# Tui Mentri Công thương, jien mek tame meng bruk pablei tabiak negar langiu nyaom pandap kaya nong, kaya ikan dalam aia dalam negar 8 bilan di thun  2015, pablei tabiak negar langiu kaya nong, kaya ikan dalam aia tui kuhria jaik 13 tỷ 400 triệu đô la Mỹ, trun labaih 10% dut haong tukvak ini thun dahlau. Dom janih pandap hu jien mek tame trun khang nan lac kaya ikan dalam aia, cà phê, brah, cao su. Pablei tabiak kaya ikan saong brah trun nan kayua nguồn cung di dom negar pablei tabiak biak ralo, ba tal bruk meriak gauk angaok darak pasa, abih di nyu nan lac meng Thái Lan, Ấn Ðộ. 

# Padang tagok meng 113 thun ini mai, tal urak ini, sang iek ruak Hữu nghị Việt Đức jeng pasak blac daraih praong abih dalam taneh ia ngan saong dom chuyên ngành dalam yau blac daraih thần kinh glo akaok, blac daraih tim mạch, gan, mật, tiêu hóa, blac daraih chấn thương chỉnh hình… Tukvak tapa, sang iek ruak Hữu nghị Việt Đức ngak hu 11 mbang urang pagam baoh hatai, 25 urang pagam gan, labaih 250 urang pagam thận saong daok dalam tukvak ruah duah piah pagam tụy saong pagam phổi. Meng dom jak jeng praong yau nan, sang iek ruak ini daok hu đề nghị brei angan sang iek ruak chuyên khoa hạng đặc biệt akaok meti di taneh ia drei.

# Huyện Vĩnh Thạnh, tỉnh Bình Định bahrau nghiệm thu saong ba tame pandar sang ilamo bhap bani palei Thạnh Quang, xã Vĩnh Hiệp. Công trình hu padang ngak tui sang rông meng kan di urang Bana Kriêm Vĩnh Thạnh atah labaih 22m, cagar 8m, tabung tauk kiak, daning ngak meng kayau. Taong abih jien buh tame ngak labaih sa tỉ đồng meng phun jien danak dak 30a di raja-ei. Hadei di tuk ba tame pandar, công trình pabak hu hatai caong khin sinh hoạt, nyaom biai di bhap bani Bana labik ini.

# Pasak y tế dự phòng ban raya HCM brei thau dom urang tame ndih iek ruak kayua ruak tangin takai cambuai dalam adit tapa ralo jang 32% duk saong urang ruak trung bình di 4 adit jaik di abih. Kuhria tal tukvak ini, ban raya HCM hu labaih 4.500 urang njauk ruak tangin takai cambuai, kuhria rah tapa hu meng 100 tal 150 urang tame ndih iek ruak yaok adit. Bác sĩ Trương Hữu Khanh, akaok khoa njom – Thần kinh sang iek ruak Nhi đồng 1 brei thau dom triệu chứng thau lac ruak daok trak: Uranaih pandiak glaong 2 harei, taluak ta-aok. Atau pandiak glaong labaih 39 độ kan trun, lac dom urang mbuan njauk biến chứng. Daok kapul tantu njauk biến chứng nan lac megei rup, megei tangin takai, nao mai loạng choạng, suak yava samar.

# Hadei di 3 thun dak padang saong peih ngak mô hình “3 dalam 1”: 3 baoh sang kaya meda daong ba sa baoh sang kathaot tui jalan khang kajap di Kapul urang kamei tỉnh Đồng Tháp, hu daong ralo urang kamei paglaong rai diuk. Tal ini, hu labaih 4.500 mbang baoh sang kathaot hu 1.400 baoh sang kaya meda daong tui ralo jalan yau daong brei phun jien, anek pajaih, pandap panda piah ngak mbang pala drak… Kuhria tabiak jien labaih 5,5 tỉ đồng. Tapa nan hu 1.299 baoh sang (urang kamei ngak chủ hộ) hu daong tapa truh kathaot.

# Thun 2015, tỉnh An Giang pato bruk ngak ka jaik 26.000 urang ngak, ba bruk ngak jaik 35.000 urang. Bruk pato bruk ngak saong ba bruk ngak hu salih meng “đặt hàng dahlau” yau dahlau daih tapa tui hatai caong di urang ngak saong pabak ka darak pasar. Kuhria tal puac bilan 8/2015, dalam tỉnh hu pato bruk ngak ka labaih 12.000 urang, dalam nan hu 6.700 urang ngak palei pala, ba bruk ngak ka labaih 17.150 urang ngak. 

# Meng harei 29/9 tal harei 5/10, pak Inem mek Hoàng thành Thăng Long, Hà Nội, Sở Thông tin saong Truyền thông Hà Nội peih ngak Nyaom tapuk 2015 ngan haong kadha “Tapuk saong di sản”. Nyaom tapuk meda meyaih khan tal urang puac tapuk biak ralo baoh tapuk saong dom ấn phẩm ralo thể loại karei di gauk yau tapuk văn học, tapuk văn hóa xã hội, tapuk uranaih, tapuk khoa học, tapuk sap negar langiu.

Patui di ini dom khau tin dunya:

# Brei panuac dalam mbang ginum meyai ka kadung jien barau ini, phaok thủ tướng, akaok mintri Kinh tế Đức Síc-ma Ga-bri-en brei thau, khủng hoảng nhập cư nan lac sa bruk praong min rajaei saong bhap bini Đức daok njauk hatai gauk piah langyah cuang kandah ini. Tui kuhria dalam thun ini, Đức meda taduan tal 800 ribau harak likau tị nạn.

# Liên minh châu Âu saong Cuba bahrau salah blaoh dua harei 9 saong harei 10/9 đối thoại dalam tukvak đàm phán hu brei thau lac takik kan kandah di abih. Dua gah pataom tame ginum biai ka sa thỏa thuận chính trị piah salih ka sarak đơn phương bo châu Âu áp đặt tame Cuba atah di ini 19 thun. Tamat hadei di dua harei nyaom, urang đàm phán châu Âu Crits-tan Lép-lơ (Christian Leffler) brei thau,  Liên minh châu Âu daok duah sa panuac sanya siam jang saong suai lavik jang haong Cuba.

# LHQ barau brei thau ginum meyai sron mbon piah padeih bruk srau kadau di Yemen hu pambuak veik di adit tal saong pachreih taong abih dom gah hu mbaok tame ginup. Srau kadau daok catang tagok dalam 6 bilan tapa hu jhul yemen tame bruk eik lipa saong dom bruk ginum meyai sron mbon tal urak oh ka padeih taong paoh. Jaik 20 triệu urang (meblah 80% menuac sia Yemen) daok dang anak bruk mbuan eik lipa kayua mesruh metak./.