# Page harei 15-5, pak Hà Nội, Ủy ban Thường vụ Quốc hội peih mbang nyaom 28. Dom urang lambaok brei panuac ka Harak khan pabak tame di raja-ei taong yaom dom bruk peih ngak danak dak patagok kinh tế - xã hội saong kadung jien karja thun 2013; bruk peih ngak dom bilan akaok thun 2014. Akaok Quốc hội Nguyễn Sinh Hùng pan akaok mbang nyaom.

Tapa ginum biai, dom urang dalam Ủy ban Thường vụ Quốc hội jeng mboh lac: Dom sahneng kuhria, dom taong yaom dalam harak pathau khan pabak tame di Raja-ei nan nyu phù hợp. Bruk hu Quốc hội ba tabiak ka thun 2013 meda lac ngak hu, brei mboh bruk kham merat biak prong di raja-ei, di taong abih hệ thống chính trị, di dom doanh nghiệp saong bhap bani. Min ralo panuac mboh lac: Kinh tế dalam negar daok dang anak ralo kan kandah, tavak tave prong, abih di nyu nan lac mbuan srau kadau gilac veik. Rai diuk di sa  urang ngak jeng daok gaok ralo kan kandah.

# Di Hà Nội, Uỷ ban Trung ương Mặt trận Negar Viet Nam birau peih Nyaom biai mbang 14, Kapul urang dang akaok Uỷ ban Trung ương Mặt trận Negar Việt Nam mbang 7. Dom kadha hu ginum biai di nyaom biai nan lac bruk srap pagap dahlau hu makna praong ka Nyaom roya 8 Mặt trận negar Viet Nam.

Brei panuac di nyaom biai, Akok Mặt trận negar Viet Nam Nguyễn Thiện Nhân ndem tagok dom jalan salih birau asar kadha, jalan ngak bruk di Mặt trận negar Viet Nam, dalam nan brei patagok glaong bruk ngak saong bruk rik daong di dom kapul nyaom; lambaok vakil ka quyền saong kein laba di bhap bini. Pataom tame jhul pakhng bruk daong gauk patrun kan kathoat khang kajap tapa bruk patahu khan dom bruk ngak hu kein laba di dom kapul  nyaom di Mặt trận Negar Viet Nam.

 # Hadei di tuk pang harak pathau khan di Mentri Y tế, panuac khan di lambaok Mentri Jien padai, Mentri Thông tin saong Truyền thông pak mbang nyaom ka bruk jit ruak tangin takai camboi, ruak pandiak tabiak darah, sởi, jit bahrau tamuh haong dom jalan pacang cakak. Phaok Thủ tướng Vũ Đức Đam hu panuac lac: Yaom lac jit sởi daok dang veik, urang njauk ruak bahrau hu takik, min manuac urang metai jeng daok hu rilo jang, taphia di nan, ruak tangin takai camboi saong ruak pandiak tabiak darah daok mbuan tamuh jeng jit, Mentri Y tế juai chủ quan saong njauk paglaong hatai sangka, oh caik ka  "jit ndik angaok jit". Phaok Thủ tướng Vũ Đức Đam jeng pandar Mentri Y tế patagok bruk tacei pato, pasang iek bruk pacang caga jit ruak, khang hatai phê bình, langyah tapak dom labik ngak oh siam.

# Gah Y tế Bạc Liêu patom tame pacang caga ruak tangin, taki, cambuai daok rah tabiak rilo di labik ini meng bilan4 mbiah tal ini ngan saong jaik 400 mbang uraniah njuak ba tame sang iek ruak. Ban sit Bạc Liêu saong huyện Hồng Dân na lac dua bhum palei mboh hu uranaih ba tame sang iek ruak ralo di abih ngan saong 100 mbang uranaih ruak. Gah y tế pambuak khang kajap saong gah pato megru Bac Lieu ngak bruk pacang caga ruak ka uranaih di dom sang khik iek uranaih, mẫu giáo dalm tỉnh, gam pathau khan pambak praong dalam sang bac jeng yau dom jalan pathau khan karei piah bhap bini hu thau saong pacang caga ruak, tacei pato mikva dom jalan pacang caga ruak chip.

 # Page harei 15/5, Chi cục khai thác saong khik caga kaya ikan dalam ia tỉnh Quảng Ngãi peih bruk pato pathram ilamu ka hukum tasik saong brei thau ka dom hagait daok rah tabiak angaok tasik ka mikva taong ikan di dua xã Nghĩa An saong Nghĩa Phú, bal Quảng Ngãi. Pak ini, Chi cục khai thác saong khik caga kaya ikan dalam ia tỉnh Quảng Ngãi pok sap iew mikva gul pataom gauk bám tasik, gam haong gah Kiểm ngư, Cảnh sát tasik khik caga chủ quyền pulao tasik di negar. Chi cục jeng hu khan brei ka mikva thau dom sarak daong ka urang tabiak tasik taong mek ikan.

