# Tui quyết định bahrau patabiak di Mentri Ilamo Padhih saong rivang ma-in, Học viện Âm nhạc negar Việt Nam nan lac jabat hu jao brei bruk pambuak haong Sở Ilamo padhih saong rivang ma-in Tuyên Quang gam haong dom jabat chức năng peih ngak nyaom biai ilamu dunya Khik ramik saong patagok yaom di sản Then di dom bangsa Tày, Nùng, Thái pak Việt Nam. Nyaom biai meda rah tabiak dalam dua harei 25 saong   26/9 di Pasak Nyaom biai tỉnh Tuyên Quang.

# Tal tukvak ini, dom dhar gilang pariak pablei salih dalam tỉnh Quảng Ngãi hu tut angan tame pambuak bruk brei mesraiy saong 11 po kapal, sanya brei mesraiy labaih 88 tỷ đồng. Tỉnh Quảng Ngãi daok tacei pato dom sở, ngành, karja palei pambuak saong dom gilang pariak pablei salih tacei pato, daong palagaih di abih piah dom urang taong cap ikan ngak harak gar, hu mesraiy samar di abih.

# Tukvak 2011-2015, tỉnh Quảng Nam hu pataom taong abih pren yava peih ngak danak dak bruk ngak pakat negar ka Dân số saong Kế hoạch hóa gia đình saong mek hu dom jak jeng praong, daong ngak brei patagok kinh tế, xã hội di puk palei. Bruk menek anek ka 3 patrun,  meng labaih 24% dalam thun 2010 trun daok 16% dalam thun 2014. Anek likei anek kumei mboh samur gauk. Chất lượng dân số dak thun dak pasiam kayua hu khám sàng lọc dahlau di tuk menek saong bahrau menek tabiak.

# Mban tacei pato đề án “patagok pathau khan, pato megru hukum ka urang jakar, bhap bini labik taphia negar, pulao tasik tukvak 2013 – 2016” di tỉnh Kon Tum barau jao 7 tu tapuk hukum saong 7 bộ bàn ge, yaom 120 triệu đồng ka xã Đắk Nhoong, huyện Đắk Glei. Bruk ngak ini hu daong ka bruk pathau khan, pato hukum ka urang jakar saong bhap bini dalam xã taphia negar Đắk Nhoong hu siam lagaih jang.

# Meng kaok thun tal ini, tỉnh Bạc Liêu hu parabha dom jabat, đơn vị taduan raong 173 Amaik Việt Nam Anh hùng bahrau hu pok brei angan, daong yaok bilan 212 thương binh 1/4, 2/4 gaok kan kandah dalam rai diuk ngan haong yaom jien 1 triệu đồng sa urang sa bilan. Taphia di nan, Bạc Liêu hu peih ngak dom sarak ưu tiên miễn giảm, daong ba ngan haong urang hu kong yau: miễn giảm thuế taneh ngak nong, peih brei mesre ưu đãi, ba bruk ngak.

# Piah caga ka bilan Festival pakacah ge ngo Sóc Trăng thun 2015, mban khik iek baha Serey Chum Bâng Tone Sa, xã Viên An, huyện Trần Đề brei pasiam veik saong ngak veik sruh ge ngo barau. Sruh ge ini atah 29m, pajeng hu jaik 60 vận động viên, huyến luyện viên, urang yuk còi kayua nghệ nhân Danh Vũ, palei daok di Sóc Trăng dang tabiak ngak, tui yaom jien jaik 150 triệu đồng. Tal tukvak ini,  sruh ge ngo hu ngak bloh, daok sơn phết, cih bingu la tra nan lac salah abih.

# Tukvak Tết Trung thu, meng harei 21 tal harei 27/9, pak Cung thiếu nhi Hà Nội, Nhà hát Tuổi Trẻ meda peih ngak danak dak daoh tamia ngan haong kadha “Dalikan - Trung thu meng kan saong urak INI 2015”. Hu mbaok tame danak dak dom adei hu ma-in dom kadha ma-in bhap bani yau: Kéo vo, chat bao bố, Jan gaok, parah mbanh… Gam haong nan lac danak dak daoh tamia biak karei ngan haong dom kadha: Hề xiếc “Patau ngak mbang”, kịch bui uranaih “Chú cuội dũng cảm”.

Patui di ini dom khaw tin dunya:

# Mintri nội vụ CPC brei thau, taneh ia ini brei padang jabat iek gah điều tra, pacang cakak tội phạm công nghệ glaong saong dom bruk pacuh pajarak, neh rabha bangsa tapa mạng internet. Tui urang brei panuac mintri nội vụ - tướng Khieu Sopheap, jabat ini hu pataom mek, langyah dữ liệu viễn thông piah duah mboh, pasang iek tội phạm saong dom bruk đe dọa tal an ninh negar angaok mạng internet, pasang iek, langyah dom urang hu panuac pacuh pajarak ngak srau kadau xã hội tapa jalan internet.

# Tuk nao rivang ma-in mblang bein negar Etosha pak Namibia, tuai damuai mboh biak tatuak drei tuk mong mboh sa drei “lamen  bạch tạng” prong hu tal kalik mong yau hu me-om sa tal nhũ mbong. Yau nan min, tal kalik mbong angaok nan lac gluh thu. Tui dom urang ngak pak ini, tuk nhiệt độ tagok glaong, dom drei lamen bhian nduac trun dom danao gluh piah menei. Tuk tagok ar, dom cuah  cát canxit saong hakuk lan mbong ndam angaok rup anek lamen thu veik saong ngak ka kalik di nyu hu sambo màu yau nan.

# Tui Sputnik, urang kỹ sư Đức oh brei thau angan hu pandar radar dò tapa haluk piah duah saong hu mboh labik lum kho báo di sa palei gah Tây nam ban ine Moscow –hu meng samar kalin kan dunya ka 2, duah mboh 100 tấn meh, pariak saong nữ trang dalam haluk. Atah mbaok haluk meng 15 tal 17m meda dak tame  dalam 6 radaih tải. Drap ar ini lac di gilang pariak daok di Smolensk hu bol bala liên xô ba nao padauk kayua huac Đức Quốc xã meblah./.