Khaw tin 6h30, harei 16/5

# Mentri Ilamo padhih saong rivang ma-in bahrau tabiak Quyết định ka bruk peih tal pato ilamo oh mboh di meta ka bangsa Cống, tỉnh Điện Biên saong bangsa Lô Lô, tỉnh Hà Giang. Pak dom tal bac, dam dara uranaih di bangsa meda hu dom nghệ nhân dalam palei drei pato veik dom ragam daoh bhap bani, tamia, daoh kadha daoh meng kan piah pasiam veik saong khik ramik, patagok ilamo meng kan, abih di nyu nan lac dom bangsa hu takik manuac urang. Pak Hà Giang, tal pato ilamo oh mboh di meta ka bhap bani bangsa Lô Lô tui kuhria dahlau meda peih tabiak dalam 3 harei puac bilan 6 tal saong pak Điện Biên, tal pato ilamo oh mboh di meda ka bangsa Cống meda rah tabiak dalam 3 harei akaok bilan 7.

#  tal tukvak ini, bruk kuhria caga ka pilih ruah di tỉnh Đăk Nông hu salah blaoh. Dalam mbang pilih ruah urang ka Quốc hội mbang 14 saong Hội đồng bhapbini dom pakat, tỉnh Đắk Nông hu 723 labik buh phiếu, ngan saong cử tri lac 377.255 urang. Dom cử tri meda buh phiếu piah pilih tabiak 6 urang ka Quốc hội, 53 urang ka Hội đồng bhapbini pakat tỉnh saong dom urang ka Hội đồng bhapbini pakat huyện, xã.    

#  Urak ini, yaom pablei sa radaih pon pak Ninh Thuận biak jiat, tui janih radaih limo atau radaih patuh saong jalan nao atah halei oh, pon hu yaom meng 1triệu meteh tal 2 triệu đồng sa radaih, meyah pajeng tabiak truh puk palei ye yaom sa radaih pon nan lac 3 triệu đồng. Kayua tua riya pandiak bhang dui atah, pandap mbang oh daok, yaom pon biak glaong min urang raong glang jeng njauk buh jien tabiak blei khik piah saong urang duah blei biak ralo. Daok dom urang dul pon buh tame mbao, meyah dul hu meng 10 - 15 mbao pon hu bayar jien kong meng 150 -200 ribau đồng sa harei. Ong Đạo Ngọc Hóa daok pak xã Bắc Sơn, huyện Thuận Bắc, tỉnh Ninh Thuận brei thau: “Dahlak nao ngak sa harei kong, meyah ngak meng page tal mesup biar harei, ye duah hu meng 500 – 600 ribau đồng. meyah pajeng nao pablei 1 triệu meng radaih limo ye jeng sa triệu dom, sa triệu dua jeng hu. Daok meyah pajeng meng radaih li-ua ye jaik 1 triệu 8”.

# Jak ini, dom labik angaok jalan roya 1A tapa huyện Hàm Thuận Nam, tỉnh Bình Thuận daok mbaih mbaoh, hadei di sa thun ngak blaoh dự án ramik pasiam nền saong mbaok jalan. Labik khik ramik, ba pandar lac Tổng Công ty 319 mintri Quốc Phòng – dhar BTO Sông Phan hu peih bruk ramik pasiam. Min, kayua nền jalan laman, nan ye bruk mbaok jalan glaong, biar jeng daok mboh di dom labik, trak di abih lac canah jalan tapa ban sit Thuận Nam. Saai Hoàng Văn Thịnh, sa urang daok di ban sit Thuận Nam, huyện Thuận Nam brei thau : “Barau blaoh, labik  thi công jeng hu ba mac mai ramik pasiam, min hadei di nan dom adit, nyu pambok tagok jeng dom luống bei yau klak. Radaih ô tô nao mai oh hagait, min  urang ndik radaih juak saong radaih patuh biak mbuan njauk bala. Kayua, tuk drei nduac samal hasit,  nyu ngak pablat tangin peih, nyu ngak ka drei mbuan jaleih labuh angaok jalan glaong biar yau nan ”

