# Tal harei ini, taong abih 97 puk palei biên giới tỉnh Lào Cai padang hu kapul khik iek jalan tapen negar, hu jaik 5.000 baoh sang hu mbaok tame. Tapa bruk ngak ini, hu paglaong bruk ngak, labik dang di mikva puk palei dalam bruk jak ba “bhap bani pathau khan, mikva thau cambaih”, hu mbaok tame tố giác kaol kanjah jhak, duah mboh dom bruk ngak suan adat hukum  chủ quyền an ninh biên giới. Thượng tá Trịnh Quang Trung, Phaok chủ nhiệm chính trị, Bộ chỉ huy Bộ đội biên phòng tỉnh Lào Cai brei thau:   Dalam tuk peih bruk hu mboh ralo jalan ngak gheih ba mai ralo siam mekre yau bruk :kapul khik iek jalan biên cột mốc, kapul khik ramik an ninh trật tự,  dam dara nao dahlau dalam bruk khik iek biên giới, bruk pambuak talei rohim puk palei  cụm dân cư dua gah biên giới. Tapa nan patagok hu pren khang dalam bruk khik caga chủ quyền an ninh biên giới di negar.

# Pasak Y tế huyện Vĩnh Thạnh, tỉnh Bình Định urak ni hu 26 bác sỹ, dalam nan hu 10 bác sỹ tuyến xã. Pasak jeng hu ginup dom pandap panda y tế bahrau yau : Jamriak suak yava, jamriak siêu âm sambo, jamriak dut iek drah. Meng thun 2014 tal ni, Pasak Y tế huyện Vĩnh Thạnh hu iek ruak ka labaih 80 ribau urang rua, blaic draih labaih 500 mbang. Langiu di bruk iek ruak ka bhap bini, pasak dok brei 7 bác sỹ nao bac dom tal bac sap Ba Na, piah palagaih ka bruk ndom nyai nao mai song mik va bangsa Ba Na oh thau sap Yuan dalam bruk eik ruak.

# Ủy ban Bhap bani tỉnh Lâm Đồng bahrau buh tabiak meng kadung karja tỉnh  labaih 10 tỉ đồng piah daong jien blei pajaih cà phê ka dom baoh sang kathaot, baoh sang jaik kathaot, baoh sang urang bangsa takik di dom huyện Lạc Dương, Đơn Dương, Đức Trọng, Di Linh, Đam Rông…daong ka bhap bani ngak mbang, grap tanat rai diuk.

 # Hadei di 2 thun peih bruk dong “taneh ngak mbang, taneh dok, sang dok, pato bruk ngak, dong duah bruk ngak” ka urang bangsa Khmer di tỉnh Trà Vinh, tal urak ni dalam tỉnh hu dong 772.571 m2 taneh dok ka 2.000 boh sang, tui nan yaok baoh sang hu labaih 385 mét vuông taneh song yaom jien jaik 65 tỉ đồng. Lingiu di nan, daok hu daong taneh pala drak, daong salih bruk ngak, duah bruk ngak ka 367 boh sang. Tapa nan dong patrun biak rilo boh sang kan kathaat dalam bhum urang bangsa takik dalam tỉnh.

 # Tamat tukvak dua di Dự án “ba điện mai ka baoh sang oh ka hu điện, ralo meng lac bhap bani Khmer” hu patagok baoh sang hu pandar điện dalam tỉnh Sóc Trăng tagok labaih 321.000 baoh, mek hu 98,8%, dalam nan hu 94.570 baoh sang urang Khmer pandar điện negar. Urak ini tỉnh Sóc Trăng daok kuhria peih ngak vaktu klau di Dự án (meng thun 2015 tal thun 2016) ngan haong phun jien buh tabiak jaik 105 tỉ đồng, ba điện ka 8.575 baoh sang, piah ka taong abih baoh sang dalam tỉnh hu pandar điện negar.

# UB bhap bini tỉnh Hậu Giang bahrau brei buh tabiak 786 triệu đồng piah peih ngak danak dak pakat negar khik caga, iek glang uranaih dalam tỉnh thun 2015, patom tame 4 danak dak: Pathau khan, pato pakai, pachreih ba XH, paglong ilamu ka dom urang jakar ngak bruk khik caga iek glang uranaih, padang ngak song pabak bruk khik caga uranaih, padang ngak song pambak prong dom bruk dong ka uranaih kan kandah ba drei tame bhap bini. 

# Tỉnh An Giang hu labaih 3.000 urang nong hu mbaok tame ngak mô hình “hamu padai ar bingu”: angaok laok hamu, mikva pala ralo janih bingu tapen ar piah pachreih côn trùng hu kein mai njuk mật, caih mebaoh, patagok thiên địch, daong pacang halak halin khik caga padai, ngan haong mbalng taneh praong abih tih 2.160 ha. Mô hình “hamu padai ar bingu” hu dom urang ilamu taong yaom lac jalan ngak siam piah cakrok patagok siam ka laok hamu, pamong tal bruk urang nong ngak bruk tui cộng đồng, gam pandar ilamu kỹ thuật bahrau saong ba siam ka môi trường. 

 # Takik di abih 500 urang metai kayua lingik pandiak tal jaik 48 độ C di dom labik dalam negar Ấn Độ. Rajaei Ấn Độ hu panuac ieu menuac urang njauk dok dalam sang song menyum rilo ia. Tui dom urang dang akaok gah y tế puk palei, dom urang metai rilo meng lac urang ngak bruk di gah langiu pandiak, meng umo 50 thun. Urang dang akaok gah y tế hu panuac ieu menuac urang hu jalan pacang caga yau pacang padong, tuak muat, menyum rilo ia song cuk khan aow praong, laneing.

# Thái Lan pandar Mỹ ba abih bol lin saong kapal haok bahrau tamat blaoh sa mbang pathram trận angaok tasik di harei 20/5 tabiak truh Phuket dalam 5 harei, tal harei 29/5 lac harei puac abih. Mỹ dahlau di nan caong khin Thái Lan brei adat pandar mblang kapal haok Phuket dalam bruk daong ka urang tị nạn Rohingya meng Myanmar duah jalan tame Thái Lan. Min, Thái Lan oh taduan panuac caong khin nan saong tabiak panuac yau nan. Urak ini, Thái Lan, Malaysia saong Indonesia daok njauk panuac chỉ trích di manuac sia dunya ka bruk jhul gilai urang tị nạn Rohingya tabiak veik tasik.

 # 6 urang Ghi nê njauk chap kreik song brei daok karei dalam sa sang guk, hadei di tuk hu panuac lac ba tui atau di gauk gar metai kayua Ebola di angaok radeih taxi. Karja Ghi nê brei thau atau hu dom urang nan brei cuk khan aow yau urang daok diuk, brei dok kreih 3 urang karei. Dom urang ni hu duah mboh meng dom urang an ninh di chốt tui iek jit ruak Ebola. Cảnh sát brei thau, meyah hadei di 21 harei dom urang nan oh njom virut, meda njauk cáo buộc lac ngak suan adat hukum gah y tế, kayua bruk ngak di dom urang nan meda ngak ka jit ruak pambak prong./.