# Di tuk peih bruk pok meyaom dom công trình, pandap panda, dịch vụ hadah krah tukvak 2011 – 2015 kayua Đảng ủy Khối Doanh nghiệp Trung ương bahrau peih ngak,  Phaok Thủ tướng Nguyễn Xuân Phúc mai hu mbaok saong pok harak chứng nhận brei ka 62 công trình, pandap panda, dịch vụ hadah krah. Dom công trình, pandap panda, dịch vụ hu pok brei mbang ini hu yaom abih tih labaih 200 ribau tỷ đồng, dalam nan hu gah năng lượng, pajeng ba nao mai, công nghệ thông tin, ngak nong, an sinh xã hội, cơ chế sarak.

# Gah cao su dok dang anak bruk labaih pandap rilo dalam kho, ba tal bruk trun yaom. Bruk pablei cao su tabiak negar langiu dok pagam pambak rilo tame Trung Quốc. Min bruk njauk uan tabuan nan lac dahlau deih darak pasa ni meblah tal 70% yaom pablei tabiak negar langiu, urak ini trun daok 50%. Tui Hiệp hội Cao su Việt Nam, bruk pablei tabiak negar lingiu cao su tamo dalam thun ni meda tagok tal labaih 1 triệu tấn song yaom jien mek tame hu labaih  1 tỉ 600 triệu đô la.         

# Nyaom darak Giáng sinh dunya 2015 hu peih tabiak di harei 29-11 pak bal ine Praha di cộng hòa Séc, hu mbaok labaih 50 negar angaok dunya, dalam nan hu Việt Nam. Nyaom darak hu Hiệp hội phu nhân, phu quân ngoại giao peih ngak yaok thun pak cộng hòa Séc piah daong dom dự án pahla pak ini. Thun 2015 saong 2016 Việt Nam hu pok ngak Chủ tịch Hiệp hội ini piah peih ngak saong điều phối dom bruk ngak, dalam nan kadha prong di abih lac peih Nyaom darak Giáng sinh dunya.

# Dalam 5 thun ni mai, di tỉnh Gia Lai hu 487 bruk pagam tal dam dara, dalam nan hu 716 bị cáo umo dam dara song 805 dam dara hu dong ba, cảm hóa, pato pakai piah mai veik jalan siam. Piah pasiam bruk ni, dom puk palei dalam tỉnh brei duah thau cambaih laih jang, abih di nyu nan lac dam dara mbuan laik tame jalan phạm tội, pambuak bruk khang kajap meng karja, kapul nyaom tal boh sang piah langyah.

# Ủy ban bhap bani tỉnh Cà Mau daok peih dom jalan ngak catang adat hukum khik iek phao ndao, pandap patuh…. saong dom văn bản tacei pato peih ngak pháp lệnh di dom bộ, ngành Trung ương. Gah chức năng di tỉnh meda nao pasang iek saong peih mbang tabung glaong jak ba taong abih bhap bani jao nộp vũ khí, pandap patuh, công cụ hỗ trợ. Tapa nan, paglaong siam mekre bruk mesruh metak pacang cakak kaol tội phạm, khik caga an ninh, trật tự xã hội dalam tỉnh. 

# Dalam dom bruk ngak di adit ilamu – du lịch pahadar 250 thun harei menek đại thi hào Nguyễn Du, urang hu angan je ilamu dunya, huyện Nghi Xuân ( Hà Tĩnh) hu peih chung kết pakacah duah thau rai duik, bruk ngak di Đại thi hào.  Mban peih bruk hu jao giải nhất ka sang bac Trung học cơ sở Nguyễn Trãi, ban sit Nghi Xuân, giải nhì ka sang bac Trung học phổ thông Nguyễn Du song 2 giải 3 ka sang bac Trung học cơ sở Cương Gián song Trung học cơ sở Đan Trường Hội .

#  Pak tỉnh Bến Tre, Báo Sài Gòn Giải phóng pambuak haong Công ty Bảo hiểm Nhân thọ Prudential Việt Nam peih bruk pok brei giải: “Prudential- Văn Hay akhar siam mbang ka 12”. Bruk pakacah: “Prudential - Văn Hay akhar siam mbang ka 12” pachreih hu labaih 300 thí sinh meng khối tal 6 tal tal 9 di 12 tỉnh, bal dalam bhum taneran kraong Cửu Long mai hu mbaok. Tapa nan hu 36 thí sinh xuất sắc di abih. Bruk pakacah hu daong ka anek saih pathram vak akhar, vak văn, daong pachreih tài năng văn học ranaih ka taneh aia. 

Khaw tin dunya:

# Harei 30/11 Tổng thống Mỹ Barắc Ôbama (Barack Obama hu mbaok di sang doh Bataclan, negar Prang piah pok bingu, hadar tal 129 urang metai dalam mbang  tấn công khủng bố Pari harei 13/11 meng bloh, hadei di tuk ong yam takai tal ban ine Pari piah hu mbaok dalam nyaom biai pacang biến đổi khí hậu (COP-21).  Sang doh Bataclan hu padang ngak di thun 1864, hu ginup labik daok ka labaih 1 ribau 500 urang, lac labik rah tabiak rilo bruk prong, rilo danak dak doh tako hu angan di Pari.

#  Mentri Ngoại giao Lào brei thau negar ini peih bruk ngak hộ chiếu điện tử ka dom urang ngoại giao meng akaok thun tal, dalam tuk urang jakar saong bhap bani Lào hu ngak janih hộ chiếu hiện đại ini meng kreh thun 2016. Dự án ini hu peih ngak meng thun 2012 hu bruk daong di Raja-ei Nga saong Công ty International Book-Security di Nga. Tal urak ini, taong abih bruk kuhria caga meng nhân sự tal cơ sở hạ tầng ka bruk tabiak rai hộ chiếu điện tử pak Lào hu salah blaoh.

# Dalam 15 thun tapa, dam dara metai kayua ruak AIDS tagok jang 3 mbang, song yaok tuk  hu 26 urang njom ruak bahrau di umo dam dara. Kadung jien uranaih LHQ hu tabiak panuac khan ngak brei tatuak drei ini di harei 27/11. Amuk Craig McClure (Crây Mắc-ca-lu) – Akaok danak dak HIV/AIDS dunya di UNICEF – brei thau ‘ Dom dam dara dương tính song HIV njauk hu iek ruak, iek glang song dong ba. Dalam tuk nan, dom urang khang kadang brei hu pato pakai ka ilamu song jalan pacang caga ruak ni./.