Khaw tin 6h30 harei 21-3-2016

# Thủ tướng rajaei barau hu quyết định brei adat dui tah tukvak ngak tui Quyết định ka 30/2012/QĐ-TTg harei 18/7 /2012 ka tanut tacei lac palei biak kan kandah, xadi bhum bangsa saong bhum ceik tukvak  2012 – 2015.  Quyết định ka  30 ka tanut tacei lac palei biak kan kandah, xa di bhum bangsa saong bhum ceik tukvak  2012 - 2015 hu siam lagaih di labik lac hu klak meneing dom tanut oh cambaih laih, jeng ye tui jaik tanut palei pala barau, ba mbuan lagaih ka bruk taong yaom,  pilih ruah saong dak padang, peih ngak sarak.

/ UB bhap bini ban Đà Nẵng barau tacei pato dom sở, ban, ngành pambuak tal kuhria peih dom bruk ngak pachreih tui mong baoh taneh 2016. Dalam nan, hu bruk padang dom biển quảng cáo praong tapen dua gah kraong Hàn saong angaok dom jalan praong meng 20 tuk meteh tal 21 tuk meteh harei 19/ 

#Di thun 2015 jien mek tame meng bruk pablei tabiak taneh ia lingiu di Việt Nam tapa Mexico – gah kinh tế ka 2 Mỹ Latinh – hu 1,54 tỷ USD (giá FOB), tagok 49,16% duk saong dom bilan ini thun  2014  saong lac tanut tagok glaong abih dalam 10 thun tapa, meng hu patagok dom pandap pamda pablei tabiak taneh ia langiu. Taong abih yaom jien pablei salih dua gah hu 2,23 tỷ USD, tagok 55,70%  duk saong dom bilan ini thun 2014. Việt Nam blei meng Mexico  5 nyaom pandap praong hu máy vi tính-pandap điện tử saong linh kiện; jamrak saong thiết bị; pandap mbang ka athur saong nguyên liệu; pasaiy saong thép dom janih; pasiay thép phế liệu. 

/ Tui mban tacei pato BHYT bhap bini tỉnh Trà Vinh, tal urak ini, dalam tỉnh hu labaih 257.000 baoh sang dalam tỉnh hu tut angan blei BHYT, jaik samu 99%  dom baoh sang dalam tinh. Dalam nan, labaih 252.000 baoh sang hu ba dữ liệu tame phần mềm. Trà Vinh kham merat ngak ka taong abih dom baoh sang dalam tỉnh hu tame dữ liệu ka bruk blei BHYT dahlau di harei 31/3/2016 tui tacei pato di thủ tướng rajaei.

# hadei di 5 thun peih bruk padang ngak palei pala barau,  tỉnh Vĩnh Long ieu pataom  hu jaik 3.400 tỉ đồng peih ngak danakdak. Tal urak ini, dalam tinh hu 23 xa hu chuan palei pala barau. Sang hu menyek pandar hu jaik 99,5%, sang palei pala pandar ia hacih hu 60%. Tui bruk ba tbaiak, tal thun 2017, dalam tỉnh hu sa huyen ngak hu chuan palei pala barau saong tal thun 2020 hu 50% xa hu chuan palei pala bara

/ Bilan sara thun ini urang ngak sara tỉnh Bạc Liêu daok gaok kan kandah dalam bruk pablei kayua yaom biar. Thun ini, Bạc Liêu hu abih tih labaih 2.400 ha taneh ngak sara. Kayua hu pandiak dui atah nan ye sara samar jeng, urang ngak sara dalam tỉnh mek hu ralo sara. Kuhria tal tukvak ini dalam tỉnh mek hu jaik 27.300 tấn sara. Min bruk pablei sara daok gaok ralo kan kandah kayua yaom pablei sara biar. Urak ini yaom sara juk trun tagok meng 400 tal 500 đồng sa kg, sara patih meng 600 tal 700 đồng sa kg. Langiu sara barau ngak hu, Bạc Liêu daok hu jaik 10 ribau tấn sara dalam bhap bini, kayua vụ dahlau yaom biar oh pablei hu. Ong Trương Văn Dũng daok di xã Điền Hải, huyện Đông Hải , tỉnh Bạc Liêu brei thau: “Sara yaom biak lap, urak ini di labik ini yaom sara juk sa giạ 13, 14 ribau, rai diuk bhap bini mboh kan kandah lo. Sara lap lô min njauk ngak miat oh thau ngak habar ini. Thun halei hu yaom ye cadu hasit, thun halei laik yaom ye oh thau ngak hagait”.

# Thun 2015, meng kadung jien “ kayua urang kathaot” tỉnh An Giang hu padang barau 2.021 baok sang, ramik pasiam 541 baok sang jum pataom, yaom jien abih tih labaih 57 tỉ đồng ka sang kathaot daok gaok kan kandah ka sang daok. Bruk gheih abih di bruk padang sang ka urang kathoat lac rilo puk palei hu paglaong hatai anit ranam dalam bhapbini, padang hu rilo kapul padang sang ngak pahala : kapul padang sang ngak pahala di ban sit Tan Chau, kapul baok sang ranam di huyện Thoại Sơn saong Châu Thành…rik daong yaok rabau harei ngak, rik daong jien saong pandap ka dom sang kan kandah. 

Patui di ini dom khau tin dunya:

/ Akaok mintri ngoại giao Cuba Bru-nô Rô-đri-ghết barau ini ndom lac, rajaei taneh ia ini meda yah klak 10% yaom je kak tame jien đô la Mỹ hu ba tame taneh ia ini. Je kak tame jien đo la Mỹ di Cuba mbang akaok meti hu pandar di thun 2004, tuk Mỹ patagok dom jalan trừng phạt kinh tế saong jien padai ngan saong taneh ia pulao kaoh Caribe ini. Bruk yak klak je hu ba tabiak dalam tuk Tổng thống Mỹ Baracobama hu mbang nao rivang Cuba di harei 21 saong harei 22/3 tal 

# Dom urang dang akaok châu Âu daok tame dom mbang ginum biai ka bruk caong khin di Thổ Nhĩ Kỳ - EU bo dom urang nan njauk hatai di adit dahlau. Min, bruk njauk gauk piah langyah khủng hoảng di cư hu yaom rilo tỷ đô la Mỹ ini mbuan tayah kayua gaok rilo phản ứng meng dom taneh ia dalam EU 

/ Tổng Lãnh sự quán Việt Nam di Ô-sa-ka , Nhật Bản barau peih mbang taom gaok ndom meyai nao mai saong pambuak talei rohim di sinh viên VN saong doanh nghiệp NB. Tapa nan piah daong ka sinh viên VN daok bac megru di NB duah bruk ngak di dom doanh nghiệp NB./.