# Mesup harei 15/9, di Ha Noi, jabat mban tacei jalan Trung uong ka bruk pacang caga bala meng lingik tasik hu ginum biai tong yaom khat lihik song jalan pasiam dom khut khat kayua ribuk ka 3. Tui mban tacei jalan pacang caga bala song dong duah urang njauk bala, Bộ Tư lệnh Bộ đội biên phòng, ribuk ka 3 ngak kram 5 boh kapan, dalam nan hu 2 kapan di Quảng Bình song 3 kapan di Đà Nẵng. 15 urang tong ikan angaok dom sruh kapan kram angoak jalan mai nyaik ribuk hu gah cứu hộ, cứu nạn song dong kapan tong ikan karei ba tame boh taneh salamad.

# Cục hải quan tỉnh Khánh Hòa barau brei thau quyết định di mintri jien padai ka bruk padang chi cục hải quan pabah mbang mblang kapal haok dunya Cam Ranh. Mblang kapal haok Cam Ranh, tỉnh Khánh Hòa hu ngak pasiam jeng mblang kapal haok dunya meng puac thun 2009, meng nan, kapul harak gar hải quan mblang kapal haok Cam Ranh hu peih bruk khik iek karja ka chuyên ngành. 8 bilan di thun 2015, kapal haoh par xuất nhập cảnh labaih 2.500 mbang, ralo jang dua mbang meteh duk saong thun dahlau. Ong Trần Hải Sơn, phaok akaok cục hải quan tỉnh Khánh Hòa brei thau: “Bruk padang chi cục pabak hu bruk khik iek, duh ka tuai xuất nhập cảnh, bruk pablei salih đầu tư di tỉnh. Saong jeng pabak pasang iek khang kajap ngan saong dom pandap, urang meda lợi dụng jalan kapal haok piah buôn lậu, abih di nyu nan lac ma túy”.

# Tui gilang pariak ngak nong song patagok palei pala dhar Đắc Lắc, hadei di 2 thun peih  tabiak pok jien mesraiy pala cà phê, gilang pariak hu mbaoh tangin tame harak brei mesraiy 195 tỷ đồng, min bahrau peih jien brei mesraiy hu labaih 88 tỷ đồng. Makna ba tal bruk brei mesraiy takik lac kayua dom kapul nyom, menuac urang khin mesraiy, brei hu pakat thẩm quyền mbaoh tangin tame, lac lagaih haong bruk pala veik cà phề di tỉnh. Dalam tuk nan, bruk xác nhận  urang mesraiy song song phê duyệt jalan pala veik,  oh ka hu pakat tỉnh Đắc Lắc ngak siam.

# Mban Thường trực Ủy ban Mặt trận negar Việt Nam tỉnh Ninh Thuận bahrau alin hadiah 100 baoh sang anit ranam ka bhap bini kan kathaot daok di huyện Bác Ái saong Ninh Sơn. Abih tih taneh padang ngak 100 baoh sang nan labaih 3.800 m², tui yaom jien ngak abih labaih 4 tỉ 300 triệu đồng. Dalam nan, kadung jien thiện tâm – tập đoàn VinGroup daong 3 tỷ 500 triệu đồng; daok veik lac pandap panda, harei ngak di dom baoh sang saong buat pajaih halan hatian rik tame.

# Harei 14/9 Tỉnh ủy, Uỷ ban bhap bini song Ủy ban Mặt trận negar  tỉnh Đồng Nai peih bruk peik pakak Đền thờ liệt sĩ ban sit Long Khánh. Đền thờ liệt sĩ hu padang di taneh praong labaih 30.000 m2, hu rilo janih yau Đền thờ chính, sang khik ramik, bia tưởng niệm, pabah mbang praong.

# Hadei di 9 bilan ngak tui Quyết định 53 di thủ tướng rajaei, tal urak ini di ban Cần Thơ hu 63/170 cửa hàng (angaok jalan mbak) hu tame bruk pablei xăng E5 Ron 92, meblah labaih 37%. Piah pachreih urang pandar xăng sinh học E5 Ron 92, Sở Công thương ban Cần Thơ hu tham mưu ka UB bhap bini ban cần thơ pok panuac tagok mintri công thương samar hu sarak pok tagok rajaei daong ka dom doanh nghiệp đầu mối pablei salih xăng sinh học E5 Ron 92, hu sarak daong yaom ka urang blei pandar 500 đồng sa lít dalam sa tukvak halei nan piah pachreih urang pandar.    

# Muinyim Hà Tĩnh bahrau duah mboh 4 boh bingun klak di bhum tapen tasik xã Kỳ Khang, Kỳ Anh, Hà Tĩnh. 4 boh bingun klak dok di labik gah barak ala takai ceik Bàn Độ, atah di takai tasik Kỳ Khang labaih 500m nao gah pai. Tui dom urang roh duah, ni lac sa dalam dom bingun klak ndung mbak ilamu ngak bingun di urang Champa, bo gah merong Hà Tĩnh meng saman Lý, Trần (abap 10, 14) lac labik taom gaok di ilamu Champa song Đại Việt.

Patui di ini dom khau tin dunya:

# Thủ tướng Nguyễn Tấn Dũng barau hu mbaok tuk peih bruk padang ngak sang bac Tiểu học Dongkasen  kayua gilang pariak pablei salih cổ phần đầu tư saong patagok Viet Nam daong ka tỉnh Khammuane di Lào. Sang bac Tiểu học Dongkasen hu yaom jien padang ngak abih tih 200.000 USD, hu ngak tui njauk tanut chuẩn cơ sở vật chất ka pakat tiểu học di mintri pato megru Lào. Tapa nan, akaok mintri, chủ nhiệm jabat rajaei Nguyễn Văn Nên lambaok ka thủ tướng rajaei hu alin hadiah 50 bộ komputer ka tỉnh Khammuane.

# Harei 14/9 rajaei Ấn Độ tacei brei pabak tame 1000 papan ndih ka dom sang iek ruak dalam negar kayua urang ruak pandiak tabiak darah hu biak rilo. Ni lac mbang tamuh jit ruak pandiak tabiak darah trak di abih dalam 5 thun tapa di negar ni. Akaok mintri Y tế Ấn Độ Satyendar Jain (Xa-ti-en-đa Gia-in) brei thau ong dok tacei brei ngak dom balik iek ruak sit piah patrun, patakik menuac ruak  ka dom sang iek ruak.

# Takik di abih 107 urang metai saong labaih 230 urang njauk rambuah tuk sa cần cẩu jaleih trun sangmegik praong di Mecca, Ảrập Xêút harei 11.9. Tukvak cần cẩu jaleih trun hu ralo urang daok sambah yang. Tui lambaok jabat phòng vệ dân sự Ảrập Xêút, ngin khang saong hajan praong nan lac makna ngak brei cần cẩu jaleih. Bala praong rah tabiak dalam tuk palei Mecca daok caga ka bruk nao ngak haji yaok thun di urang Islam dalam bilan 9./.