# 5 thun tapa, bal Cần Thơ hu jhul pakhang bruk patrun kathaot, patagok rai diuk ka bhap bani meng bruk pambuak pagam dom danak dak, đề án patagok  di bal, peih ngak dom sarak brei ka bhap bani bangsa takik. Tui nan, Cần Thơ hu buh tabiak labaih 37 tỉ đồng piah peih ngak dom dự án sang bac, jalan nao mai dalam palei, labik daok di bhap bani, balai iek ruak, ar pacang ribaong kraong ba aia; daong brei taneh pala drak, taneh daok, sang daok, aia pandar ka bhpa bni urang bangsa takik, rai diuk kan kandah, saong yaom phun jien abih tih labaih 9,8 tỉ đồng. Tapa nan, baoh sang kathaot dalam bhap bani urang bangsa takik trun daok 6,8%.

# Ngak tui bruk “ bhapbini khik caga an ninh negar”, tal urak ini , tỉnh Kiên Giang padang hu  56 mô hình pacang caga tội phạm, tệ nạn xã hội, dalam nan , hu 36 mô hình patagok hu siam lagaih. Tapa dom mo hinh, bhap bini pabak brei 9.561 tin tố giác tội phạm, daong gah chức năng duah thau ngak cambaih, langyah 5.778 mbang, 9.541 urang ngak suan hukum, langyah 2.197 mbang meriak gauk, kandah gauk dalam bhapbini...

# Meng harei 15 tal harei 17/7, harei pataom ilamo bhap bani Cam thun 2016 hu peih tabiak pak tỉnh An Giang, ngan haong kadha “Khik ramik, patagok ilamo bangsa Cam dalam bruk cak rok patagok khang kajap taneh aia”. Tui kuhria dahlau harei pataom hu mbaok di 11 tỉnh, bal ngan haong ralo bruk ngak yau biểu diễn nghệ thuật meng kan;  brei thau ka riya roya bhap bani meng kan; angui cuk khan ao meng kan... Pak ini, harei pataom hu peih mbang nyaom biai “Ilamo bhap bani Cam dalam bruk dak padang saong cakrok patagok khang kajap taneh aia”.   

Khaw tin dunya

# Meng bruk daong di dom nghệ sỹ Việt Nam saong bruk daong di Đại sứ quán Việt Nam di Ai Cập, melam 12/5, Cục biểu diễn nghệ thuật di mintri ilimo  Ai Cập, hu peih var tamia rối ia Việt Nam tui phong cách Ai Cập akaok mereip di bhum Trung Đông saong A rập. Bruk parang me-in kayua dom nghệ sỹ Ai Cập peih ngak, dui atah jaik 1 tuk saong taduan mek hu bruk pok meyaom di yaok ratuh menuac mai maong iek      

# Thủ tướng Ca-na-đa G.Tơ-ru-đô brei thau meda buh tabiak 785 triệu đô-la Ca-na-đa brei kadung jien dunya dalam klau thun tal piah jhul kadul likuk dom janih ruak yau HIV/AIDS, lao saong la-ar dom, tagok 20% dut haong tanut rik daong dahlau nan.

# Trung Quốc saong Mỹ barau blaoh hu peih mbang nyaom pakat chuyên gia di ban ine Oa-sinh-tơn, Mỹ, piah ginum biai ka dom thông lệ dunya di gah không gian mạng saong dom bruk an ninh karei. Ini lac mbang nyaom akaok mereip di kapul chuyên gia pakat glaong ka thông lệ dunya saong dom bruk pambuak tal, tui sanya di dua taneh ia, hu ba tabiak di mbang rabang Mỹ di akaok taneh ia Trung Quốc Tập Cận Bình di bilan 9 thun bloh.