauk cakrok patagok. Sa-ai Lê Thanh Thủy, Akaok Pasak daong ba dam dara tỉnh Kon Tum brei thau: Dam dara Kon Tum jeng yau dam dara Rattanakiri jeng ngak brei ka taneh aia dak harei dak kaya meda, siam mekre. Dam dara Kon Tum daok peih ngak danak dak padang mbang angui dalam nan hu pato bruk ngak. Dam dara Rattanakiri jeng hu dom mô hình pato bruk ngak, daong ka dam dara, ba bruk ngak ka dam dara. Anak tal khaol drei meda peih ngak siam.

# Bilan Hè thu thun ini, tỉnh Bình Định padang jaik 120 mô hình mblang hamu mẫu praong saong labaih 50 mô hình ngak padai barau di mbang taneh praong abih tih jaik 6.000 héc-ta, hu 32 rabau sang urang nong pataom tame. 10 doanh nghiệp dalam saong langiu tỉnh hu nao gam saong urang nong padang mblang hamu mẫu praong tapa bruk daong alamu, brei nyim dahlau jien pajaih, jru khik caga phun pala, khak drak daong urang nong pala drak ( oh krhia laba), tuk yuak bloh meng bayan ka doanh nghiep.

# Ủy ban bhap bani tỉnh Sóc Trăng bahrau tabiak harak brei thau lac hu jit pabui tangi hijao pak xã Trường Khánh, huyện Long Phú. Kuhria meng akaok bilan 10 tal ini, jit pabui tangi hijao hu mboh di tapol pabui 641 drei di 10 baoh sang dalam 2 labik nan lac huyện Long Phú saong bal Sóc Trăng, dalam nan,  xã Trường Khánh dalam huyện Long Phú hu tal 6 tapol pabui di  6 baoh sang njauk jit tangi hijao. Karja paleo saong gah chức năng hu peih bruk am cuh klaak 453 drei pabui njauk ruak.

# Di ấp Giồng Nhãn, xã Hiệp Thành, ban sit Bạc Liêu, tỉnh Bạc Liêu, Tập đoàn Việt Úc barau peih bruk padang labik phức hợp raong hadang chat luong glaong ngan saong taneh raong 315 ha.  Khu phức hợp raong hadang chất lượng glaong hu labik raong pajaih, sang mac ngak pandap mbang, labik raong hadang saong sang mac ngak hadang pablei tabiak taneh ia langiu saong yaom jien buh tame abih tih 1.000 tỷ đồng. Tuk tame ngak bruk di puac thun 2017 meda ba bruk ngak ka labaih 2.000 urang ngak. 

# Piah caga biến đổi khí hậu saong aia tasik ndik, Ủy ban bhap bani tỉnh Bến Tre bahrau brei adat peih ngak dự án pacang cakak glut jaleih,  pala phun ia mbak pacang khik ar tasik Thừa Đức, huyện Bình Đại. Ini lac dự án kayua Sở Ngak nong saong patagok palei pala tỉnh Bến Tre ngak po đầu tư ngan haong yaom jien abih tih labaih 43 tỷ đồng meng danak dak pacang caga biến đổi khí hậu (SP – RCC) saong kadung jien di tỉnh. Tui kuhria hu peih ngak dalam thun 2016, dự án ini hu padang sa mblang taneh glai ia mbak prong piah pacang khik dom ar tasik.

Khaw tin dunya

# Giám đốc bhum Trung Đông saong Trung Á di kadung jien dunya (IMF) Masood Ahmed (Ma-xút Át-mét) brei thau IMF meda brei sa yaom jien praong ka Iraq mesraiy dalam thun 2016 piah daong tani tanat bruk jien padai dalam tuk taneh ia Trung Đông ini daok gaok kan kandah kayua yaom menyek trun bair saong bruk brok tagok di kol khủng bố IS. Ông Masood Ahmed jeng brei thau lac yaom jien mesraiy barau ini ka Iraq meda pagam tui dom điều kiện ka sarak, ye Baghdad njauk patrun bruk daong yaom menyek saong salih bharau dom doanh nghiệp karja . 

# Bal ine New Delhi di Ấn Độ bahrau ba tame pandar "Harei oh hu radaih ô tô" piah pasiam bruk ô nhiễm trak di bal ine ini. Akaok bang Delhi, Arvind Kejriwal (Ác-vin Kê-ri-oan) hu ba tabiak bruk nao radaih juak angaok dom jalan bhian bak radaih nao mai di bal ine. Nao haong ong nan lac yaok rituh urang jakar saong dom urang pachreih bruk nao radaih juak. Ong Kejriwal pok sap iew manuac sia juai nao radaih 4 baoh di drei saong pandar radaih công cộng kayua bruk ô nhiễm không khí pal Delhi dak harei dak glaong.

# Tổng thống Thổ Nhĩ Kỳ Tayip Ecđôgan brei thau, hu dom kadha brei mboh sa làn sóng di cư barau meda rah tabiak dalam tuk patagok dom bruk mesruh gauk khang di ban Aleppo, Xyri, tukvak jaik di ini. Ông Ecđôgan ndom lac, njauk padang sa labik an toàn piah khik caga dom urang di cư. Ông  mboh lac bruk di cư meng Xyri meda padheih saong urang tị nạn meda mai sang veik meyah labik an toan ini hu padang tagok./.