# Thủ tướng Raja-ei bahrau brei buh tabiak meng kadung jien khik piah di negar thun 2016 daong 484 tỉ 700 triệu đồng ka 21 tinh ban nan lac: Lào Cai, Phú Thọ, Hải Phòng, Thanh Hóa, Nghệ An, Hà Tĩnh, Quảng Ngãi, Bình Định, Khánh Hòa, Ninh Thuận, Bình Thuận, Đăk Lắc, Đăk Nông, Gia Lai, Lâm Đồng, Tiền Giang, Bến Tre, Trà Vinh, Vĩnh Long, Cần Thơ, Hậu Giang. Thủ tướng Raja-ei tacei lac bruk khik iek saong pandar phun jien daong njauk tui adat hukum urak ini. Mentri jien padai njauk tui iek cambaih laih bruk pathau khan, pandar jien.

# Mintri pato megru bahrau brei thau angan 137 thí sinh tal 12 hu mbaok dalam mbang pakacah palih ruah đội tuyển quốc gia nao pakacah Olympic dunya  thun 2016 di  nega, payua tal dom sở pato megru, dom sang bac ĐH, học viện. Mintri pato megru hu panuac pandar dom đơn vị nan ngak tui quy định piah miễn mbang pakacahi Trung học phổ thông  pakat negar song brei  tốt nghiệp trung học phổ thông, palih ruah tapak tame đại học, cao đẳng thun 2016 ngan song dom thí sinh hu angan dalam harak nan. 

# Raja-ei bahrau tacei  brei buh tabiak brei soh 600 tấn barah meng gilang khik piah di negar ka tỉnh Đắk Nông piah daong ka bhap bani pacang eik lipa dalam tuk cang yuak thun 2016, saong pandar Ủy ban Bhap bani tỉnh Đắk Nông samar parabha brah nan njauk manuac urang tui adat hukum.

# Thun 2016 dự án patrun kan kathaot bhum Tây Nguyên di huyện Ia Pa, tỉnh Gia Lai hu pabak brei labaih 25 tỷ đồng, dalam nan phun jien ODA lac 24 tỷ 200 triệu đồng, dok veik phun jien đối ứng lac 783 triệu đồng. Dự án hu peih ngak di 5 xã biak kan kandah lac Ia Kdăm, Chư Mố, Ia Tul, Ia Broăi song Ia Ma Rơn.

# Ủy ban Bhap bani bal raya Hồ Chí Minh bahrau jao ka Công ty cổ phần Tập đoàn sara gah Meraong daong blei jaik 30.000 tấn sara ka urang ngak sara di huyện Cần Giờ, tui yaom kuhria dahlau pabak tame 30%  yaom ngak tabiak saong jien pajeng ba meng hamu sara mai kho di công ty. Yaom jien chênh lệch ini hu pabak meng kadung jien karja bal raya. Urak ini, yaom sara pak Cần Giờ nyu trun, meng 60.000 đồng sa jak (20 kg sara) thun 2015, trun daok 25.000 tal 30.000 đồng sa jak ngak ka urang ngak sara gaok ralo kan kandah.

# “VN harei bahrau” lac angan di harei patom Giai điệu Lạc Hồng 2016 bahrau rah tabiak di sang ilamu sinh viên ban raya HCM. Harei patom thun ni hu rilo diễn viên lac sinh viên mai meng dom sang bac ĐH, Cao đẳng di ban raya parang me-in 20 kadha doh tamia, nhạc kịch song parang iek khan aoew meng kan di bangsa hu asal pok meyaom puk paga, palei negar, bruk jum pataom bangsa song bruk patagok, ba drei tame dalam tuk vak salih bahrau. Harei patom hu palih ruah 10 kadha gheih di abih piah parang me-in di melam gala jao giải harei 19/4/2016, pahadar 70 thun harei Wa Hồ payua harak thư ka nyaom roya dom bangsa takik (19/4/1946-19/4/2016).

7# Page ini (14/4), Ủy ban bhap bani Bal raya Hồ Chí Minh peih Nyaom biai pataom iek veik bruk pakacah gauk ranam taneh aia thun 2015 saong ba tabiak bruk ngak praong thun 2016. Ong Đinh La Thăng, Ủy viên Bộ Chính trị, Bí thư Thành uỷ hu mbaok saong tacei pato Nyaom biai. Urang VAK Thuý Linh brei thau: 

Brei panuac pak nyaom biai, Bí thư Thành uỷ Đinh La Thăng taong yaom glaong dom bruk ngak hu di Đảng bộ, karja saong bhap bani bal raya dalam tukvak tapa; saong pandar bal raya njauk caik hatai jang tal chất lượng rai diuk di bhap bani. Ong Đinh La Thăng jeng hu panuac iew bhap bani bal raya patagok hatai ranam taneh aia, pakacah gauk dalam bruk ngak, bac megru, dak padang rai diuk saong pathram ý chí piah daong padang bal raya Hồ Chí Minh jeng bal hu chất lượng rai diuk siam, dak harei dak  văn minh, bak hatai anit ranam gauk. Ong Đinh La Thăng lac: Lambaok dom urang pal akaok Thành uỷ, dahlak iew taong abih Đảng bộ, karja saong bhap bani bal raya patagok ilamu ranam taneh aia, gul pataom gauk, sa hatung hatai haong gauk ba bal raya di khaol drei cakrok patagok khang jang di anak tal, dak harei dak hadah hadai jang.”

Pataom iek veik bruk pakacah gauk ranam taneh aia thun 2015, 1 urang saong 1 kapul nyaom hu pok brei angan Anh hùng lao động, 11 hala dok pakacah di Raja-ei saong ralo harak meyaom di Ủy ban bhap bani bal raya hu pok brei ka dom đơn vị, menuac urang hu thành tích xuất sắc.

Patui di ni dom khau tin dunya:

# QH CPC hu peih peih mbang nyaom chip piah piah ginum biai song buh phiếu brei tapa bruk chap mek nghị sĩ Um Xam An di đảng đối lập Cứu nguy Dân tộc njauk cáo buộc lac pacuh pajarak nổi loạn pagam tal blah bản đồ biên giới di Cam-pu-chia song Việt Nam.

# Tui Roi-tơ, Quốc hội Mỹ hu brei tapa dự luật daong dom công ty hu mbaok tame bruk patagok jalan ngak pasiam ruak kayua vi-rút Zika. Urang tabiak panuac Nhà Trắng K.Hin brei thau, Tổng thống B.Ô-ba-ma hu caong lac meda hu mboh tangin tame brei tabiak dự luật ini, pachreih ralo manuac urang hu mbaok tame dalam bruk mesruh pacang Zika. Dalam tuk nan, dom urang ngak praong gah y tế Mỹ jeng hu panuac iew Quốc hội samar brei tapa khoản ngân sách khẩn cấp drah jaik 1,9 tỷ USD piah pacang caga vi-rút Zika bo Tổng thống hu ba tabiak meng bilan 2.

# Rajaei Bra-xin brei thau tal tuk vak ni hu 1.113 urang ruak akaok sit song rilo meng lac mai meng urang amaik njom vi-rút Zika, tagok glong dut song 1.046 urang sa adit dahlau di nan. Urang dang akaok gah y tế Bra-xin brei thau, negar ni meda brei ka jamuk biến đổi gien hu caih tự do piah pametai jamuk Aedes pambak vi-rút Zika./.