Khaw tin 6h30 harei 1/2/16

#/ Công ty Điện lực miền Trung hu pambuak điện, ba điện ka jiak 100 boh sang di palao Bé, xã An Bình, huyện đảo Lý Sơn, tỉnh Quảng Ngãi. Bruk buh jien tabiak padang ngak danak dak ba điện ka xã palao An Bình hu makna prong dalam bruk patagok KTXH, patagok rai duik di urang dok di palao. Langiu di bruk dân sinh, danak dak dok hu rik dong ka bruk khik caga chủ quyền di taneh ia. 

# Nyaom darak khuyến mãi Xuân Quảng Nam thun 2016 rah tabiak di ban sit Tam Kỳ, tỉnh Quảng Nam pachreih hu jaik 200 doanh nghiệp ngan saong  350 gian pandap pablei pandap tết. Ini jeng lac bruk pachreih tui mbang jak ba “ Urang Việt Nam dahlau di abih njauk pandar pandap Việt Nam”. Tapa nan, hu peih bruk pok meyaom, jao thưởng saong parang iek 20 pandap công nghiệp palei pala gheih mekre di tỉnh Quảng Nam thun 2015 piah ka bhapbini iek, blei .

          #/ Miunyim tỉnh Khánh Hòa, dok parang tabiak labaih 300 pandap klak, drap ar saman cổ đại, hu duah mboh dalam haluk di tỉnh Khánh Hòa. Bruk parang tabiak dom pandap klak nan piah duah thau ka dom ilamu roh duah di labik ni. Tapa nan, pato pakai ka bhap bini song abih di nyu nan lac rairah dam dara thau ka nền văn minh cổ đại Khánh Hòa.

# Kapul Chữ thập đỏ Việt Nam hu peih bruk alin máy thông tin liên lạc tầm atah  (ICOM) ka urang ngak ikan dom tỉnh, ban tapeng tasik. Ini lac dnakdak daok dalam bruk pambuak pagam Biển Đông kayua Trung ương kapul Chữ thập đỏ Việt Nam pambuak bruk saong mintri Thông tin - Truyền thông saong dom labik peih ngak piah daong urang ngak ikan hu thiết bị thông tin liên lạc, samal thau bruk lingik tasik piah pacang plaih bala angaok tasik . 

#/ Tỉnh Phú Yên urak ni hu 40 dự án đầu tư meng 16 negar, tui yaom phun jien abih tih labaih 4 tỷ 500 triệu USD. Tui kuhria mboh di Ub bhap bini tỉnh, thun 2016 caong hu rilo urang ngak jang, dong ba bruk ngak ka urang ngak palei pala. Nan lac dom dự án sang mac halang menyek Vũng Rô, Labik du lịch praong New City Việt Nam, Khu du lịch tasik palao  Sunrise Phú Yên song dom dự án hu ngak bloh harak gar padang ngak meda hu peih ngak dalam thun ni. 

# Liên đoàn Lao động tỉnh Vĩnh Long peih bruk “Tết sum vầy” ka 100 urang ngak di khu công nghiệp Hòa Phú. Liên đoàn Lao động tỉnh jeng jak ba hu 300 paok pandap, yaok paok yaom 500.000 đồng saong ba dom kapul  nao ravang, alin pandap, pachreih dom urang ngak sang kan kandah di harei Tết Nguyên đán. 

#/ Piah iek glang rai duik mbang ngui ka urang ngak, Ban Quản lý Khu chế xuất song Công nghiệp pambuak bruk song Kadung jien daong urang ngak ban raya Hồ Chí Minh, Công ty du lịch Suối Tiên mbaoh tangin tame danak dak giải trí công nhân, tapa nan patrun 25% yaom harak vé ka dom urang ngak mai bui main di Suối Tiên. Kadung jien daong urang ngak ban raya brei thau, hu peih 7 harei iek glang pren yava ka urang ngak di dom khu chế xuất, khu công nghiệp song peih ngak danak dak doh tako pamơ rơ 2.800 urang ngak. Abih tih yaom jien DN iek glang tết ka urang ngak labaih 50 tỷ đồng.

          Khaw tin dunya 

# Thủ tướng Campuchia Hun Sen hu panuac ieu yaok bhapbini Campuchia njauk klak pakao hala piah ngak ka Campuchia jeng sa taneh ia oh hu sak pakao. Thủ tướng brei thau, dalam luac 22 bilan tapa, ông Hun Sen padeih njuk pakao hala saong oh daok sahaneng hagait tal pakao hala. Tui Thủ tướng, klak pakao hala gam patak pataom hu jien ka sang gam khik hu pren yava ka rup drei.

#/ Gah y tế dom negar Trung song Nam Mỹ dok dang anak bruk pacang jit ruak kayua virút Zika pambak samar . Rajaei Braxin brei thau, brei 220 ribau urang lin nao grauk labik di negar ni piah pacang caga jamuk vằn, janih jamuk meda hu virút Zika. Karja jeng brei pruh jru pametai anek ruak di dom puk palei saong dom labik du lịch dahlau di tuk rija Các-na-van yaok thun hu peih tabiak./.

# Báo Bưu điện Oa-sinh-tơn (Washington Post) brei thau,  Mỹ hu labaih 10 urang njaom virus Zika, saong taong abih dom urang nan jeng barau mai meng bhum Mỹ Latinh saong Caribê labik virut ini daok tamuhkhang. Pasak pacang caga saong pasang iek jiet ruak hu panuac kakei urang kamei daok hu tung litran jhui nao tal dom taneh ia daok hu vi-rút Zika pambak praong, meyah hu bruk njauk nao tal dom taneh ia ini njauk tangi sua Bác sỹ saong pandar dom bruk plaih di jamaok kaik.