# Peih ngak Đề án Patagok kinh tế - xã hội dom bangsa Mảng, La Hủ, Cống dalam tỉnh Lai Châu, tal urak ini,  taong abih dom puk palei hu chi bộ Đảng, saong taong abih dom balai y tế hu bác sĩ, y sĩ. 3 thun tapa, hu 12 dự án jalan nao mai saong jalan kraong hu buh jien tame ngak, daong 1.175  baoh sang ka sang kathaot, 766 baoh sang hu padang ngak van ro, sang vệ sinh… daong patagok rai diuk ka bhap bani DOM bangsa takik biak kan kandah dalam tỉnh.

# Sở Lao động, Thương binh song Xã hội ban Đà Nẵng pambuak bruk song baha Bà Đa, Báo Công an ban Đà Nẵng bahrau peih bruk jao 100 pok pandap brei ka uranaih jaoh jo di quận Ngũ Hành Sơn. Yaok pok yaom 300.000đồng, dalam nan hu jien, har kẹọ, saradadang ia tasau. Đại Đức Thích Thông Đạo, Trụ trì Baha Bà Đa, ban  Đà Nẵng brei thau, piah pahadar harei urang yaoh jo VN 18/4, Baha hu jak ba dom chư tăng,  phật tử  brei labaih 700 pok pandap, kuhria tabiak yaom jien  abih tih jiak 250 triệu đồng brei ka uranaih jaoh jo  di ban Đà Nẵng.

# Tua riya pandiak bhang dui atah ngak ka labaih 10.000 baoh sang di tỉnh Kon Tum daok kurang aia pandar. Anak bruk mbuan hu jit ruak tamuh khang kayua aia oh hacih sa-at, karja saon dom gah chức năng daok peih ngak ralo jalan ngak piah ka bhap bani hu aia pandar. Gam haong bruk daong brei hóa chất ngak hacih halau aia, karja puk palei jeng patagok bruk nao duah halau aia hacih ka bhap bani pandar.

# Dom harei jiak di ni, sa drei limen glai prong bhian tabiak meng 17 tuk beir harei tal 7 tuk mesup harei hadei di puh mikva urang nong xã Phú Lý, huyện Vĩnh Cửu, tỉnh Đồng Nai.  Gah kiểm lâm Khu Bảo tồn thiên nhiên ilamu Đồng Nai hu panuac lac, meng ni mbiah tal bilan hajan limen meda tabiak rilo jang kayua glai kurang pandap mbang, bhap bini njauk caik hatai sangka tuk nao ngak hamu apuh, abih di nyu nan lac jhui ndih veik di dom lán trại dalam puh.

# Page harei 12/4, hadei di tuk tui pang var tamat mbang nyaom puac abih di Quốc hội mbang 13, ong Trần Thúc Hoàng, cử tri phường 10, quận Phú Nhuận, Bal raya Hồ Chí Minh caong khin: Dahlak jia tame dom urang pal akaok bahrau, meng akaok Quốc hội, Akaok negar, Thủ tướng raja-ei, dom phaok thủ tướng…nan lac dom urang hu ralo ilamo tapa bruk ngak di drei, dom trọng trách, hu ralo urang kham merat nao tagok meng cơ sở saong hu ralo ilamu. Dahlak jia lac ngan haong bruk ba jalan di Thủ tướng Nguyễn Xuân Phúc neda ba taneh aia drei mek hu ralo jak jeng siam mekre. Jia lac, anak tal Raja-ei meda hu ralo đột phá, abih di nyu nan lac bruk sangka patagok kinh tế tasik saong njauk dak padang Mentri patagok kinh tế tasik, piah ba taneh aia drei yam tapa kan kandah, tavak tave dalam tukvak yam tame TPP anak tal.

 # Harei pachit daa po Hùng hu sở Ilamu Thể thao song  Du lịch tỉnh Vĩnh Long peih ngak meng harei 15- 16/ 4 di Nhà thờ dom po Hùng dalam mblang bein muiyim Vĩnh Long. Langiu di adat kakuh dom po Hùng.,  Harei pachit daa Po Hùng daok hu rilo bruk ilamu yau pakacah pok har bánh chưng, peinung, đờn ca tài tử. Danak dak  “ Truac pui meng kan po hùng” song dom kadha main bhap bini, peih bruk parang eik tui kadha “Pacit da-a pô Hùng – Halau gha bangsa” ngan song labaih 80 tư liệu, thaot binguk

# Page harei 12/4, dhar Jabat pablei salih saong Công nghiệp Việt Nam pak bal raya Hồ Chí Minh pambuak haong Đại sứ quán Thụy Điển peih ginum biai "Paglaong pren meriak gauk tapa bruk pasiam veik talei rohim pambuak bruk ngak". Yapa nan, lambaok Đại sứ quán Thụy Điển pak Việt Nam ndom lac Thụy Điển halar hatian pambuak bruk haong Việt Nam piah klah rabha dom ilamo hadah krah saong peih ngak dalam gah pasiam veik talei rohim pambuak bruk ngan, abih di nyu nan lac dalam bối cảnh di Hiệp định thương mại tự do Việt Nam – Châu Âu.

Khaw tin dunya:

# Piah khik caga ka an toàn giao thông song tani tanat trật tự, CPC hu ba dom lực lượng meng ban ine Phnom Pênh tal ban Xiêm Riệp dalam tuk tết meng kan thun ni, abih di nyu nan lac tuk vak rah tabiak Giao thừa Angkor. An ninh hu caik hatai sangka song iek prong piah khik caga siam mekre ka tuai damuai dalam tuk vak hu mbaok tame lễ hội. Tết meng kan Chol Chnam Thmay ( uan raok thun bahrau) di urang CPC hu rah tabiak meng harei 13 tal 16/4. Urang CPC raok giao thừa meng 20 tuk melam 13/4 tui tuk vak di KPC

# Dom drei rimong glai angaok dunya hu patagok mbang akaok meti dalam sa abap tapa tuk ralo negar jhul khang dom kham merat khik ramik. Dom drei rimong glai di dunya hu tagok jaik 4.000 drei, tagok jang jaik 700 drei dut haong tanut biar di abih 3.200 drei di thun 2010.

# Kayua En Ni-nô (El Nino)  nyu ngak brei langik tasik di rilo labik dalam negar Trung Quốc nyu karei di gauk dalam bilan xuân thun ni. Di tỉnh Quảng Tây song Quảng Đông gah merong  Trung Quốc, song tỉnh gah pai Chiết Giang rah tabiak hajan khang kan kandah trak tal rai duik di bhap bini. Di tỉnh Quý Châu, gah Tây Nam Trung Quốc, hajan khang dui atah dalam adit tapa, gam song hajan patau, ngak khat lihik trak. Dalam tuk nan, di tỉnh Đông Bắc Hắc Long Giang, tuyết laik kapan song hangin khang ngak ka bruk nao mai angaok jalan kan kandah dalam adit tapa. Tui dom chuyên gia, bilan xuân thun ni, TQ hu langik tasik di 3 bilan karei di gauk di dom labik karei di gauk./.