# Cục Thú y, Mentri ngak nong saong patagok palei pala bahrau hu harak javap jaleiy thông tin brei ka jabat báo chí. Dalam nan, bruk pasang iek vệ sinh an toàn pandap panda kaya mbang ngan haong pandap rilo menek meng  Hoa Kỳ ba tame Việt Nam, Cục Thú y brei thau, taong abih dom lô pandap rilo menuk blei tame meng Mỹ jeng hu asal cambaih laih, meng dom labik hu brei adat pablei tame Việt Nam. Cục Thú y jeng brei thau, taong abih dom lô pandap rilo menuk đông la-ar meng Hoa Kỳ ba tame Việt Nam jeng hu Mentri Ngak nong Hoa Kỳ brei harak chứng nhận khik hu vệ sinh an toàn pandap panda.

#  Ủy ban bhap bini tỉnh Bình Định bahrau mbaoh tangin tame harak brei peih ngak đề án “ Patagok bruk rong ba limo railaow chất lượng glong dalam boh sang urang nong di tỉnh Bình Định, tuk vak 2015-2020”, ngan song yaom jien labaih  6.200 tỷ đồng. Bruk ngak ini piah jhul pakhang patagok bruk rong limo hu năng suất, chất lượng glong. Tui kuhria, kein liba KT kayua đề án ba mai dalam tuk vak 2015-2020 labaih 3.800 tỷ đồng. Đề án jeng hu ba bruk ngak, patagok jien mek tame ka labaih 11 ribau urang ngak di palei pala.

# Meng akaok thun tal ini, dalam tỉnh Gia Lai hu 1.500 urang njauk ruak pandiak dom. Nan ye, Dự án daong brei paning pruh hóa chất pacang cakak jamaok hu peih ngak pak palei pala nan lac bruk siam saong njauk nga. Yau nan min, anak meta, siam lagaih di dom blah paning dalam dự án njauk hu pasang iek veik ka nyu catang, plaih palai pajua. Gia Lai nan lac sa dalam 14 puk palei dalam negar hu mbang tui Dự án pacang caga ruak pandiak dom RAI kayua Kadung jien dunya pacang, caga HIV/AIDS, lao saong pandiak dom daong brei saong yaom jien abih tih labaih 42 tỷ đồng.

          # Ban raya HCM bahrau peih pakak song ba tame pandar Khu kỹ thuật Viện Tim ban raya Hồ Chí Minh, hadei di 2 thun pasiam veik, ngan song yaom jien abih tih labaih 102 tỷ đồng. Danak dak hu padang ngak tui jalan bahrau piah peih tabiak dom ilamu dalam ka tim mach. Ni lac bruk ngak piah duh ka bhap bini ban raya song gah merong negar dalam bruk iek glang saong pasiam ruak tim mach, patrun bruk quá tải dalam bruk laic draih song iek ruak ka bhap bini.

# Ong Lê Văn Dành, Akaok Sở Công thương tỉnh Đồng Nai brei thau, jalan cakrok patagok bruk ngak kong di tỉnh tukvak anak tal nan lac pataom tame patagok “hijao” saong khang kajap; dalam nan, patagok tỷ trọng gah ngak kong công nghệ glaong, công nghiệp hỗ trợ, siam lagaih ka môi trường. Kham merat tal thun 2015, yaom pandap gah ngak kong dalam tỉnh tagok 12 - 13% dut haong thun 2014; cơ cấu giá trị ngak tabiak gah ngak kong mũi nhọn, meblah 44,4% thun 2015.

# Dalam nyaom biai peih tabiak jalan ngak saong bruk ngak ka thun bac 2015-2016, ong Đổng Ngọc Lập, Giám đốc Sở pato megru Tây Ninh brei thau, thun bac 2015-2016 lac thun bac peih bruk salih bahrau praong, tong abih gah pato megru, patagok bruk pato megru. Piah ngak siam jalan ngak ni, gah pato megru tỉnh Tây Ninh sangka tal bruk pato pakai di bhum atah bayah, bhum tapen negar, sangka dom pakat tiểu học, pasiam dom bruk oh njauk gah pato dahlau danak dak tal sa, pato thêm, bac thêm. Taphia di nan, jhul pakhang bruk padang ngak sang bac phổ thông mek hu tanut chuẩn, patagok bruk ba công nghệ thông tin tame pato song bac, patagok bruk tacei pato hướng nghiệp ka pakat  trung học.

# 5 thun tapa (2010 -2015), raja-ei dom pakat, dom ngành saong bhap bani dalam tỉnh Bến Tre hu jak ba, rik daong jaik 2.675 tỉ đồng padang ngak bahrau, pasiam 4.566 km jalan huyện, liên xã, ấp, jalan nội đồng; padang ngak bahrau saong pasiam veik 1.204 baoh tatua angaok jalan huyện, xã, ấp. Bhap bani dalam tỉnh hu alin brei taneh piah padang ngak tatua, jalan palei pala, abih labaih 52 tỉ đồng saong 185 ribau harei  ngak./.