 # Labaih 1.500 urang jakar, gru pato saong anek saih sang bac Tiểu học Hạ Long, ban sit Vũng Tàu, tỉnh Bà Rịa – Vũng Tàu birau peih mitinh ngan saong kadha “ Daong Kaoh pualo tasik anit ranam”. Di var mittinh, taong abih urang jakar, gru pato, anek saih sang bac jak gauk dak thoat bản đồ Viet Nam, saong prew khang “Hoàng Sa, Trường Sa, Việt Nam” “Pamaong tal kaoh pulao tasik bhum palei Viet Nam”…Gam jak ba rik prein tame khik caga Trường Sa, Hoàng Sa piah pabak prein khang jeng yau jalan sahaneng  ka dom urang lin daoik ngak bruk khik tasik, kajpa tangin pan phao khik taneh ia. Tapa nan, pamedeih veik hatung anit tasik kaoh pulao, klak rabha dom kan kandah, glaih glar di dom urang lin daok ngak bruk khik caga quyền ngak po taneh ia.

 # Bhap bani Cam pak An Giang tuk halei jeng sangka saong tui iek bruk Trung Quốc padang giàn khoan Hải Dương - 981 pak bhum tasik di Việt Nam. Bhap bani Cam tuk halei jeng pamaong tal pulao tasik di palei negar, hu panuac phản đối khang bruk ngak suan di gah Trung Quốc. Ong Haji Rozaly, urang dalam mBan đại diện Cộng đồng Islam tỉnh An Giang brei thau:

Khaw tin dunya:

# Urang vak di Rayo sap ndem Viet Nam daok ngak bruk di negar Thái Lan brei thau:

Dahlau di ini hasit, lambaok vakil dom anek saih Viet Nam di 5 sang bac đại học Thái Lan, nan lac sang bac Ai-tê, Chua-la-long-con, Mai-đôn, Ê-bệch, Thăm-ma-sạt saong dom urang Viet daok negar Thái Lan hu peih bruk mitinh anak pabah mbang Đại sứ quán Trung Quốc di Thái Lan piah yar harak thư phản đối bruk Trung Quốc ba gian khoan Hai Duong 981 tame bhum tasik labik ngak po di Viet Nam. Dom sinh viên Việt Nam jeng yau urang Viet daok di negra ini brei mboh bruk phản đối di drei anak bruk ngak suan di Trung Quốc. Dom gah an ninh khik iek Đại sứ quán Trung Quốc brei thau, urang taduan hu bruk jao uy quyen di dom urang jakar Đại sứ quán Trung Quốc piah taduan harak thư ini.

 # Ukraine daok mbuan glut dalam tame suy thoái kinh tế dalam thun ini, saong Nga jeng meda laik tame bruk ini. Lingiu di nan, bruk sụt giảm kinh tế meng dom khu vực khủng hoảng ini mbuan ngak brei pambak prong tabiak taong abih khu vực jang yau dunya. Ini lac panuac khan brei thau di Gilang pariak Tái thiết saong Patagok châu Âu (EBRD) ba tabiak di harei 14/5. EBRD khang panuac lac mbang khủng hoảng pak Ukraine daok ba tabiak dom kanjah jhak brei ka nền kinh tế di dua negar Nga saong Ukraine. Tui kuhria dahlau bruk kinh tế di Ukraine dalam thun 2014, EBRD brei thau lac tanut patagok di Kiev meda patrun 7%.

# Yaok thun, urang blei cai pandar di châu Âu klak yaok ratuh ribau tấn kanduh arieng. Di sa jabat dut iek di Bavaria (Đức), dom urang ilamu daok kham ngak brei dom kanduh arieng ann jeng polymer sinh học. Danak dak roh duah nan di châu Âu Chai-bi-ô pataom tame ngak kanduh arieng nan jeng pandap thô, năng lượng birau. Dom urang sinh học di Munich brei cak roh chủng bimao nấm men piah ngak chitin meng kanduh arieng, tapa bruk tagok men, jeng menyek limek. Bruk ngak nan lahik meng 5 tal 7 harei. Janih menyek nan hu payua tal sa cong ty pambuak bruk di gah Barak taneh ia Đức piah ngak tabiak./.