# Thủ tướng Rajaei bahrau njauk hatai brei buh tabiak meng kadung jien di TƯ daong ka tỉnh Hà Giang peih ngak Dự án pasiam bruk glut jaleih taneh di pasak huyện Xín Mần saong yaom jien daong rilo di abih nan lac 210 tỷ đồng. Thủ tướng Rajaei jao ka Mintri Kế hoạch Đầu tư, Mintri Jien padai iek tui yaom jien daok hu, brei ka tỉnh Hà Giang nyim dahlau tui bruk parabha phun jien dalam tukvak meng thun 2015 tal thun 2020 piah bayar veik kadung jien karja yaom jien hu buh brei dahlau nan tui njauk adat hukum.

# Công ty điện lực Sơn La birau peih bruk pambuak điện di 4 balai biến áp daok dalam dom xã kan kandah di huyện Mai Sơn nan lac: Chiềng Sung saong Tà Hộc. Tui nan 403 baoh sang di 8 palei kan kandah ini meng ini hu pandar điện di negar. Tui bruk ba tabiak, dalam bilan 8 ini, điện lực Sơn La daok patui bruk pabak điện ka labaih 6 ribau baoh sang di dom huyện Yên Châu, Quỳnh Nhai, Thuận Châu saong Sông Mã. Ini lac danak dak pabak điện pandar ka bhum urang dom bangsa takik tỉnh Sơn La saong C.ty Điện lực Sơn La kham merat ngak ka nyu salah dalam bilan ini.  

# Mbiah tal harei ini, tỉnh Điện Biên hu jaik 75% dom baoh sang di palei pala hu pandar điện negar. Tỉnh Điện Biên daok peih ngak Dự án peih praong saong pasiam jalan điện palei pala bhum atah bayah saong yaom jien buh tame ngak abih tih 330 tỷ đồng meng jien mesraiy di Gilang pariak patagok châu Á piah tal thun 2015 hu 96%  dom xã saong 84% dom baoh sang urang ngak nong hu pandar điện negar. Yaom lac dự án rilo meng hu peih ngak di bhum atah bayah, bhum tapen negar kan kandah ka jalan mbak nao mai, min Điện Lực Điện Biên hu ngak siam bruk lac labik dang tabiak langyah dom kadha pambuak tal pasang iek, padang ngak, giải phóng mặt bằng saong dom kadha karei karei. Điện Biên urak ini daok hu 3 xã oh ka hu điện negar.

 # Di tỉnh Quảng Ngãi urak ini hu 2 labik raong labaih 50 uranaih gaok kan  kandah, uranaih metui medhar nan lac baha  Phổ Quang saong Cô Nhi viện Phú Hoà. Langiu Pasak Daong xa hoi tỉnh Quảng Ngãi taduan raong, pato uranaih metui medhar, rilo labik di agama dalam tỉnh Quảng Ngãi jeng hu taduan raong uranaih gaok kan kandah, metui medhar. Ong Trương Đình Đức, Phó akaok Sở Lao động thương binh saong xã hội tỉnh Quảng Ngãi brei thau, dom labik raong uranaih nan oh ka hu dom jabat chuc nang, karja dom palei sangka, khik iek.

#  5 tỉ 900 triệu đồng nan lac yaom jien patak pataom hu meng bruk patak pataom điện dalam dom jabat, doanh nghiệp dalam tỉnh Quảng Nam saong bruk pakacah gauk patak pataom điện dalam dom labik ngak bruk di ban sit Tam Kỳ dalam bilan 5, bilan 6 saong bilan 7 thun ini. Tui nan, dom doanh nghiệp di tỉnh Quảng Nam patak pataom hu labaih 3 triệu 496 ribau KWh điện dut saong 3 bilan ini thun bloh, labaih 150 cơ quan dalam ban sit Tam Kỳ pachreih tui saong patak pataom hu labaih 110 ribau KWh điện; patak pataom hu abih tih jaik 5 tỉ 900 triệu đồng .

