# Cục khik iek jru tavao (Mentri Y tế) bahrau hu harak payua tal Sở Y tế dom tỉnh, bal, dom sang iek ruak di mentri, Tổng Công ty Dược Việt Nam saong dom jabat ngak tabiak, blei tame jru piah pandar dom jabat ini khik caga pabak ginup jru brei ka bruk khám,  iek ruak tukvak Tết Nguyên đán Ất Mùi saong caga pacang meyah hu jit ruak rah tabiak. Ngan haong dom sang iek ruak daok dalam Mentri, Cục Khik iek Dược padnar dom jabat caga jru piah pabak brei.

# Pagaiy 26/1, Sở pato megru tỉnh Đắc Lắc pambuak bruk saong Bộ Chỉ huy quân sự tỉnh peih hội thao pato pakai quốc phòng an ninh nek saih trung học phổ thông. Hội thao hu  mbaok 468 vận động viên di 52 sang bac trung học phổ thông dalam tỉnh Đắc Lắc. Dom vận động viên pataom tame dom mon pakacah ye : duah thau ka quốc phòng an ninh, điều lệnh đội ngũ, dom tư thế, động tác ngak di chiến trường; pakacah cuh đạn biak phao tiểu liên AK, pakacah glum lựu đạn, peih bruk taoh, pagam phao AK saong băng bó cứu thương…

# Tỉnh Kon Tum tui kuhria dahlau 5 thun anak tal (2016-2020) meda daong pato bruk ngak ka 16.500 urang ngak palei pala, patagok urang ngak tapa pato megru hu jaik 55% saong urang ngak tapa pato bruk ngak hu 40%. Piah ngak hu bruk nan, Kon Tum thau lac xã hội hóa bruk pato bruk ngak, pambuak haong dom labik pato langiu tỉnh, pato dom bruk ngak hu ilamu tangin ngak glaong. Abih di nyu tỉnh hu jalan daong, pachreih gru pato lac dom nghệ nhân, thợ kỹ thuật glaong saong urang ngak mbang naih jioi hu mbaok tame pato bruk ngak.            

# Piah pabak bruk caong khin sang daok ka dom sang hu jien mek tame bair di do thi, urang ngak di dom khu công nghiệp, khu chế xuất, cụm công nghiệp…di thun 2015, Ủy ban bhapbini tỉnh Tây Ninh pataom tame padang ngak 7 danakdak sang daok ngan saong 2.385 baok sang ka jaik 10.000 menuac saong 4 danakdak sang daok ka urang ngak ngan saong labaih 2000 duk duh ka jaik 20.000 urang ngak. Abih tih jien peih ngak danakdak sang daok xã hội jaik 2.130 tỷ đồng.  

# Tỉnh Bạc Liêu bahrau peih bruk  padang ngak sang mac ngak tabiak saong gia công pandap jik pet kayua Công ty Trách nhiệm hữu hạn sa thành viên Pinetree (Hàn Quốc) ngak po đầu tư. Dự án hu phun jien labaih 106 tỷ đồng (labaih 5 triệu USD), hu padang ngak angaok mblang taneh labaih  41000 m2. Dalam nan hu dom hạng mục: 2 sang xưởng, căn tin, sang mbang, sang daok, sang điều hành, labik pataok radaih, pabah mbang, paga pacang, sang khik iek, jalan nội bộ, phun hijao, jalan gom hadah, jalan aia, hệ thống xử lý aia neriak tachuac… Tui kuhria bilan 6/2015 hu ngak salah saong ba tame ngak bruk.

# Tui ông Lâm Văn Ô - Phó akaok Ủy ban bhapbini xã Bảo Thuận, huyện Ba Tri , tỉnh Bến Tre, kayua triều cường, ia tasik glaong, angin khang, riyak praong paoh tame ar, ngak ka bruk glut jaleih di Cồn Ngoài,  ấp Thạnh Hải, xã Bảo Thuận dak harei dak praong, mbuan ngak khut jalan saong tatua nao mai dalam ấp, ngak kan kandah tal pala drak saong raidiuk di labaih 50 sang bhapbini di ấp ini.  

 # Tỉnh Đồng Tháp hu panuac caong brei buh jien tame ngak dahlau 7 dự án piah pacang biến đổi khí hậu meng thun 2015-2020, saong yaom jien labaih 3.700 tỷ đồng. Bruk ngak di dự án piah paglaong pren pacang caga, palagaih haong bruk biến đổi khí hậu, khik kajap bruk patagok kinh tế - xã hội, pacang caga saong patrun patakik bala meng langik tasik kayua biến đổi khí hậu, khik caga rai diuk di bhap bani. 

 Patui di ini lac khaw tin dunya 

 # Di Indonesia, rajaei taneh ia ini daok kuhria peih praong saong hien dai hoa 5 cang tasik di thun ini. Ini lac sa  dalam dom bruk dak padang saong peih praong  24 cảng dalam taneh ia tal thun 2019 ngan saong yaom jien jaik 5 tal 6 tỷ USD tui danakdak patagok tasik di rajaei. 

 # Tapa duah thau ka darak pasar di hãng Lundberg hu khan brei thau di harei 25/1, urang blei pandar di Mỹ daok hu pandar yaom xăng menyek biar di abih kuhria dalam 6 thun tapa. Yaom xang menyek di Mỹ trun tal tanut biar di abih mai meng bruk menyek tamo di dunya gam gam laik yaom dalam tukvak jaik di ini.

# Dom urang ilamu dalam Viện Kỹ thuật Sinh học saong Công nghệ nano (IBN) Singapore bahrau ngak tabiak hu sa bộ kit pal tangin meda duah mboh samar dom ruak njaom mbak dalam dua tuk. Jamriak ini ini meda duah mboh virus njaom mbak bhian hu ralo, dalam nan hu virus cúm menuk ada H1N1 saong hội chứng hô hấp cấp tính trak, meng ruak kik, darah saong aia tabah dalam vaktu katut panak./.