# Thủ tướng raja-ei bahrau mboh tangin brei adat peih ngak dom kadha di danak dak patagok dom đô thị loại II (đô thị hijao) mesre phun jien Gilang pariak patagok  châu Á (ADB) hu peih ngak dalam 5 thun pak dom tỉnh: Hà Giang, Vĩnh Phúc saong Thừa Thiên - Huế ngan haong taong abih jien buh tame labaih 223 triệu USD. Jalan ngak di danak dak piah pasiam veik saong peih prong jalan mbak nao mai, dak yam ngak salah blaoh abih samu gauk cơ sở hạ tầng đô thị; taphia di nan ngak brei pren khang ka bruk patagok đô thị, jhul pakhang patagok bruk pablei salih thương mại dịch vụ saong khai thác tiềm năng du lịch, ba bruk ngak patagok jien mek tame ka mikva pak ini…

# Danak dak 135 (tukvak 2011 - 2015), tỉnh Sơn La hu labaih 100 xã song labaih 280 xã biak kan kandah bhum urang bangsa takik hu dong labaih 850 tỷ đồng piah padang ngak jalan mbak, patagok sản xuất, tani tanat rai duik. Kayua yau nan ye, tỷ lệ boh sang kan dalam bhum hu dong meng danak dak 135 song patrun meng 59,3% thun 2011 trun dok 29,8% thun 2015.Rai duik mbang ngui akaok sahaneng di mik va dom bangsa yau Kháng, Khơ Mú, La Ha, Sinh Mun, Mông thuộc các huyện Sông Mã, Thuận Châu, Mộc Châu, Mường La, Mai Sơn, Yên Châu hu salih bahrau biak rilo.

# Mai meng peih ngak danak dak 135, bhum urang bangsa takik bhum ceik tỉnh Nghệ An patui veik patagok. Tỷ lệ kan kathaot bhum urang bangsa takik saong bhum ceik trun meng 36,19% thun 2010 trun daok 16,54% thun 2015, urak ini oh daok baoh sang kurang mbang tuk cang yuak. Tal urak ini, jien mek tame kuhria rah tapa tui akaok menuac di bhum ceik saong bhum urang bangsa takik  tỉnh Nghệ An mek hu 50% tanut bình quân chung dut haong labik palei pala dalam tỉnh.

# Dalam bilan thu thun 2015, tỉnh Đác Lắc khat lihik trak ngan song 47 ribau ha cà phê njauk thu lagu, kurang ia pruh. Tuk vak 2016 - 2020, tỉnh Đắc Lắc padang dự án song hu jalan ngak buh tabiak labaih 15.310 tỷ đồng piah patagok krong ribong puk palei dalam bhum pala cà phê, am riak kalu khang kajap, pasiam song patagok padang ngak bahrau labaih 190 danak dak krong ribong piah tagok taneh cà phê hu pruh ia chủ động meng dom danak dak krong ribong tagok labaih 74.240 ha dalam thun 2020.

# Thun 2015, bruk patrun kan kathaot tui jalan khang kajap dalam bhap bani Khmer tỉnh Cà Mau hu ngak brei pasiam veik biak ralo rai diuk ka bhap bani urang bangsa takik. Tui nan, tỉnh daong taneh daok ka 272 baoh sang, taneh pala drak ka 72 baoh sang, taneh daok saong pala drak ka 81 baoh sang; daong tapak ka  38.210 urang baoh sang kathaot di bhum kan kandah, ngan haong phun jien labaih  3,4 tỷ đồng; peih ngak siam sarak ka bruk khik ramik saong patagok asal ilamo bangsa; daong padang ngak cơ sở hạ tầng saong patagok bruk ngak mbang pala drak ka 11 xã saong 42 ấp biak kan kandah dalam Danak dak 135.

# Harei 31/3 anak tal, Muinyim sajarah dak rai pakat negar hu peih bruk parang iek asal kadha “Bảo vật Hoàng cung - Kim sách triều Nguyễn (1802 - 1945). Kim sách triều Nguyễn (1802 - 1945) l lac sa janih thư tịch klak, ngak meng dom kim loại quý, piah vak veik bruk taneh ia, adat cambat dalam văng patao yau bruk dom patao tagok rai, padang thái tử, hoàng hậu…saong dom bruk praong karei dalam văng patao...Parang iek mbang ni lac sa bruk piah dong ka urang thau cambaih jang ka sưu tập drap ar inem krung ni.

          #  Di pasak sinh hoạt ilamo bhap bini dom bangsa huyện A Lưới, tỉnh Thừa Thiên-Huế bahrau peih tabiak Lễ hội A Riêu Car. Ini lac ilamo meng kan mai ndung bak asal tín ngưỡng linh thiêng saong prong abih di bhap bani bangsa Pa Cô, Tà Ôi, Ka Tu, Pa Hi...Lễ hội jeng lac tukvak piah ka dom bangsa pataom mbaok, brei mboh hatung hatai gul pataom, khik ramik saong patagok ilamo meng kan.

 Khaw tin dunya: 

# Mintri Y tế Lào ndom lac, thun 2016 Lào oh ka hu urang njom vi-rút Zika, piah tah klaak panuac di Gah y tế dunya lac hu urang njom vi-rút Zika tại Lào.

# Bra-xin  pataom  85 ribau cảnh sát saong bol lin piah khik iek an ninh ka Thế vận hội Ô-lim-pích mùa hè 2016 anak tal. Bol lin, cảnh sát hu pataom mbang ini ralo jang jaik dua mbang duk saong bruk ngak yau nan di Luân Đôn (Anh) atah di ini 4 thun.

# Anak dom bruk an ninh padai brah song kurang dinh dưỡng di labik rilo urang abih di dunya, Kapul padai brah song ngak nong LHQ bahrau peih nyaom biai châu Á - Thái Bình Dương ka 33 di Putrajaya, Malaysia, hu mbaok di  rajaei  46 negar  châu Á - Thái Bình Dương.  Urang hu mbaok dalam nyaom biai hu ginum biai dom bruk  pagam tal padai brah song ngak nong song bruk lavan lavah di uranaih, jang yau patrun tỷ lệ limek tagok kilo dak harei dak tagok./.