# Bruk kuac mek khoáng sản di huyện bhum ceik Khánh Vĩnh, tỉnh Khánh Hòa rah tabiak atah di ini 2 thun ngak ka gah chuc nang tỉnh Khánh Hòa brei menuac tabiak khik caga, pacang cakak. Min mneg puac bilan 6 mbiah tal urak ini tuk karja palei brei takik menuac tabiak khik iek ye bhap bini meng dom palei karei tuh mai labik glai gah angaok di xã Khánh Thành, huyện Khánh Vĩnh piah kuac mek thiếc, ngak nerak tachrauk  halau ia. Labik kuac mek suan hukum praong 40 hecta, daok kreh glai ram, atah di puk palei labaih 10 mbaik jalan. Kayua jalan ceik glai nao mai oh mbuan nan ye bruk chap mek gaok rilo kan kandah, tuk mboh hu gah chuc  ye dom urang nan nduac dauk tame dalam glai ram.

#  Sang ong Nguyễn Văn Chinh daok di xã Mương Mán, huyện Hàm Thuận Nam hu 2.000 got thanh long daok paik baoh. Ini lac tukvak paik baoh camereip di vụ thanh long tabiak baoh njauk bilan.. Kayua hu jit ruak nan ye baoh thanh long rilo meng khut. Bahrau ini, bein di ong paik hu labaih 6 tấn thanh long. Min hu tal 2/3 dom baoh nan nyu khut oh pablei hu,. Baoh khut daok klaak bak dalam bein.

Khaw tin dunya:

          # Nyaom biai yaok thun mbang 40 saong Nyom roya mbang 13 di Viện patagok papar sap – papar binguk châu Á-Thái Bình Dương birau peih tabiak di ban ine Phnom Pênh, Campuchia. Dalam panuac peih majalis, Phó Thủ tướng Campuchia Sốc An taong yaom lac, dom nyaom biai rah tabiak dalam klau harei meng harei 13 tal harei 15 bilan 8 hu manak biak praong dalam bruk jum pataom saong pambuak bruk di dom urang ngak gah papar sap, papar binguk dalam bhum. Phó Thủ tướng Campuchia  jia lac nyaom biai hu daong pagalong bruk ngak di gah  papar sap, papar binguk di bhum châu Á – Thái Bình Dương, ngak njauk tui jalan tantu, cambaih laih, drah samar di bruk ngak mbao.

# Gah Y tế dunya WHO brei thau, Kênia lac taneh ia mbuan njom mbak virút metai menuac Êbôla (Ebola).

          Kênia mbuan njom mbak kayua taneh ia ini lac labik patok tapa di rilo sruh kapal haoh par mai meng Tây Phi. Ini lac panuac brei thau di gah Y tế dunya ka bruk  Êbôla mbuan pambak tapa Đông Phi.

          Tui kuhria mboh bahrau di abih di gah Y tế dunya, urang metai kayua virút Êbôla di Tây Phi tagok tal 1 ribau 069 người. Dalam 2 harei, harei 10 saong harei 11 bilan 8, bhum taneh ini hu 66 urang metai, 128 bahrau njom ruak.

# Vien Muyim Nghệ thuật đương đại di ban Niu Yoóc, Mỹ birau tabiak mbaok sa danak dak kiến trúc biak gheih nan lac bimon hu ngak meng dom candiah kriak hữu cơ siam ka alam moi truong. Bimon ini hu angan ieu lac Hi-Fi glong labaih 12 mét, kayua kiến trúc sư Mỹ Đa-vít Ben-gia-min ngak tabiak. Nyu hu padang tagok meng 10 ribau candiah kriak hữu cơ hu ngak meng gha bimao saong phun tangei. Tui ong Ben-gia-min, hatai sahneng ka bruk padang ngak nan nyu patabiak meng bruk padang ngak meng kan bhian pandar pong, gluh saong hluk lan./.