# Mentri Ilamo – Padhih saong rivang ma-in bahrau brei thau quyết định ka bruk pok brei harak meyaom ka 4 kapul nyaom saong 187 manuac urang hu thành tích xuất sắc pak dom giải đấu Dunya 2015. Dalam nan caoh mbanh futsal hu dua kapul nyaom nan lac Klup kapul Thái Sơn Nam saong Klup kapul futsal kamei Thái Sơn Nam gam haong dom cá nhân likei kumei hu thành tích rik daong tame bruk jayak di Klup kapul Thái Sơn Nam mek hu Huy chương đồng  giải vô địch dom Klup kapul Futsal Châu Á 2015 peih tabiak pak Iran jeng yau Klup kapul  Kamei Thái Sơn Nam mek hu Huy chương ameh giải Cúp dom Klup kapul futsal kamei Đông Nam Á 2015 di Thái Lan.

# Kapul ngak bruk di mintri ngak nong song patagok palei pala kayua ong Cao Đức Phát, akaok mintri ba akaok kapul hu nao pasang iek bruk pandiak bhang di tỉnh Đắk Lắk. Ong Cao Đức Phát hu panuac ka tỉnh Đắk Lắk njauk tui iek tantu dom dự báo piah angaok nan padang dom bruk pacang cakak, samu jalan ia tagok bruk pandar ia siam lagaih, pandar ia patak patom.

# Piah khik an toàn giao thông, patrun patakik bala, Sở Giao thông Vận tải bal Đà Nẵng brei caik labaih 20 biển báo hạn chế tốc độ ngan haong radaih nao mai angaok jalan Cách mạng Tháng Tám. Hu thau, meng akaok thun tal ini, dalam bal Đà Nẵng rah tabiak 25 mbang bala angaok jalan mbak nao mai, dalam nan hu 4 mbang pambuak pagam tal radaih tải ngak 3 urang metai.

# Hadei di yaok pluh tuk kham merat pandam apui, mbang khuak prong di Khu Bảo tồn thiên nhiên Hoàng Liên -  Văn Bàn (Lào Cai) bahrau pandam hu. Ni lac mbang khuak glai prong abih dalam rilo thun tapa hu mboh di labik ni. Kayua glai daok di labik glong song hangin yuk khang yau nan ye bruk pandam pui biak kan kandah. Taneh glai njauk khat lihik labaih 8 ha. Urak ni dok dalam tuk thu lagu, mbuan si rah tabiak khuah glai, dom puk palei njauk samar ba menuac song pandap panda piah caga pandam pui tuk khuah.

# Anak bruk mehit lac hu sa urang metai pak tỉnh Hải Dương kayua njaom vi khuẩn não mô cầu, ralo bhap bani pak bal raya Hồ Chí Minh duah nao tal dom labik y tế piah kluak jru pacang caga ka uranaih min dom labik ini abih vắc xin pacang caga viêm não mô cầu. Dom chuyên gia kakei lac bhap bani njauk bình tĩnh kayua vi khuẩn não mô cầu tok ngak jeng ruak angaok sa cơ địa đặc biệt saong biak mbuan pametai meng dom ia jru sát khuẩn thông thường atau meng rao tangin.

# Rah tabiak dalam 5 harei meng harei 18 tal harei 23/3 di tỉnh Kon Tum, danak dak harei patom ilamu nghệ thuật bhap bini Tây Nguyên gam song adit ilamu, du lịch tỉnh Kon Tum mbanfg ka 3 thun 2016 meda hu jiak 600 nghệ nhân di 10 bangsa adei saai dok di 5 tỉnh Tây Nguyên hu mbao. Taphia di nan, tỉnh meda peih harei pataom pandap mbang huak, yaih khan 30 janih pandap mbang di tinh song rilo tuor du lịch. 

# Pak Cần Thơ, Mban peih bruk jak ba saong pathau khan Kỷ vật dakrai sajarah công an bhap bani bahrau peih bruk taduan mek saong Parang iek “Kỷ vật dak rai sajarah công an bhap bani”. Mban peih bruk hu taduan mek labaih  200 kỷ vật meng dom tỉnh bal bhum taneran kraong Cửu Long. Kuhria tal puac bilan 2 meng blaoh, hadei di 3 thun peih bruk jak ba saong pathau khan Kỷ vật dak rai sajarah công an bhap bani, Mban peih bruk hu roh duah saong taduan mek 4.800 kỷ vật tiêu biểu.

Khaw tin dunya:

# Hadei di rilo thun padeih, rajaei Nam Phi brei thau, negar ni brei peih bruk khai thac đá phiến dalam thun anak tal. Yaom menyek beir lac sa dalam dom makna ngak ka rilo công ty menyek tabiak truh dự án ngak khí đá phiến di vịnh Ka-ru (Karoo) di negar ni. Yaom menyek dunya dalam dom harei akaok bilan 3 hu hjadah hadai tagok tuk Tổng thống Nga Vla-đi-mia Pu-tin (Vladimir Putin) bahrau ni hu panuaclac dom kapul nyaom ngak menyek di negar ni njauk gauk brei patrun sản lượng yau panuac ba tabiak bilan dahlau di Nga song A-rập Xê-út piah dui patagok yaom menyek.

# Hàn Quốc tabiak lệnh pakuac ghe gilai hu pataok tame pabah lamnge Triều Tiên dalam 180 harei tapa tame bhum tasik di Hàn Quốc. Bruk ngak ini piah peih ngak catang dom jalan pakuac khang abih meng dahlau mai bo Hội đồng bảo an Liên hợp quốc hu ba tabiak meng adit dahlau, tui nan taong abih pandap panda mai tal saong mai meng Triều Tiên ye njauk pasang iek jeng yau pakuac oh blei tame dom janih khoáng sản meng Triều Tiên - sa jalan duah jien tame praong Trieu Tien.

# Dalam kham merat patrun dom kanyah jah meda rah tabiak kayua pandiak bhang dui atah, Ủy ban thường trực ka bruk pablei salih, Công nghiệp song gilang pariak Thái Lan hu  panuac ieu dom nhà sản xuất công nghiệp negar ni patrun, patakik ia pandar. Dahlau di nan, Mintri ngak nong Thái Lan jeng hu panuac ieu saong ba tabiak rilo jalan ngak piah pachreih urang nong negar ni salih tapa pala dom janih phun oh pandar rilo ia song patrun taneh ngak padai bilan Xuân - Hè./.