Khaw tin 19h00, harei 1/7 saong 6h30, harei 2/7

# Pagaiy harei 1/7, mBan tacei pato mbang pakacah Trung học phổ thông pakat negar thun 2015 kayua Thứ trưởng mintri pato megru Bùi Văn Ga ba akaok hu pasang iek bruk peih pakacah saong pachreih ba thí sinh di 3 labik pakacah di Quận 5 saong Quận 3, ban raya  Hồ Chí Minh. Thứ trưởng Bùi Văn Ga taong yaom :“Tapa pasang iek di dom sang bac di ban raya Hồ Chí Minh, kol dahlak mboh biak sahanang hatai. Dom cum pakacah hu khan brei thau cambaih quy che pakacah thun ini tal dom urang jakar iek pakacah. Thi sinh tame duk pakacah jeng hu thau cambaih quy chế tuyển sinh. Tapa tangi sua dom thi sinh di duk pakacah, kol dahlak mboh dom adei biak chreih chrai saong thau hu cấu trúc đề thi jeng ye dom quy định di mbang pakacah  Trung học phổ thông thun ini. Tapa nan meda taong yaom lac dom bruk hu caga siam saong mbang pakacah hu rah tabiak njauk  tukvak ba tabiak.

/ Meng harei 1/7, bhap bini tuk nao ngak khai sinh ka anek umo ala 6 thun meda hu ngak gam bruk tut angan thường trú saong brei harak BHYT tui quy định di thông tư liên tịch 05/2015/TTLT –BTP-CA-BYT di 3 mintri Tư pháp, công an, y tế ka bruk tacei pato jalan peih ngak liên thông dom harak gar hành chính ka bruk ngak khai sinh, tut angan thường trú, brei harak BHYT ka uranaih umo ala 6 thun. UB bhap bini pakat xã hu trách nhiệm tacei bhap bini palih ruah, đăng ký labik iek ruak camereip ka uranaih saong ngak khai sinh.

# Ủy ban bhapbini  tỉnh Ninh Thuận barau brei klak bruk brei buh jien tame padang ngak dự án sang mac điện gió Việt Mỹ di Công ty cổ phần Năng lượng Quốc tế Việt Mỹ. Dự án hu uy mban bhapbini tỉnh Ninh Thuận brei dautu di harei 11 bilan 1 thun 2012. Min, jaik ini, Công ty Cổ phần Năng lượng Quốc tế Việt Mỹ jeng hu panuac likau luai peih bruk đầu tư dự án.

/ Piah daong ka urang ngak hu labik daok tani tanat, Ub bhap bini huyện Long Thành, tỉnh Đồng Nai hu ieu dom doanh nghiệp buh jien tame padang ngak sang daok ka urang ngak. Kuhria tal urak ini, hu 8 labik sang daok hu ba tame daok, langyah sang daok ka jaik 20 ribau urang ngak. Urak ini hu gilac 4 dự án daok ngak harak gar đầu tư, padang ngak labik sang daok ka urang ngak saong urang hu jien mek tame biar di puk palei. 

# Di xã Tân Thới Thượng, huyện Hóc Môn, Kapul urang njauk jru mek klik kruac Dioxin ban raya Hồ Chí Minh bareu peih bruk padang ngak Làng Cam – sa pasak raong, iek ruak, pato bruk saong pasiam chức năng ka urang njauk jru mk klik kruac /dioxin dalam ban raya. Làng Cam hu padang ngak di mblang taneh praong 49 rabau  m2, hu rilo labik karei di gauk ye : labik trung tâm hình chính, labik raong, labik iek ruak, vật lý trị liệu…Abih tih yaom jien padang ngak jaik 100 tỷ đồng.  Công trình tui kuhria hu ngak blaoh dalam quý 4/2018.

/ Yaom lac barau yam tame bilan yuak, padai oh ralo min jaik adit ini mai yaom padai hè thu di tỉnh Trà Vinh gam gam trun, ngak ka urang nông biak duh hatai. Ong Nguyễn Văn Thành daok di xã Tân Bình, huyện Càng Long, urang barau yuak 15 công padai IR 50404 brei thau: Adit dahlau padai di labik ini daok hu 4.100 tal 4.150 đồng sa kg, min adit ini trun daok 4.000 đồng sa kg. Tui yaom yau nan urang nông hu laba biak takik. Yaom padai trun urang blei kateik yaom drei, nan ye urang nông khat lahik sap janih. Caong khin karja brei yaom padai tagok piah urang nông ngak hu laba.

 # Dom thun tapa, tỉnh An Giang pataom tame peih ngak dom bruk patrun kathaot khang kajap. Dalam tinh peih ngak hu 25 mo hinh patrun kathaot kajap ngan saong 750 baoh sang kathaot, 225 sang jaik si kathaot, saong yaom jien peih ngak abih tih 3,80 tỉ đồng. Urak ini, hu 585 sang patruh kathaot meng mo hinh nan. Tapa nan sang kathaot dalam tinh trun biak rilo, meng 9,28% thun 2011 urak ini daok jaik 3,65% . 

Patui di ini dom khau tin dunya:

/ Không khí pandiak meng châu phi tuh mai gah brak daok ngak pandiak Tây Âu. Urang ngak praong Prang patabiak dom jalan pacang pandiak đặc biệt yau peih pabah mbang dom duk hu mac điều hòa taduan bhap bini, ieu phon tacei pato dom urang mbuan gaok knjah jhak kayua pandiak yau urang taha, urang oh tabiak truh sang hu kayua ruak kik. Dom urang ngak praong cảnh báo, mbang pandiak thun ini di Prang meda khang jang thun 2003, thun pandiak khang di abih ngak ka yaok ribau urang metai..

# Trung Quốc barau sanya brei patrun bruk patagok khí thai dalam 15 thun tal. Dalam sa kham merat piah brei thau dom sanya di Bac Kinh dalam thỏa thuận chung ka alam moi truong saong My meng thun dahlau, Trung Quốc brei thau meda kham merat cakak trun lượng khí thải cácbon dahlau di thun 2030. Tui nan, Trung Quốc ba tabiak bruk lac cakak trun khí thải cacbon di yaok đơn vị Tổng sản phẩm quốc nội trun 60-65% meng ini tal thun 2030.

/ Akaok mintri chiến lược saong jien padai HQ Choi Cung Hoan brei thau, meda pok tagok pakat angaok sa đề xuất kadung jien pabak tal QH taneh ia ini samar abih nan lac harei som tal (nan lac harei 6/7). Kadung jien pabak tui kuhria meda pataom tame langyah bruk tamuh jit ruak MERS – laka jalan suak yava bhum TĐ jeng yau bruk pandiak dui atah, ndom lac dom sarak pacang cakak nan lac biak njauk  ngak./.