# Thủ tướng Raja-ei bahrau brei ramik veik asal kadha Quyết định ka 1576/QĐ-TTg harei 11/9/2015 di Thủ tướng raja-ei ka bruk mboh tangin tame talei angan Dự án "Đầu tư lưới điện truyền tải 3". Tui nan, Dự án angaok nan hu peih ngak atah jang 1thun meteh, meng 3 thun (2015 - 2018) tagok 4 thun meteh (tal harei 30/6/2020). Jalan ngak di Dự án nan, piah peih prong saong patagok dom jalan talei ba điện dalam negar; patrun quá tải ka lưới điện negar saong pabak bruk pandar điện ka dom labik hu Dự án.

# Rajaei bahrau  tabiak Nghị định ka bruk dong, phụ cấp ka dom công chức, viên chứ, urang ngak ngak bruk di dom labik khik iek urang njeil jru phiel, urang hadei di   cai nghiện ma túy song cơ sở dong ba XH công lập, dalam nan tacei lac phụ cấp glong abih lac 70%.  Nghị định nan tacei lac, công chức, viên chức ngak bruk di labik khik iek urang njeil jru phiel song urang hadei di cai nghiện ma túy yau: Cơ sở iek ruak njeil halan hatain, cơ sở iek ruak njeil bắt buộc; cơ sở xã hội; pato bruk ngak song dong duah bruk ngak ka urang hadei di cai nghiện ma túy hu mbang jien daong takik abih meng 500 ribau đồng sa urang sa bilan.

# Thủ tướng raja-ei bahrau njauk hatai ka bruk buh jien tame ngak Dự án jalan 991 meng Quốc lộ 51 tal pabah lamnge Cái Mép, huyện Tân Thành, tỉnh Bà Rịa-Vũng Tàu. Thủ tướng raja-ei jao ka Ủy ban Bhap bani tỉnh Bà Rịa - Vũng Tàu peih ngak dự án tui njauk adat hukum ka bruk padang ngak saong đầu tư công, khik kajap bruk patak pataom saong kein laba kinh tế - xã hội di dự án. Dự án jalan 991 meng quốc lộ 51 tal pabah lamnge Cái Mép atah jaik 10km, akaok jalan pagam haong quốc lộ 51, labik puac abih pagam haong jalan liên cảng Cái Mép - Thị Vải. Dự án hu yaom jien buh tame ngak 3.232 tỷ đồng.

#/ Tỉnh Quảng Bình bahrau peih bruk pachreih tui “ harei tong abih bhap bini brei darah halan hatain” thun 2016. Hadei di tuk peih bruk, jiak 499 urang jakar, công chức, viên chức, đoàn viên, dam dara di ban sit Đồng Hới, tỉnh Quảng Bình hu mbaok tame brei labaih 300 đơn vị drah. Ong Cao Quang Cảnh, Akaok  Hội Chữ thập đỏ tỉnh Quảng Bình brei thau: Lễ peih ngak ni piah pathau khan jak ba song hu panuac ieu bhap bini, abih di nyu nan lac ayuh ranaih umo chreih chrai hu mbaok brei drah halan hatain piah pabak ka gilang darah di dom sang iek ruak dalam tỉnh jang yau dalam khu vực, piah cấp cứu chip urang ruak tuk kurang drah.

# Mban tacei pato jak ba brei darah pahla bal Đà Nẵng hu peih bruk pok meyaom 112 kapul nyaom, manuac urang saong baoh sang hu thành tích xuất sắc dalam bruk daong brei darah pahla. 5 thun tapa, yaok ribau ayut sahabat ranaih, bhap bani dalam bal ini hu brei labaih 153.000 đơn vị darah, pabak hu taong abih bruk brei darah cấp cứu saong điều trị ka dom sang iek ruak. Ong Hữu Thành, Akaok Klup kapul gilang darah diuk quận Thanh Khê, bal Đà Nẵng brei thau: 33 mbang brei darah, brei darah blaoh dahlak mboh siam min. Jeng caong khin dom ayut sahabat ranaih hu mbaok tame ralo, pambak prong piah ka manuac urang jeng hu mbaok tame brei darah daong hu ralo manuac urang jang.

# Tuk vak jiak di ni yaok rituh ha glai tamo tapen jalan Roya 28 (xã Quảng Sơn, huyện Đắk G’long, tỉnh Đác Nông) di tiểu khu 1764 kayua Công ty trách nhiệm hữu hạn một thành viên lâm nghiệp Đắk N’Tao khik iek njauk tah klak piah mek kayau, song peih prong taneh pala drak, min dom gah chức năng jeng oh ka hu jalan ngak halei khang piah langyah. Dom urang mek kayau suan hukum hu ngak sa jalan ( labik gah anak mbaok xưởng kayau Cầu 25) piah pajeng kayau dalam glai tabiak jalan roya 28 bloh am gha phun dok veik piah mek taneh pala bei blom song dom janih phun công nghiệp yau cà-phê, am riak kalu.

# Chi cục An toàn vệ sinh pandap panda bal raya Hồ Chí Minh brei thau: dalam bilan 3, Chi cục hu taong phạt hành chính 5 cơ sở ngak suan dom adat hukum ka an toàn vệ sinh pandap panda. Dom cửa hàng mbang menyum ini njauk taong phạt kayua  labik ngak pandap mbang oh haci hacih; oh hu harak chứng nhận lac labik ginup điều kiện an toàn pandap panda tui njauk adat hukum; oh hu ginup trang thiết bị, pandap panda njauk haong adat hukum piah khik ramik pandap mbang menyum…

 Khaw tin dunya:

# Di ban ine Viêng Chăn (Vientiane) – Lào bahrau rah tabiak ginum biai Việt Nam-Lào ka bruk patagok pacang caga pablei salih suan adat drap ar meng langik tasik tapa jalan negar, hu mbaok di dom gah công an, biên phòng, kiểm lâm, khik ramik darak pasa  di VN song Lào. Danak dak kayua Jabat pacang caga ma túy song tội phạm Liên hợp quốc (UNODC) peih ngak. Tapa nan, dom urang lambaok hu ginum biai dom jalan ngak piah pacang cakak khang,  jang yau bruk pambuak gauk ngak di gah chức năng 2 negar dalam tuk vak anak tal.

# Urang tabiak panuac di Raja-ei Palextin (Palestine) Du-xép An Ma-mút (Youssef al- Mahmoud) bahrau pok sap iew bhap bani angaok dunya njauk hu mbaok tame chip saong pacang cakak veik bruk peih prong labik daok pak Bờ Tây di karja Ixraen (Israel). Tukvak tapa, jalan ngak 2 karja piah padeih bruk mesruh metak di Ixraen – Palextin daok laik tame jalan kan si ngak hu. Bhap bani dunya duh hatai lac daok livik meng padang hu sa karja Palextin độc lập meyah dom bruk  mek taneh riya di Palextin saong peih prong labik daok ka urang Do Thái daok rah tabiak.

# Báo Y-ô-mi-ri (Yomiuri) di  Nhật Bản bahrau brei thau Vn  lac sa dalam 7 negar bhum Châu Á-Thái Bình Dương hu mbaok tame nyaom biai dom negar patagok (G7) tui kuhria hu rah tabiak dalam 2 harei 26 tal 27/5 di  tỉnh Mi-e (Mie)  di Nhật Bản. Tui nan, langiu VN daok hu Lào, In-đô-nê-xia, Băng-la-đét, Xri-lan-ca và Pa-pua Niu Ghi-nê. Cộng hòa Sát lac sa negar Châu phi taduan hu panuac daa di nyaom biai peih prong ni./.